Tē fāriu ra ānei au i te Fatu nā mua roa ?

Hōho’a

Nephi e pure ra

’Ua ’ite tātou i roto te 1 Nephi 2:16 ē, i te fa’arurura’a Nephi i te pāpū ’ore, ’ua fāriu atu ’oia i te Fatu ra ’e ’ua tāmarū te Fatu i tōna ’ā’au. I te tahi a’e pae, i te fa’arurura’a Lamana ’e ’o Lemuela i te pāpū ’ore, ’ua mārō rāua te tahi ’e te tahi ’e ’ua fāriu atu i tō rāua taea’e ia Nephi nō te fāri’i i te mau pāhonora’a, ’aita rā i te fāriu atu i te Fatu (hi’o 1 Nephi 15:8–9).

Tē fa’a’ite nei Lamana ’e ’o Lemuela i te hō’ē hōho’a nō te ’ohipa e tupu mai ’ia fāriu ana’e tātou i ni’a ia vetahi ’ē nō te parau mau, ’eiaha rā i te fāriura’a atu i ni’a i te Fatu. ’Ua pūai mai Nephi i te pae vārua ’e ’ua vai ha’apa’o maita’i noa i te Atua i te roara’a o tōna orara’a, ’āre’a ra ’o Lamana ’e ’o Lemuela ’ua fa’aru’e i te pae hope’a i te mau ha’api’ira’a a tō rāua metua tāne nō te Fatu. Noa atu ē ’ua riro Nephi ’ei pipi ti’aturihia, ’ua ’ite ’oia iho ē e’ita e ti’a iāna e mono i te ’imira’a i te parau mau ’āfaro ti’a nō ’ō mai i te Fatu ra (hi’o 1 Nephi 15:6–11).

’A hi’opo’a ai ’outou i tō ’outou ti’aturira’a i te Fatu ’ia fa’aauhia i te tahi atu mau ta’ata, i tei hea o teie mau rāve’a tā ’outou e fa’atū’ati atu ia ’outou ?

Te mau rāve’a a te ao nei	Te mau rāve’a a te ’evanelia
Pinepine i te mo’ehia iā’u ’ia tāmau ’e ’ia feruri i ni’a i te mea i ha’api’ihia i roto i te ’āmuira’a rahi.	Tē tuatāpapa tāmau nei au i te mau a’ora’a o te ’āmuira’a rahi, nō te tāpe’a tāmau noa i te mau parau a te feiā fa’atere i roto i tō’u ferurira’a.
E uira’a ana’e tā’u, e hi’o vau i te mau rāve’a tūreiara’a tōtiare ’aore rā i tā’u mau podcast au roa nō te ’ite mai i te mau pāhonora’a.	E uira’a ana’e tā’u, e ’imi au i te tauturu i roto i te mau pāpa’ira’a mo’a ’aore rā i te mau parau a te mau peropheta nō teie tau.
Pinepine e mo’ehia iā’u ’ia pure ’e ’ia tuatāpapa i te mau pāpa’ira’a mo’a.	’Ua riro te pure ’e te tuatāpapara’a pāpa’ira’a mo’a ’ei tuha’a tāmau nō tō’u orara’a.
E mau a’ora’a maita’i tā te tahi atu mau ta’ata, i tā te feiā fa’atere o te ’Ēkālesia ’aore rā te mau pāpa’ira’a mo’a.	’Ua ’itehia mai iā’u te hau i roto i te fa’aro’ora’a i te mau parau a te feiā fa’atere o te ’Ēkālesia ’e te mau pāpa’ira’a mo’a.
Tē ha’afaufa’a nei au i te mau mana’o o vetahi ’ē i te mau ha’api’ira’a o te ’evanelia.	Tē fa’ahiahia nei au i te mau ha’api’ira’a o te ’evanelia ’e te fa’aurura’a a te Vārua Maita’i.