पादरित्वका सिद्धान्तहरू

मल्कीसेदेक पादरित्व “परमेश्वरका पुत्रको रीतअनुसारको पवित्र पादरित्व” हो (सिद्धान्त र करार १०७:३) । यो त्यो शक्ति हो जसद्वारा परमेश्वरका सन्ततिहरू उहाँजस्तै बन्न सक्छन् (हेर्नुहोस् सिद्धान्त र करार ८४:१९–२१; १३२:१९–२०) ।

यस अधिकारका माध्यमबाट, चर्चका अगुवाहरूले चर्चका सबै आध्यात्मिक कार्यलाई निर्देशन र व्यवस्थापन गर्छन् (हेर्नुहोस् सिद्धान्त र करार १०७:१८) ।

किला अध्यक्ष किलामा अध्यक्षता गर्ने उच्च पादरी हुन् (हेर्नुहोस् सिद्धान्त र करार १०७:८, १०; यो पुस्तिकामा अध्याय ६ पनि हेर्नुहोस्) । बिशप वार्डमा अध्यक्षता गर्ने उच्च पादरी हुन् (हेर्नुहोस् सिद्धान्त र करार १०७:१७; यो पुस्तिकामा अध्याय ७ पनि हेर्नुहोस्) ।

मल्कीसेदेक पादरित्वको विभाग र उत्तरदायित्वका सम्बन्धमा जानकारीका लागि, हेर्नुहोस् ८.१ ।

हारुनको पादरित्व “… मल्कीसेदेक पादरित्वको एक परिशिष्ट” हो” (सिद्धान्त र करार १०७:१४) । यसले यी साँचाहरू समावेश गर्छ:

• स्वर्गदूतहरूको सेवा ।

• पश्चात्तापको सुसमाचार ।

• पापहरूको क्षमापनका लागि बप्तिस्मा सहित बाह्य विधिहरूमा प्रशासन ।

(हेर्नुहोस् सिद्धान्त र करार १३:१; ८४:२६–२७; १०७:२० ।)

बिशप वार्डमा हारुनको पादरित्वका अध्यक्ष हुन् (हेर्नुहोस् सिद्धान्त र करार १०७:१५) ।

हारुनको पादरित्वको विभाग र उत्तरदायित्वहरूका सम्बन्धमा जानकारीका लागि, हेर्नुहोस् १०.१.३) ।

पादरित्वका साँचाहरू परमेश्वरका सन्ततिहरूका तर्फबाट पादरित्वको प्रयोगलाई निर्देशित गर्ने अधिकार हुन् ।

पादरित्वका साँचाहरू धारण गर्नेहरूको निर्देशनमा, चर्चका योग्य पुरुष सदस्यहरूलाई हारुनको पादरित्व र मल्कीसेदेक पादरित्व प्रदान गरिन्छ (हेर्नुहोस् सिद्धान्त र करार ८४:१४-१७) । उपयुक्त पादरित्व प्रदान गरिसकेपछि, व्यक्तिलाई त्यो पादरित्वको विभागमा नियुक्त गरिन्छ, जस्तै डिकन वा एल्डर । पादरित्व बाहकले त्यो विभागको अधिकार र कर्तव्य अनुसार पादरित्वको प्रयोग गर्छन् (हेर्नुहोस् सिद्धान्त र करार १०७:९९) ।

पादरित्व प्रदान र नियुक्तिका सम्बन्धमा थप जानकारीका लागि, हेर्नुहोस् ८.१.१ र १८.१० ।

यो अधिकार धार्मिकतामा मात्र प्रयोग गर्न सकिन्छ (हेर्नुहोस् सिद्धान्त र करार १२१:३६) । यो अनुनय, सहनशीलता, कोमलता, विनम्रता, प्रेम र दयाद्वारा अभ्यास गरिन्छ (हेर्नुहोस् सिद्धान्त र करार १२१:४१–४२) ।

पादरित्व अधिकार अभ्यास गर्नेहरूले अरूहरूमाथि आफ्नो चाहना जबरजस्ती लागु गर्दैनन् । तिनीहरूले यसलाई स्वार्थका लागि प्रयोग गर्दैनन् ।

कुनै करार परमेश्वर र उहाँका सन्ततिहरू बीचको पवित्र प्रतिज्ञा हो । परमेश्वरले करारका लागि सर्तहरू दिनुहुन्छ र ती सर्तहरू पालना गर्न उहाँका सन्ततिहरू सहमत हुन्छन् । परमेश्वरले आफ्ना सन्ततिहरूलाई आशीर्वाद दिने प्रतिज्ञा गर्नुहुन्छ जब तिनीहरूले करार पूरा गर्छन् ।

आफ्ना करारहरू पालना गरेर अन्तसम्म सहनेहरू सबैले अनन्त जीवन प्राप्त गर्ने छन् (हेर्नुहोस् २ नफी ३१:१७–२०; सिद्धान्त र करार १४:७) ।

अभिभावक, चर्चका अगुवाहरू र अन्यले व्यक्तिहरूलाई सुसमाचारका विधिहरू प्राप्त गर्दा करारहरू बनाउन तयार हुन सहयोग गर्छन् । तिनीहरूले सुनिश्चित गर्छन् कि व्यक्तिले ऊ वा उनले गर्ने करारहरू बुझ्छन् । कुनै व्यक्तिले करार गरेपछि, तिनीहरूले ऊ वा उनलाई यसलाई पालना गर्न सहयोग गर्छन् । (हेर्नुहोस् मोसीयाह १८:८–११, २३–२६ ।)

कुनै विधि पादरित्वको अधिकारद्वारा गरिने पवित्र कार्य हो ।

अधिकांश विधिहरूमा, व्यक्तिहरूले परमेश्वरसँग करारहरू गर्छन् । उदाहरणहरूमा बप्तिस्मा, प्रभुभोज, अभिदान र बाँधिने विवाहका विधि समावेश छन् ।

अनन्त जीवनका लागि मुक्ति र उत्कर्षका विधिहरू अत्यावश्यक छन् । थप जानकारीका लागि, हेर्नुहोस् १८.१ ।