30. Corinto

Punoan nga lungsod sa probinsya sa Acaya sa Roma. Kini nahimutang didto sa pig-ot nga yuta (isthmus) nga nagdugtong sa Peloponnesus uban sa dakong yuta sa Gresya, ug kini naghupot og pantalan sa barko sa silangan ug kasadpan nga mga dapit. Kini usa ka pantalan nga dakbayan nga nag-angkon og bahandi ug impluwensya.

Mahinungdanon nga mga Hitabo: Si Pablo mipuyo sa Corinto sulod sa usa ka tuig ug unom ka mga bulan ug mitukod sa Simbahan didto (Buh. 18:1–18). Si Pablo misulat og pipila ka mga sulat ngadto sa mga sakop sa Simbahan diha sa dapit sa Corinto, diin ang duha karon anaa sa Bag-ong Tugon (1 ug 2 Mga Taga-Corinto).