1 И се случи дека ангелот ми говореше, велејќи: Погледни! И погледнав и видов многу нации и царства.

2 И ангелот ми рече: Што гледаш ти? И реков: Гледам многу нации и царства.

3 И тој ми рече: Овие се нациите и царствата на Неевреите.

4 И се случи дека го видов помеѓу нациите на Неевреите создавањето на една голема црква.

5 И ангелот ми рече: Ете го формирањето на една црква која е најодвратна од сите други цркви, која ги убива светците на Бог, да, и ги измачува и ги врзува, и ги впрегнува со железен јарем, и ги доведува во заробеништво.

6 И се случи дека ја видов оваа голема и одвратна црква; и видов дека ѓаволот беше нејзиниот основач.

7 А исто и видов злато, и сребро, и свили, и црвенила, и фино сплетен лен и секаков вид на скапоцени облеки; и видов многу блудници.

8 И ангелот ми рече, велејќи: Гледај ги златото, и среброто, и свилите, и црвенилата, и фино сплетениот лен, и скапоцените облеки, и блудниците, се желбите на оваа голема и одвратна црква.

9 Исто така, за славата на светот ги уништуваат светците на Бог, и ги доведуваат во заробеништво.

10 И се случи дека погледнав и видов многу води; и ги одделија Неевреите од потомството на моите браќа.

11 И се случи дека ангелот ми рече: Ете бесот на Бог е врз потомството на твоите браќа.

12 И погледнав и видов човек помеѓу Неевреите, кој беше одделен од потомството на моите браќа од многуте води; и го видов Духот на Бог да слезе и да го обземе човекот; и тој тргна врз многуте води, дури и до потомството на моите браќа, кои беа во ветената земја.

13 И се случи дека го видов Духот на Бог, дека обзема други Неевреи; и тие тргнаа од заробеништво, врз многуте води.

14 И се случи дека видов многу мноштва од Неевреите врз земјата на ветување; и го видов Божјиот бес, дека беше врз потомството на моите браќа, и тие беа распрснати пред Неевреите и беа удрени.

15 И го видов Духот на Господ, дека беше врз Неевреите, и напредуваа и ја добија земјата за нивно наследство; и видов дека беа бели, и извонредно прекрасни и убави, како мојот народ пред да бидат убиени.

16 И се случи дека јас, Нефи, видов дека Неевреите кои беа избегале од заробеништво се понизија пред Господ; и силата на Господ беше со нив.

17 И видов дека нивните матични Неевреи беа собрани заедно врз водите, а исто и врз земјата, за да се борат против нив.

18 И видов дека силата на Бог беше со нив, а исто и дека бесот на Бог беше врз сите оние кои беа собрани заедно против нив за да се борат.

19 И јас, Нефи, видов дека Неевреите кои беа избегале од заробеништво беа избавени преку моќта на Бог од рацете на сите други нации.

20 И се случи дека јас, Нефи, видов дека напредуваа во земјата; и видов една книга, и беше носена помеѓу нив.

21 И ангелот ми рече: Дали го знаеш значењето на книгата?

22 И му реков: Не го знам.

23 И рече: Ете излезе од устата на еден Евреин. И јас, Нефи, ја видов; и тој ми рече: Книгата која ја гледаш е запис на Евреите, кој ги содржи заветите на Господ, кои Тој ги направи со Израеловиот дом; а исто и содржи многу од пророштвата на светите пророци; и таа е запис како гравурите кои се врз плочите од месинг, освен што не се толку многу; сепак, ги содржат заветите на Господ, кои Тој ги направи со Израеловиот дом; затоа, тие се со голема вредност за Неевреите.

24 И ангелот на Господ ми рече: Ти си видел дека книгата излезе од устата на еден Евреин; и кога излезе од устата на еден Евреин ја содржеше целината на евангелието на Господ, за кого дванаесетмината апостоли сведочат; а тие сведочат според вистината која е во Божјото Јагне.

25 Затоа, овие нешта излегуваат од Евреите со чистота до Неевреите, според вистината која е во Бог.

26 И откако ќе се појават преку раката на дванаесетмината апостоли на Јагнето, од Евреите до Неевреите, ти го гледаш создавањето на таа голема и одвратна црква, која е најодвратна над сите други цркви; зашто ете, тие одземаа од евангелието на Јагнето, многу делови кои се јасни и најскапоцени; а исто и многу завети на Господ одземале.

27 И сето ова тие го направија за да можат да ги изопачат правите патишта на Господ, за да можат да ги ослепат очите и да ги закорават срцата на човечките деца.

28 Затоа, гледаш дека откако книгата поминала преку рацете на големата и одвратна црква, дека има многу јасни и скапоцени нешта земени од книгата, која е книгата на Божјото Јагне.

29 И откако овие јасни и скапоцени нешта беа одземени, таа ќе се објави кај сите нации на Неевреите; и откако ќе се објави кај сите нации на Неевреите, да, дури и преку многуте води, кои си ги видел со Неевреите кои беа излегле од заробеништво, ти ќе видиш—поради многуте јасни и скапоцени нешта кои беа одземени од книгата, кои беа јасни за разбирање на човечките деца, според јаснотијата која е во Божјото Јагне—поради овие нешта кои се одземени од евангелието на Јагнето, извонредно многу се сопнуваат, да, толку што Сатана има голема моќ над нив.

30 Сепак, гледаш дека Неевреите кои излегоа од заробеништво, и беа издигнати преку моќта на Бог над сите други нации, врз лицето на земјата која е одбрана над сите други земји, која е земјата за која Господ Бог се завети со татко ти дека неговото потомство ќе ја има како земјата за нивното наследство; затоа, гледаш дека Господ Бог нема да дозволи Неевреите целосно да ја уништат мешавината на твоето потомство, кои се помеѓу твоите браќа.

31 Ниту Тој ќе дозволи Неевреите да го уништат потомството на твоите браќа.

32 Ниту Господ Бог ќе дозволи Неевреите засекогаш да останат во таа ужасна состојба на слепило, во која гледаш дека се, поради јасните и најскапоцени делови на евангелието на Јагнето кои беа задржани од таа одвратна црква, чие создавање си го видел.

33 Затоа кажа Божјото Јагне: Јас ќе бидам милостив со Неевреите, со посетувањето на остатокот од Домот на Израел со голем суд.

34 И се случи дека ангелот на Господ ми рече, велејќи: Ете, кажа Божјото Јагне, откако Јас го посетив остатокот од Израеловиот дом—и овој остаток за кој Јас говорам е потомството на татко ти—затоа, откако Јас ги посетив со пресуда, и ги удрив преку раката на Неевреите, и откако Неевреите ќе се сопнуваат премногу, поради најјасните и скапоцени делови од евангелието на Јагнето кои беа задржани од таа одвратна црква, која е мајката на сите блудници, кажа Јагнето—Јас ќе бидам милостив кон Неевреите на тој ден, толку што Јас ќе им донесам, со Мојата сопствена моќ, многу од Моето евангелие, кое ќе биде јасно и скапоцено, кажа Јагнето.

35 Зашто ете, кажа Јагнето: Јас ќе му се покажам Самиот на твоето потомство, така што ќе напишат многу нешта кои Јас ќе им ги послужам, кои ќе бидат јасни и скапоцени; и после твоето потомство ќе биде уништено, и ќе западне во неверување, а исто така и потомството на твоите браќа, ете, овие нешта ќе бидат сокриени, за да им се појават на Неевреите, преку дарот и моќта на Јагнето.

36 И во нив ќе биде напишано Моето евангелие, кажа Јагнето, и Мојата карпа и Моето спасение.

37 И благословени се оние кои ќе бараат да го воспостават Мојот Сион на тој ден, зашто тие ќе го имаат дарот и моќта на Светиот Дух; и ако издржат до крајот, ќе бидат подигнати на последниот ден, и ќе бидат спасени во вечното царство на Јагнето; и кој и да објавува мир, да, вести за голема радост, колку прекрасни врз планините тие ќе бидат.

38 И се случи дека го видов остатокот од потомството на моите браќа, а исто и книгата на Божјото Јагне, која беше излегла од устата на Евреинот, дека дојде од Неевреите до остатокот од потомството на твоите браќа.

39 И откако беше им се објавила, видов други книги, кои се објавија преку моќта на Јагнето, од Неевреите на нив, за убедувањето на Неевреите, и на остатокот од потомството на моите браќа, а исто и на Евреите кои беа распрснати врз целото лице на земјата, дека записите на пророците и на дванаесетмината апостоли на Јагнето се вистинити.

40 И ангелот ми говореше, велејќи: Овие последни записи, кои си ги видел помеѓу Неевреите, ќе ја воспостават вистината на првите, кои се од дванаестмината апостоли на Јагнето, и ќе ги откријат јасните и скапоцени нешта кои беа земени од нив: и ќе им откријат на сите колена, јазици, и народи, дека Божјото Јагне е Синот на Вечниот Отец, и Спасителот на светот; и дека сите народи треба да дојдат при Него, инаку не можат да бидат спасени.

41 И мораат да дојдат според словата кои ќе бидат воспоставени од устата на Јагнето; и словата на Јагнето ќе се откријат во записите на твоето потомство, а исто така и во записите на дванаесетмината апостоли на Јагнето; затоа тие двајца ќе бидат соединити во едно; зашто постои еден Бог и еден Пастир над сета земја.

42 И времето доаѓа кога Тој ќе им се покаже Самиот на сите нации, и на Евреите а исто и на Неевреите; и откако Тој им се покажал Самиот на Евреите а исто и на Неевреите, тогаш Тој ќе им се покаже Самиот на Неевреите, а исто и на Евреите, и последните ќе бидат први, а првите ќе бидат последни.