Jekob 1–4

Long Jekob, stap tijim toktok blong God, i wan “wok blong mi long Lod,” mekem se hem i bin wok wetem strong tingting blong “givim ona mo wok strong insaed long ofis [blong hem]” (Jekob 1:17,19). ?Wanem nao ol sentens ia we Jekob i bin yusum i minim long yu? Tingbaot wanem wan glas we i save luk klia ol smol samting i save mekem. ?Hemia i no givim yu wan tingting? Taem yu tingting hevi long Jekob 1:6–8, 15–19 mo 2:1–11, tingbaot ol wok we maet Lod i gat blong yu. ?Wanem nao yu filim we i givim insperesen blong mekem blong givim ona mo wok strong wetem olgeta?

Luk tu long “Whom the Lord Calls, the Lord Qualifies,” long Teachings of Presidents of the Church: Thomas S. Monson (2022), 209–20; “Rise to Your Call” (video), Gospel Library.

Ol Man blong Nifae i bin gat problem blong hae tingting mo stap lukluk long ol rij samting (luk long Jekob 2:13), mo hemia i no bin wan problem ia nomo long taem blong olgeta. ?Olsem wanem nao enemi i promotem plante rij samting long wol tedei? Afta ridim Jekob 2:12–21, tokbaot long toktok blong yuwan hao God i wantem yu blong lukluk long ol rij samting blong wol ia. Wan hym olsem “Because I Have Been Given Much” (Hymns, no. 219) i save givim moa niu lukluk. ?Wanem insperesen nao yu filim blong mekem abaot wanem we yu stap lanem?

Pikja

Seminari pikja bokis

Jekob 2:22–35; 3:10–12

God i stap glad long jastiti.

Taem yu stap rid long Jekob 2:22–35; 3:10–12, ?wanem nao yu faenem we i helpem yu blong andastanem from wanem jastiti i impoten tumas long God? ?Wanem sam long ol en risal we i nogud from fasin blong nogat gud tingting—long dei blong Jekob mo long ol dei blong yumi? ?Wanem nao ol blesing blong stap laef long wan laef we i klin long saed blong seks?

Elda David A. Bednar i tijim se yumi stap laef “long wan wol we i gohed blong jikim moa tabu fasin blong krietem laef” (“We Believe in Being Chaste,” Liahona, Mei 2013, 41–44). ?Hao nao yu helpem ol nara man blong andastanem from wanem yu obei loa blong jastiti? Wan gud ples blong stat, hem i eksplenesen blong ol standet blong God long ol filing mo rilesen long saed blong seks long “Your body is sacred” long Blong Ol Yut Oli Kam Strong: Wan Gaed blong Mekem Ol Joes (ol pej 22–29). ?Wanem nao yu faenem insaed long riding ia we i save helpem yu eksplenem from wanem yu laef folem loa blong jastiti?

Yu save faenem moa ansa long mesej blong Elda Bednar olsem we oli soem antap ia o long vidio “I Choose to Be Pure” (Gospel Library).

?Olsem wanem standet blong God long saed blong klin seks i defren long ol nara mesej we yu maet kasem? ?Wanem nao ol blesing blong stap laef long wan laef we i klin long saed blong seks?

Luk tu long ol Gospel Topik, “Virtue,” Gospel Library; “Same-Sex Attraction” insaed long “Life Help” Wan koleksen insaed Gospel Library.

Jekob i plis long ol pipol blong hem blong oli “stretem olgeta wetem God tru long atonmen blong Kraes” (Jekob 4:11). Wan mining blong stretem i blong putumbak frensip o gat gud filing. Taem yu stap tingting hevi abaot laef blong yuwan, tingbaot wan taem we yu bin filim se yu longwe long God. ?Olsem wanem nao Sevya i stap helpem yu blong putumbak rilesensip ia? Wanem kaonsel nao yu save faenem long japta ia we i helpem yu blong stretem yuwan wetem God? (luk long ol ves 4–14).

?Wanem moa niu tingting yu kasem aot long Matiu 5:23–24? ?Olsem wanem nao Sevya i save helpem yu blong stretem yuwan wetem God—mo ol nara man?

Luk tu long 2 Nifae 10:24.

Taem we Jekob i bin wantem blong tanem ol pipol blong hem oli go fulwan long Lod, hem i bin givim ol woning long olgeta se bae oli no mas blaen long saed blong spirit, mo oli no mas ting nating long “ol klia toktok” blong gospel (luk long Jekob 4:13–14). Folem wanem i stap long Jekob 4:8–18, wanem nao yumi save mekem blong no stap blaen long saed blong spirit?

Luk tu long Quentin L. Cook, “Looking beyond the Mark,” Ensign, Mar. 2003, 40–44.

• Blong helpem ol pikinini i andastanem hao “wan sol we i gat soal” i save kasem hiling, yu save toktok raon tugeta long hao ol bodi blong yumi i gat soa mo wanem i helpem olgeta blong kasem hiling. Ating ol pikinini blong yu oli save tokbaot ol taem we oli kasem kil mo wanem nao i helpem olgeta blong kam oraet. Yu save soem tu long olgeta ol bandej o meresin olsem pat blong storian ia. Ating yu save serem wetem olgeta, olsem wanem Sevya i bin helpem yu taem spirit blong yu i nidim hiling.

• Sam long ol man long taem blong Jekob oli rij tumas, be oli no wantem serem wanem we oli gat wetem ol pua man. Taem yu ridim ol tijing blong Jekob i go long olgeta long Jekob 2:17–19, yu save givim long ol pikinini ol pikja o ol tul blong oli holem we i go wetem ol toktok o sentens long ol ves ia. Yu save eksplenem se yu stap serem ol tul ia wetem olgeta; afta yu save invaetem olgeta blong serem ol tul wetem yu o wetem yufala bakegen. Tokbaot hao yu filim taem yu sea. ?Wanem moa yumi save serem wetem ol narawan blong mekem olgeta oli filim hapi?

• Afta we yu stap rid tugeta long Jekob 2:17, ating ol pikinini blong yu i save givim nem long ol blesing we Papa long Heven i bin serem wetem olgeta. ?From wanem nao Hem i wantem yumi blong serem samting wetem narafala man?

• Fet blong Jekob long Kraes i bin strong tumas, we i no save seksek. Blong tijim ol pikinini blong yu hao blong bildim fet olsem ia, yu save askem olgeta abaot ol samting yumi mekem blong gat ol strong bodi. ?Wanem nao yumi save mekem blong mekem fet blong yumi long Jisas Kraes i kam strong moa? Ridim Jekob 4:6 tugeta blong helpem ol pikinini blong faenemaot wanem nao Jekob mo ol pipol blong hem oli bin mekem blong mekem fet blong olgeta i “no seksek.”

• Wan wei blong helpem famli blong yu blong andastanem wanem i minim blong “no seksek” long bilif blong olgeta, i blong yu faenem wan bigfala tri mo askem olgeta blong seksekem wanwan branj blong hem. Afta, letem olgeta oli traem blong seksekem stamba blong hem. ?From wanem i moa had blong seksekem stamba blong hem? ?Wanem toktok nao insaed long Jekob 4:6, 10–11 i tokbaot gud wanem yumi save mekem blong mekem fet blong yumi long Jisas Kraes i no seksek?

  Pikja

  Bigfala tri insaed long wan pak

• Blong yusum fasin blong komperem samting blong tijim ol pikinini blong yu abaot fet long Jisas Kraes we i no seksek, luk long Neil L. Andersen, “Spiritual Whirlwinds” (Liahona, Mei 2014, 18–21; mo vidio ia “Spiritual Whirlwinds“) o “The Wise Man and the Foolish Man” (Children’s Songbook, 281; luk tu long Matiu 7:24–27).