1 Словото кое Исаија, синот на Амоз, го виде во врска со Јуда и Ерусалим:

2 И ќе се случи во последните денови, кога планината на Господовиот дом ќе биде воспоставена на врвот на планините, и ќе биде возвишена над ридовите, и сите нации ќе се влеваат во неа.

3 И многу луѓе ќе одат и ќе кажат, Дојдете вие, и да се качиме на планината на Господ, до куќата на Богот на Јаков; и Тој не научи на Неговите начини, и ќе чекориме по Неговите патишта; бидејќи од Сион ќе произлезе законот, и словото Божјо од Ерусалим.

4 И Тој ќе суди помеѓу нациите, и ќе прекори многу луѓе: и ќе ги исковаат нивните мечеви како сечила на плугови, и нивните копја во куки за кастрење—нација нема да крене меч против нација, ниту повеќе ќе учат за војните.

5 О Доме Јаковов, дојдете и да чекориме во светлината Господова; да, дојдете, бидејќи сите вие застранивте, секој кон неговите пакосни патишта.

6 Затоа, О Господе, го напушти Твојот народ, домот на Јаков, бидејќи тие се исполнети од исток, и ги слушаат гатачите како Филистејците, и се задоволуваат со децата на странците.

7 Нивната земја е исто така исполнета со сребро и злато, ниту пак има крај на нивните богатства; нивната земја е исто полна со коњи, ниту пак има крај на нивните кочии.

8 Нивната земја е исто полна со идоли; го обожаваат делото од нивните сопствени раце, тоа што нивните сопствени прсти го направиле.

9 И обичниот човек не се поклонува, и големиот не се понизува, затоа, не простувај му.

10 О вие пакосни, влезете во карпата, и скријте се во правта, бидејќи стравот од Господ и славата на Неговото височество ќе ве удри.

11 И ќе се случи дека надмените погледи на човекот ќе бидат понизни, и надуеноста на луѓето ќе биде спуштена, и само Господ ќе биде возвишен на тој ден.

12 Бидејќи денот на Господ на Војските наскоро доаѓа врз сите нации, да, врз секоја; да, врз гордите и надмените, и врз секој кој е кренат, и тој ќе биде спуштен ниско.

13 Да, и денот на Господ ќе дојде врз сите Либански кедари, бидејќи тие се високи и кренати; и врз сите дабови на Башан;

14 И врз сите високи планини, и врз сите ридови, и врз сите нации кои се кренати, и врз сите луѓе;

15 И врз секоја висока кула, и врз секој ограден ѕид;

16 И врз сите морски бродови, и врз сите Таршишки бродови, и врз сите пријатни сцени.

17 И надменоста човечка ќе биде спуштена, и надуеноста на луѓето ќе биде спуштена ниско; и само Господ ќе биде возвишен на тој ден.

18 И идолите Тој целосно ќе ги укине.

19 И ќе одат во дупките на карпите, и во пештерите на земјата, бидејќи стравот од Господ ќе дојде врз нив и славата на Неговото височество ќе ги удри, кога Тој ќе се издигне да ја тресе земјата ужасно.

20 На тој ден човекот ќе ги фрли своите идоли од сребро, и своите идоли од злато, кои ги создал за себе да ги обожава, на кртовите и на лилјаците;

21 Да оди во шуплините на карпите, и на врвовите на рапавите карпи, бидејќи стравот од Господ ќе ги стигне и височеството на Неговата слава ќе ги удри, кога Тој ќе се издигне да ја тресе земјата ужасно.

22 Престанете да се потпирате на човекот, чиј здив е во неговите ноздри; бидејќи колкава е неговата вредност?