सदस्यहरूसँग अन्तर्वार्ता र अन्य भेटघाटहरू

प्रार्थना, धर्मशास्त्र अध्ययन र धार्मिक जीवनद्वारा आफैलाई आत्मिक रूपमा तयार गर्नुहोस् । पवित्र आत्माको सूक्ष्म आवाजलाई सुन्नुहोस् ।

जब सदस्यहरू तपाईंकहाँ अन्तर्वार्ताका लागि वा व्यक्तिगत चुनौतीमा सहयोगका लागि आउँछन्, प्रायः उनीहरूलाई सबैभन्दा बढी आवश्यक स्वर्गका पिताले तिनीहरूलाई प्रेम गर्नुहुन्छ भनेर जानकारी प्राप्त गर्नु हो ।

धर्मशास्त्र र पछिल्ला दिनका अगमवक्ताहरूको वचनले आत्मालाई आमन्त्रण दिन्छ र विशुद्ध सिद्धान्त सिकाउँछ । तिनीहरूलाई प्रेरणा र प्रोत्साहन दिन प्रयोग गर्नुहोस्, निन्दा, विवश पार्न वा डर पैदा गर्न होइन (हेर्नुहोस् लूका ९:५६) ।

सदस्यहरूलाई उहाँतर्फ फर्कन प्रोत्साहन गर्नुहोस् । तिनीहरूलाई मजबुत बनाउन, सान्त्वना दिन र उद्धार गर्न उहाँको शक्तिमा आकर्षित हुन सहयोग गर्नुहोस् ।

अन्तर्वार्ता वा वैठकको समयमा सदस्यलाई अन्य कसैलाई उपस्थित गराउने विकल्प सधैँ दिनुहोस् । विपरित लिङ्गका सदस्य, बालबालिका वा युवासँग भेट्दा, अभिभावक वा अर्को वयस्क उपस्थित छ भनी सुनिश्चित गर्नुहोस् । ऊ वा उनी बैठकमा सहभागी हुन सक्छन् वा कोठाबाहिर प्रतिक्षा गर्न सक्छन्, तपाईंले भेट्न गर्न लाग्नु भएको सदस्यको प्राथमिकतामा निर्भर गर्छ ।

सदस्यले अनुमति नदिएसम्म—तपाईंको जीवनसाथी वा चर्चका अन्य अगुवाहरू—कसैसँग गोप्य जानकारी नबाँढ्नुहोस् ।

सदस्यसँग भेट्दा, ऊ वा उनको अवस्था बुझ्न सहयोग गर्ने प्रश्नहरू सोध्नुहोस् ।

सदस्य बोलिरहेको समयमा, सचेत बनेर ध्यानपूर्वक सुन्नुहोस् ।

सदस्यहरूप्रतिको तपाईंको प्रेमका कारण, तपाईंले तत्कालै तिनीहरूको समस्याहरूको समाधान प्रस्ताव गर्न सक्नुहुन्छ । यद्यपि, तपाईंले तिनीहरूलाई आफ्नै समाधान खोज्न र आफ्नै निर्णयहरू गर्न सहयोग गरेर उनीहरूलाई थप आशीर्वाद दिनुहुने छ (हेर्नुहोस् सिद्धान्त र करार ९:८

केवल बिशप वा किला अध्यक्षले एक व्यक्तिलाई गम्भीर पापहरूको समाधान गर्नका लागि सहयोग गर्न सक्छन् । यी मध्ये केही ३२.६) मा सूचीवद्ध छन् । यदि सदस्यले यी मध्ये कुनै पाप गरेका छन् भने, उनले तत्कालै बिशप वा किला अध्यक्षसँग भेट्नुपर्छ ।

कुनै पनि स्वरूपमा दुर्व्यवहारलाई सहन गर्न सकिँदैन । दुर्व्यवहारको जानकारीहरूलाई गम्भीर रूपमा लिनुहोस् । कसैलाई दुर्व्यवहार गरिएको छ भनेर यदि तपाईंलाई जानकारी हुन्छ भने सरकारी अधिकारीहरूलाई दुर्व्यवहारको जानकारी दिनुहोस् र बिशपसँग सल्लाह लिनुहोस् । दुरुपयोगको जानकारी र प्रतिक्रियाका लागि ३८.६.२मा मार्गदर्शनहरू प्रदान गरिएको छ ।

सामान्यतया, यी निर्धारण गर्नका लागि अगुवाहरूले चर्चका सदस्यहरूको अन्तर्वार्ता लिन्छन्:

• कुनै विधि प्राप्त गर्न वा यसमा सहभागी हुन तयार छन् कि छैनन् ।

• चर्चमा कुनै पदमा बोलावट गरिनु पर्छ कि पर्दैन।

थप जानकारीका लागि, हेर्नुहोस् १८.१०.२ ।

मन्दिर परमप्रभुको घर हो । मन्दिरमा प्रवेश गर्नु र विधिहरूमा भाग लिनु एक पवित्र सुअवसर हो । यो सुअवसर तिनीहरूका लागि आरक्षित छ जो आत्मिक रूपमा तयार छन् र परमप्रभुको मापदण्डहरूमा जिउने प्रयास गरिरहेका छन्, जसरी अधिकारिक पादरित्व अगुवाहरूले निर्धारण गरेका छन् ।

यो निर्धारण गर्नका लागि, पादरित्व अगुवाहरूले LCR मा भएका प्रश्नहरू प्रयोग गरेर सदस्यको अन्तर्वार्ता लिन्छन् (२६.३) मा मार्गदर्शनहरू पनि हेर्नुहोस् ।

मल्कीसेदेक पादरित्व प्रदान गर्नका लागि किला अध्यक्षले पादरित्वका साँचाहरू धारण गर्छन् । एल्डर र उच्च पादरीका विभागहरूमा नियुक्तिका लागि साँचा पनि उनले नै बहन गर्छन् ।

किला अध्यक्षताको स्वीकृतिमा बिशपले मल्कीसेदेक पादरित्वको नियुक्ति अभिलेख मा प्रदान गरिएका प्रश्नहरू प्रयोग गरेर सदस्यको अन्तर्वार्ता लिन्छन् ।

बिशप वा उनका सल्लाहकारहरू मध्ये एकले प्रत्येक युवासँग वर्षमा दुई पटक भेट्छन् । प्रत्येक वर्ष यी मध्ये कम्तिमा एक भेट बिशपसँग हुनुपर्छ । युवा १६ वर्ष पुग्ने वर्षको सुरूदेखि, सम्भव भएमा वर्षभरीका दुबै भेटघाटहरू बिशपसँग हुनुपर्छ ।

युवती अध्यक्षको पनि हरेक युवतीहरूलाई सेवा गर्ने उत्तरदायित्व छ । उनले यो कार्य युवती महिलाहरूसँग एक्लै एक्लै भेटेर गर्न सक्छिन् (वा अर्को वयस्कसँग उपस्थित भएर) ।

बिशपले आफ्नो वार्डमा युवा एकल वयस्कहरूको आत्मिक प्रगतिलाई उच्च प्राथमिकता दिन्छन् । उनी वा नियुक्त सल्लाहकारले प्रत्येक युवा एकल वयस्कसँग कम्तिमा वर्षमा एक पटक भेटघाट गर्छन् ।

किला अध्यक्षताहरू, बिशपरिकहरू र अन्य अगुवाहरूले व्यक्तिगत रूपमा सदस्यहरूसँग भेटघाट गर्छन् जसले तिनीहरूलाई उनीहरूका बोलावटहरूका सम्बन्धमा जानकारी गराउँछन् ।

ती अगुवाले सदस्यको सेवाका लागि कृतज्ञता व्यक्त गर्छन् र प्रोत्साहन प्रदान गर्छन् ।

चर्चका अगुवाहरूलाई व्यावसायिक सल्लाहकार हुन वा उपचार प्रदान गर्न बोलावट गरिंदैन । येशू ख्रीष्टको मजबुत बनाउने, सान्त्वना दिने, मुक्ति दिने शक्तिमा ध्यान केन्द्रित गर्दै तिनीहरूले प्रदान गर्ने सहयोग आत्मिक हुन्छ । यो महत्त्वपूर्ण र प्रेरित सहयोगका अतिरिक्त केही सदस्यहरूले यो उपलब्ध भएको व्यावसायिक परामर्शबाट लाभ उठाउन सक्छन् ।