Mga Mapa ug Indeks sa Dapit-mga Ngalan

Ang mosunod nga mga mapa makatabang kanimo aron labaw pa nga makasabut sa mga kasulatan. Pinaagi sa pagkahibalo sa hiyograpiya sa mga yuta nga gihisgutan diha sa mga kasulatan, ikaw labaw pa nga makasabut sa mga panghitabo diha sa kasulatan.

1. Pisikal nga Mapa sa Balaan nga Yuta

2. Ang Exodo sa Israel Gikan sa Ehipto ug ang Pagsulod Ngadto sa Canaan

3. Ang Pagkabahin sa 12 Ka mga Tribo

4. Ang Imperyo Nila ni David ug Solomon

5. Ang Imperyo sa Asiria

6. Ang Bag-Ong Imperyo sa Babelonia (Nabucodonosor) ug ang Gingharian sa Ehipto

7. Ang Imperyo sa Persia

8. Ang Imperyo sa Roma

9. Ang Kalibutan sa Daang Tugon

10. Ang Canaan sa mga Panahon sa Daang Tugon

11. Ang Balaan nga Yuta sa mga Panahon sa Bag-ong Tugon

12. Ang Jerusalem sa Panahon ni Jesus

13. Ang Misyonaryo nga mga Panaw ni Apostol Pablo

14. Ang mga Kahabugon sa Balaan nga Yuta sa mga Panahon sa Biblia

Ang alpabetikal nga indeks sa dapit-mga ngalan makatabang kanimo nga makakita sa usa ka partikular nga dapit diha sa mga mapa. Matag pagtala naglakip sa numero sa mapa nga gisundan sa han-ay sa kasayuran nga gilangkuban sa kombinasyon sa letra-numero. Sama pananglit, ang pagtala alang sa Rabba (Amman) diha sa unang mapa gilista ingon nga 1:D5; kana mao ang, mapa 1, kwadro D5. Imong makita ang piho nga mga kwadro diha sa matag mapa pinaagi sa pagdangup ngadto sa mga pahiangay sa ibabaw ug kilid niana nga mapa. Puli nga mga ngalan sa mga dapit gilista diha sa parentesis; sama pananglit, Rabba (Amman). Usa ka timaan sa pagpangutana nga nagsunod sa ngalan nagpaila nga ang nahimutangan nga gipakita sa mapa posible o malagmit apan dili pa piho.

Ang mosunod usa ka giya sa pagsabut sa nagkalainlain nga mga simbolo ug mga matang sa pagpatik nga gigamit diha sa mga mapa. Agi og dugang, ang tinagsa nga mga mapa mahimo nga maglakip sa mga giya uban sa mga pagpasabut sa dugang nga mga simbolo nga may kalabutan nianang partikular nga mapa.

●

Ang pula nga tuldok nagpaila sa usa ka dakbayan o lungsod. Ang usa ka linya mahimo usahay nga magtudlo gikan sa tuldok ngadto sa ngalan sa dakbayan o dapit.

▲

Usa ka gamay nga itum nga triyanggulo nagpaila sa usa ka bukid.

Patay nga Dagat

Kini nga matang sa pagpatik gigamit alang sa hiyograpikanhon nga mga dapit sama sa mga dagkong kadagatan, mga dagat, mga lawa, mga suba, mga bukid, mga kamingawan, mga walog, mga desierto, ug mga isla.

Jerusalem

Kini nga matang sa pagpatik gigamit alang sa tanang mga dakbayan ug mga lungsod (ug alang sa detalyado nga mga nahimutangan diha sa mapa sa dakbayan sa Jerusalem).

Moab

Kini nga matang sa pagpatik gigamit alang sa mas gagmay nga politikanhong mga pagkabahin sama sa mga rehiyon, mga katawhan, ug mga tribo.

Judea

Kini nga matang sa pagpatik gigamit alang sa mas dagko nga politikanhong mga pagkabahin sama sa mga bansa, mga nasud, ug mga kontinente.