12. Jerusalem long Taem blong Jisas

Golgota I wan ples we maet oli hangem Jisas long hem (Mat 27:33–37).

Garen blong Gref blong Jisas Maet i wan ples blong gref ia we oli putum bodi blong Jisas long hem (Jon 19:38–42). Kraes we i girap long ded i bin kamaot long Meri Magdala long garen we i stap aotsaed long gref blong Hem (Jon 20:1–17).

Bigfala Haos blong Haed blong Antonia Maet oli bin akiusum, panisim, jikim mo tok nogud long Jisas long ples ia (Jon 18:28–19:16). Oli bin arestem Pol mo hem i bin talem stori blong hem we hem i jenisim laef blong hem (Wok 21:31–22:21).

Wotapul blong Betsata Jisas i mekem wan man we i handikap i kam oraet bakegen long wan Sabat Dei (Jon 5:2–9).

Tempol Gabriel i promesem Sekaraea se bae Elisabet bae i karem wan pikinini boe (Luk 1:5–25). Vel blong tempol i brok long haf long taem blong ded blong Sevya (Mat 27:51).

Vranda blong Solomon Jisas i talemaot se Hem i Pikinini blong God. Olgeta Jiu oli traem blong stonem Jisas (Jon 10:22–39). Pita i prijim fasin blong sakem sin afta we hem i mekem wan man we i no save wokbaot i wokbaot gud bakegen (Wok 3:11–26).

Get we I Flas Gud Pita mo Jon, tufala i mekem wan man we i no save wokbaot, i wokbaot gud bakegen (Wok 3:1–10).

Haeples Evriwan Antap long Tempol Setan i temtem Jisas (Mat 4:5–7). (Maet samting ia i bin hapen long ples ia.)

Tabu Hil (ol ples we oli no save gud)

1. Wanem we oli talem oltaem i we Ebraham i bin bildim wan olta long ples ia, blong givim Aesak olsem wan sakrifaes (Jen 22:9–14).

2. Solomon i bildim tempol (1 King 6:1–10; 2 Kron 3:1).

3. Ol Man Babilonia oli prapa spolem gud tempol samples long yia 587 B.K.B. (2 King 25:8–9).

4. Serubabel i bildimbak tempol samples long yia 515 B.K.B. (Esra 3:8–10; 5:2; 6:14–16).

5. Herod i mekem kot blong tempol i kam bigwan moa, mo i bildimbak tempol stat long yia 17 B.K.B. Josef mo Meri, tufala i tekem Jisas we i bebi i go long tempol (Luk 2:22–39).

6. Taem Hem i gat 12 yia, Jisas i bin tij long tempol (Luk 2:41–50).

7. Jisas i klinim tempol (Mat 21:12–16; Jon 2:13–17).

8. Jisas i tij insaed long tempol long plante taem (Mat 21:23–23:39; Jon 7:14–8:59).

9. Ol Man Rom anda long rul blong Taetas oli bin prapa spolem gud tempol samples long yia 70 A.K.B.

Garen blong Getsemane Jisas i bin safa, mo oli salem Hem, mo oli arestem Hem (Mat 26:36–46; Luk 22:39–54).

Hil blong Tri ya Olif

1. Jisas i talem finis we, Jerusalem mo tempol, bae oli prapa spolem gud. Hem i bin tokbaot Seken Kaming tu (Mat 24:3–25:46; luk tu long JS—M).

2. Jisas i bin stap long ples ia nao mo afta i go antap long heven (Wok 1:9–12).

3. Long 24 Oktoba 1841, Elda Orson Haed i bin dediketem Holi Graon blong ol pikinini blong Ebraham oli kambak long hem.

Gihon Springwota Oli anoentem Solomon i kam King (1 King 1:38–39). Hesekia i mekem se oli digim wan rod andanit graon blong pulum wota long springwota i go kasem siti (2 Kron 32:30).

Wota Get Esra i ridim mo i talemaot mining blong loa blong Moses i go long ol pipol (Neh 8:1–8).

Hinom Vale Oli stap wosipim giaman god ia, Molek, long ples ia, mo pat blong wosip ia i blong givim ol pikinini olsem sakrifaes (2 King 23:10; 2 Kron 28:3).

Haos blong Kaeafas Oli tekem Jisas i go long fored blong Kaeafas (Mat 26:57–68). Pita i talem se i no tru se hem i save Jisas (Mat 26:69–75).

Rum we I Stap Antap Evriwan Hem i ples ia nao we oltaem oli talem se Jisas i bin kakae long kaekae blong Pasova, mo i statem sakramen (Mat 26:20–30). Hem i bin wasem ol leg blong ol Aposol (Jon 13:4–17) mo i bin tijim olgeta (Jon 13:18–17:26).

Haos blong King Herod Oli tekem Kraes i go long fored blong Herod, maet long ples ia nao (Luk 23:7–11).

Jerusalem (ol ples we oli no save gud)

1. Melkesedek i bin rul olsem wan king blong Salem (Jen 14:18).

2. King Deved i tekova long siti ia we ol man Jebus oli bin stap long hem (2 Saml 5:7; 1 Kron 11:4–7).

3. Ol Man Babilonia oli bin prapa spolem gud siti ia samples long yia 587 B.K.B. (2 King 25:1–11).

4. Tabu Spirit i bin kam long plante long olgeta long Dei blong Pentekos (Wok 2:1–4).

5. Oli arestem Pita mo Jon, mo oli tekem tufala long fored blong kaonsel (Wok 4:1–23).

6. Ananaeas mo Safaera, tufala i giaman long Lod mo tufala i ded (Wok 5:1–10).

7. Oli arestem Pita mo Jon, be wan enjel i bin kam mekem tufala i go fri, tufala i aot long kalabus (Wok 5:17–20).

8. Ol Aposol oli bin jusum sevem man blong helpem olgeta (Wok 6:1–6).

9. Oli sakemaot testemoni we Steven i givim i go long Ol Jiu, mo oli stonem hem gogo hem i ded (Wok 6:8–7:60).

10. Oli kilim Jemes i ded from bilif blong hem (Wok 12:1–2).

11. Wan enjel i mekem Pita i go fri, i aot long kalabus (Wok 12:5–11).

12. Ol Aposol oli mekem desisen long saed blong fasin blong sakomsaes (Wok 15:5–29).

13. Ol Man Rom we oli stap anda long rul blong Taetas oli prapa spolem gud siti ia long yia 70 A.K.B.