2 Korinito 1–7

• Atonu o loo i ai se tasi i lau vasega o loo feagai ma se tofotofoga faigata. O aafiaga na faamatalaina e Paulo ma le fautuaga sa ia tuuina mai i le 2 Korinito e mafai ona fesoasoani i tagata o le vasega e mafaufau i faamanuiaga e mafai ona oo mai mai o latou tofotofoga. Ina ia amata se talanoaga, e mafai ona e fai atu i se tagata o le vasega e sau saunia e talanoa pe na faapefea ona faamanuiaina e se tofotofoga lona olaga po o se mea sa ia aoao mai i se isi tagata sa onosaia se tofotofoga. Ona e tuu atu lea i tagata o le vasega ni nai minute e toe faamanatu ai le 2 Korinito 1:3–7; 4:6–10, 17–18; ma le 7:4–7, e vaavaai mo le mea na aoao mai e Paulo e uiga i faamoemoega ma faamanuiaga o tofotofoga. (Mo faataitaiga o ana aoaoga, tagai otootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga.) Fai atu i tagata o le vasega e faasoa mai ni mea sa latou mauaina. Atonu e te fautua atu latou te faitau leotele le fuaiupu na latou maua ai se aoaoga faapitoa ona faasoa mai lea o se aafiaga po o se molimau e faatatau i lena aoaoga.

• Mafaufau e tuu atu i tagata o le vasega le taimi e mafaufau loloto ai i auala e mafai e tofotofoga ona faamanuia ai o tatou olaga, e aofia ai le toe faamanatuga o aoaoga a Paulo o loo maua i le 2 Korinito 1:3–7; 4:6–10, 17–18; ma le 7:4–7. I le taimi lenei e mafai ona latou tusia pe mafai faapefea ona faatatau aoaoga a Paulo i mea faigata latou te feagai i o latou lava olaga.

• Ina ia faaopoopo atu i lau talanoaga, mafaufau e usu faatasi e tagata o le vasega ni viiga e sili ona fiafia i ai o loo molimau mai i le mafanafana ma faamanuiaga e ofoina mai e le Tama Faalelagi ma Ie Faaola ia i tatou i taimi o tofotofoga—e pei o “Le Faavae Malosi” (Viiga, nu. 45). A uma ona pepese faatasi, e mafai ona e valaaulia tagata o le vasega e vaai se fasifuaitau i le 2 Korinito 1 ma le 4 latou te lagona e fetaui ma le savali o le viiga.

• Ua tofu i tatou uma ma aafiaga ina ua “faatupuina [e se tasi] le tiga” ia i tatou po o lo tatou aiga (fuaiupu 5). Atonu e mafai e tagata o le vasega ona suesue i le 2 Korinito 2:5–11, e vaai mo le fautuaga mai ia Paulo e uiga i le ala e taulima ai se tagata sa faatiga ia i tatou. Mafaufau e valaaulia tagata o le vasega e toe faamanatu le Luka 15:11–32; Ioane 8:1–11; ma le upusii mai ia Elder Kevin R. Duncan (tagai “Punaoa Faaopoopo”) e aoao atili ai e uiga i le ala e tatau ona tatou taulima ai i latou ua sala. E faapefea ona tatou faaleaga i tatou lava ma isi pe a tatou le mananao e faamagalo atu?

• E toatele tagata e o mai i le ekalesia ma se manao ia lagona le latalata atili i le Atua, ma o le talanoaina o le 2 Korinito 5:14–21 e mafai ona fesoasoani ia i latou. Ina ia amata, e tatau i tagata o le vasega ona sue le uiga o le upu lelei, atonu e amata i le sueina o le upu i le lomifefiloi. O a ni malamalamaaga ua tuuina mai e lenei mea e uiga i le lelei ma le Atua? O a ni malamalamaaga faaopoopo tatou te maua mai le faamatalaga “Atonement” i le Bible Dictionary? E mafai faapefea ona fesoasoani nei malamalamaaga ia tatou malamalama ai i le 2 Korinito 5:14–21? Atonu e te manao e valaaulia tagata o le vasega e faasoa mai o latou lagona e uiga i le Faaola, o Lana Togiola lea e mafai ai ona tatou toe faatasi ma le Atua.

• 2 Korinito 7:8–11 o loo aumaia ai se faamalamalamaaga aoga o le tiga faaleatua ma lona matafaioi i le salamo. O le a se mea ua tatou aoaoina e uiga i le tiga faaleatua mai le 2 Korinito 7:8–11 ma upu a Peresitene Dieter F. Uchtdorf o loo i “Punaoa Faaopoopo”? Aisea e matuai taua ai le tiga e tusa i le Atua i le salamo?

• Atonu e te lagona le musuia e uunaia se talanoaga lautele atu e uiga i le salamo. Afai o lea, e mafai ona e faia se mea e pei o lenei: Tusi i luga o le laupapa O le salamo e . Fai atu i tagata o le vasega e sue ni auala e faauma ai le fasifuaitau lenei, e faaaoga ai mea ua latou aoaoina mai le 2 Korinito 7:8–11, faapea foi ma tusitusiga paia ma isi punaoa o loo maua i “Punaoa Faaopoopo.” E mafai faapefea ona latou faaaogaina nei aoaoga e fesoasoani ai i se tasi ia malamalama i le auala e salamo faamaoni ai?

Na aoao mai Elder Kevin R. Duncan: “O se tasi o ki e faamagalo ai i isi o le taumafai lea e vaai atu ia i latou e pei ona silasila mai le Atua ia i latou. I nisi o taimi, e mafai ona faataga e le Atua i tatou ia vaai ma malamalama i le loto, ma le agaga o se isi tagata lea na faatiga ia i tatou. O lenei malamalamaaga e ono oo atu ai i se alofa lofituina mo lena tagata” (“O Le U’u Faamalolo o le Faamagaloga,” Ensign po o le Liahona, Me 2016, 34)

Na faamalamalama mai e Peresitene Dieter F. Uchtdorf:

“Tiga e tusa ma le atua e musuia le suiga ma le faamoemoe e ala i le Togiola a Iesu Keriso. Tiga faalelalolagi e tosoa i tatou i lalo, aveesea ai le faamoemoe, ma faatosinaina i tatou ia lolo atu atili i faaosoosoga.

“O le tiga e tusa ma le atua e taitai atu i le liua ma se suiga o le loto. Na te uunaia i tatou ia inoino i le agasala ae fiafia i le lelei. Na te uunaia i tatou ia tutu i luga ma savavali i le malamalama o le alofa o Keriso. O le salamo moni e faatatau i le suiga, ae le o tiga ma mafatiaga” (“E Mafai Ona E Faia Nei Lava!” Ensign po o le Liahona, Nov. 2013, 55).

• Esekielu 18:30–31

• Mosaea 3:19; 5:2

• Alema 5:11–21; 42:29–30

• 3 Nifae 9:13–14, 20–22

• Mataupu Faavae ma Feagaiga 58:42-43

• Bible Dictionary, “Repentance”

• “Repentance,” Gospel Topics, topics.lds.org

• Dale G. Renlund, “Salamo: O Se Filifiliga Fiafia,” Ensign po o le Liahona, Nov. 2016, 121–24

Na aoao mai Elder Neil L. Andersen:

“A tatou agasala, tatou te liliu ese mai le Atua. A tatou salamo ona tatou liliu atu lea i le Atua.

“O le valaaulia e salamo e seasea lava o se leo o le aoaiga ae o se talosaga alofa e toe liliu ma ia ‘toe-foi’ atu i le Atua [tagai i le Helamana 7:17]. O le augani mai a se Tama agalelei ma Lona Alo Pele e Toatasi ia tatou sili atu nai lo le tagata o tatou i ai, ia aapa atu i se ituaiga olaga maualuga atu, ia sui, ma ia lagona le fiafia i le tausiga o poloaiga. O le avea ai ma soo o Keriso, tatou te fiafia ai i faamanuiaga o le salamo ma le olioli o le faamagaloina. E avea ma se vaega o i tatou, e mamanu ai le ala tatou te mafaufau ma manatu ai. …

“Mo le toatele, o le salamo e tele lava o se malaga nai lo o se mea e faatasi ona tupu. E le faigofie. E faigata tele le suia. E manaomia ai le tamoe agai i le savili, aau atu i le mea o sau ai le tafe. Na fetalai le Faaola, ‘Ai se tasi e fia mulimuli mai ia te au, aua nei usiusitai o ia ia te ia, a ia ave e ia lona satauro, i le mulimuli mai ai ia te au’ [Mataio 16:24]. O le salamo o le liliu ese mai nisi o mea, e pei o le le faamaoni, faamaualuga, ita, ma mafaufauga le mama, ae liliu agai atu i isi mea, e pei o le agalelei, le manatu faapito, onosai, ma le faaleagaga. O le ‘toe-liliu‘ agai atu i le Atua” (Salamo … Ina Ia Ou Faamaloloina Outou,” Ensign po o le Liahona, Nov. 2009, 40–41).