28. Dan
Kining karaan nga dakbayan gitawag og Lesem (Jos. 19:47) o Lais (Mag. 18:7, 14) sa wala pa ang mga Israelita mibuntog sa yuta. Ang mga tubod nga nahimutang niini nga dapit, uban sa mga tubod sa Cesarea Filipo, mao ang mga tinubdan sa Suba sa Jordan.
Mahinungdanon nga mga Hitabo: Si Abraham miluwas ni Lot (Gen. 14:13–16). Ang tribo ni Dan mibihag sa dapit ug mingalan niini nga Dan (Jos. 19:47–48). Si Jeroboam mihimo og bulawan nga baka nga mitampo sa pagkapukan sa amihanang 10 ka mga tribo (1 Hari 12:26–33). Ang Dan mao ang kinatumyan nga amihanang dakbayan sa Israel—tungod niana ang mga kasulatan nagpasabut sa yuta sa Israel nga “gikan sa Beer-sheba bisan ngadto sa Dan” (2 Cron. 30:5; ang Beer-sheba mao ang kinatumyan nga habagatang dakbayan). (Tan-awa sa Ang Giya ngadto sa mga Kasulatan, “Dan.”)
28. Dan Ang dakbayan sa Daang Tugon nga sa makausa nahimutang dinhi nagtimaan sa pinakaamihanang utlanan sa Israel.