Parau poro’i nō Pāsa a te Peresidenira’a Mātāmua

Hōho’a

Iesu Mesia e hi’o ra i ni’a i te ra’i ma tōna rima tei ’āfa’ihia i ni’a

Nō teie tumu vau i haere mai ai, nā Yongsung Kim, hōro’ahia mai e Havenlight

I teie pu’e tau Pāsa, tē ani nei mātou ia ’outou ’ia feruri hōhonu i te tusia tāra’ehara ’e te ti’afa’ahoura’a hanahana o te Fa’aora, ’o tē ha’amaita’i nei ia tātou pā’āto’a.

Nā roto i tō tātou Fa’aora ’o Iesu Mesia, tē fāri’i nei tātou i teie poro’i o te tīa’ira’a : « E pohe tō ’outou i teie nei ao : E fa’aitoito rā, ’ua riro te rē o teie nei ao iā’u » (Ioane 16:33). ’Ua fafau mai te Fa’aora ē, ’a ha’apa’o ai tātou i tāna mau fa’auera’a ’e te mau ’ōro’a, e noa’a ia tātou « te hau i roto i teie nei ao, ’e te ora mure ’ore i roto i te ao a muri atu ». (Te Ha’api’ira’a Tumu ’e te mau Fafaura’a 59:23).

Tē fa’a’ite pāpū nei mātou ē, tē ora nei Iesu Mesia ! « ’Ua ti’afa’ahou ’oia » (Mataio 28:6). Maoti ’oia, e nehenehe tātou e arata’ihia ’e e ha’apūaihia ’a amo ai tātou i te mau hōpoi’a tā tātou e fa’aruru nei i te tāhuti nei. Nā roto i tō tātou fa’aro’o i roto te tusia tāra’ehara a te Fa’aora, e’ita te mau tā’amura’a o te hara e nehenehe e tāpe’a ia tātou ’e te mau tāmatara’a tā tātou e fārerei nei i roto i te orara’a nei, ’aore ïa e mana vai maoro i ni’a ia tātou. « Te tara o te pohe, ’ua horomi’ihia ïa i te Mesia ra » (Mosia 16:8).

Hōho’a

tu’urimara’a a te mau melo o te Peresidenira’a Mātāmua

Te Peresidenira’a Mātāmua