JST, Matiu 9:18–21. Komperem long Matiu 9:16–17
Jisas i no akseptem baptaes blong ol Farisi; i no gat paoa from se oli no akseptem Hem. Hem i talemaot se, Hem nao, Hem i man we i bin givim loa blong Moses.
18 Nao ol Farisi oli talem long hem: “?From wanem yu no akseptem mifala wetem baptaes blong mifala, we yu stap luk se mifala i stap obei long ful loa?”
19 Be Jisas i talem long olgeta: “Yufala i no stap obei long loa. Sapos yufala i bin stap obei long loa, bambae yufala i akseptem mi, from se mi nao mi man we i givim loa.
20 Mi no akseptem yufala wetem baptaes blong yufala, from se i no helpem yufala nating.
21 From se, taem samting we i niu i kam, nao wanem i olfala, oli rere blong putum i stap long saed.”