Aatin re li Xb’eenil Awa’b’ejil

Nekexqara, ut kaw qach’ool cherix. K’a’jo’ eechaab’ilal jo’ ralal xk’ajol li qaChoxahil Yuwa’, ut xextaqlaak sa’ ruchichoch’ sa’ li kutan a’in re xb’aanunkil k’iila k’anjel jwal ninqeb’.

Taawanq hoonal naq taalajq eemetz’ew malaj teereek’a naq ink’a’ nekexru. Maak’a’ naxye. Sa’eb’ li hoonal a’an, chesik’ li Kolonel. A’an li “xkawilaleb’ li saaj.”

Li hu a’in texxtenq’a chixnawb’al k’a’ru tento teesik’ ru re kanaak sa’ xb’ehil li sumwank. Texxtenq’a chixkawresinkil eerib’ chi ok sa’ loq’laj sumwank sa’ li santil ochoch, chi xik sa’ mision, ut chixtawb’al xsahil eech’ool sa’ xtaaqenkil li Jesukristo chiru lee yu’am. Naqoyb’eni naq nekereek’a naq k’ulb’ilex sa’ lix Iglees li Kolonel ut naq k’eeb’il eewankilal xb’aan a’an re xb’aanunkil li rajom a’an choq’ eere.

Naqanaw naq yo’yo li Dios. Chi anchal qach’ool naqaj naq texkanaaq sa’ xb’ehil li sumwank li texxk’am wi’chik rik’in lee Yuwa’ sa’ Choxa. Naq teeb’aanu, teek’e chi uxk li us, sa’ xwotzb’al li evangelio chi sa eech’ool ut xkawresinkil li ruchich’och’ choq’ re li xkab’ xk’ulunik li Kolonel.