JST, Matiu 16:25–26. Komperem long Matiu 16:24–26
Jisas i eksplenem wanem nao mining blong “karem kros blong Jisas”: hem i blong no akseptem eni samting we i no blong God, mo no akseptem evri rabis blong wol, mo blong stap obei long ol komanmen blong Hem.
25 Afta, Jisas i talem long ol disaepol blong hem: “Sapos eni man i kam folem mi, hem i mas fogetem hemwan, mo i karem kros blong hem, i folem mi.
26 Mo nao, blong wan man i karem kros blong hem, hem i blong hem i livim evri samting we i no blong God, mo evri samting we i rabis we i blong wol ia, mo i obei long ol komanmen blong mi.”
27 No brekem ol komanmen blong mi blong sevem laef blong yufala; from se huia we bae i sevem laef blong hem long wol ia, bae i lusum laef blong hem long wol we i stap kam.
28 Mo huia we bae i lusum laef blong hem long wol ia, from nem blong mi, bae i kasem laef long wol we i stap kam.
29 From hemia, yufala i lego wol fogud, mo sevem sol blong yufala; from se ?wanem nao i gud long wan man sapos hem i save winim ful wol ia, mo afta, i lusum sol blong hem? ?O bae wan man i givim wanem blong i karembak sol blong hem?