ဩဝါဒနှင့် ပဋိညာဉ်များသည် နောက်ဆုံးသောကာလ၌ မြေကြီးပေါ်တွင် ဘုရားသခင်၏ နိုင်ငံတော်ကို တည်ထောင်ခြင်းနှင့် စည်းမျဉ်းအတွက် မြင့်မြတ်သော ဗျာဒိတ်တော်များနှင့် လမ်းပြလှုံ့ဆော်သော ကြေညာချက်များ၏ ပေါင်းချုပ်တစ်ခုဖြစ်၏။ အပိုဒ်ငယ်တို့၏ အများစုမှာ ယေရှုခရစ်တော်၏ နောက်ပိုင်းကာလ သန့်ရှင်းသူများအသင်းတော်၏ အသင်းသားများသို့ ရည်ညွှန်းသော်လည်း၊ အမှာစကားများ၊ သတိပေးခြင်းများ၊ ထို့အတူ တိုက်တွန်းခြင်းများတို့သည် ခပ်သိမ်းသော လူသားတို့၏ အကျိုးအတွက် ဖြစ်ပြီး၊ နေရာတိုင်း၌ရှိသည့် ခပ်သိမ်းသောလူမျိုးတို့ထံသို့၊ သူတို့၏ ဇာတိပကတိ ကောင်းကျိုးနှင့် ထာဝရတည်မြဲသောကယ်တင်ခြင်းအတွက် ဟောပြောလျက်ရှိသည့် ကိုယ်တော်ရှင် ယေရှုခရစ်တော်၏ အသံကို နားထောင်ကြရန် ဖိတ်ခေါ်ချက်တစ်ခု ပါဝင်၏။