Ako Ba Midangop og Una sa Ginoo?

Imahe

Si Nephi nga nag-ampo

Kita nahibalo gikan sa 1 Nephi 2:16 nga sa dihang si Nephi nag-atubang og kawalay kaseguroan, midangop siya sa Ginoo ug ang Ginoo mipahumok sa iyang kasingkasing. Sa laing bahin, sa dihang si Laman ug si Lemuel nag-atubang og kawalay kaseguroan, naglalis sila sa usag usa ug nagsalig sa ilang igsoong lalaki nga si Nephi alang sa mga tubag imbes magsalig sa Ginoo (tan-awa sa 1 Nephi 15:8–9).

Si Laman ug si Lemuel nagpakita og sundanan kon unsay mahitabo kon kita magsalig lamang sa uban alang sa kamatuoran imbes modangop sa Ginoo. Si Nephi nahimong lig-on sa espirituhanon ug nagpabiling matinud-anon sa Dios sa tibuok niyang kinabuhi, samtang si Laman ug si Lemuel sa kataposan misalikway sa mga pagtulon-an sa ilang amahan bahin sa Ginoo. Bisan og si Nephi usa ka masaligan nga disipulo, siya mismo nahibalo nga dili siya mahimong usa ka puli alang sa pagpangita sa kamatuoran direkta gikan sa Ginoo (tan-awa sa 1 Nephi 15:6–11).

Samtang imong sutaon ang imong pagsalig diha sa Ginoo batok sa ubang tawo, hain niini nga mga opsiyon ang nasinati nimo?

Kalibotanon nga mga Tinubdan	Mga Tinubdan gikan sa Ebanghelyo
Kanunay ko nga makalimot sa pagpamalandong ug paghinuklog sa unsay gitudlo atol sa kinatibuk-ang komperensiya.	Kanunay ko nga magtuon sa mga pakigpulong sa kinatibuk-ang komperensiya aron magpabiling presko ang mga pulong sa mga lider sa akong hunahuna.
Kon ako adunay mga pangutana, akong susihon sa social media o sa akong paboritong mga podcast aron mangita og mga tubag.	Kon ako adunay mga pangutana, mangita ko og tabang diha sa mga kasulatan o sa mga pulong sa mga propeta karong panahona.
Kanunay ko nga makalimot sa pag-ampo ug pagtuon sa mga kasulatan.	Ang pag-ampo ug pagtuon sa kasulatan kanunay na nga kabahin sa akong kinabuhi.
Ang ubang tawo adunay mas nindot nga tambag kaysa mga lider sa Simbahan o sa mga kasulatan.	Akong makaplagan ang kalinaw pinaagi sa pagpaminaw sa mga pulong sa mga lider sa Simbahan ug sa mga kasulatan.
Mas hatagan nako og bili ang mga opinyon sa uban kaysa mga pagtulon-an sa ebanghelyo.	Hatagan nako og bili ang mga pagtulon-an sa ebanghelyo ug inspirasyon gikan sa Espiritu Santo.