JST, Matiu 13:39–44. Komperem long Matiu 13:39–42; luk tu long D&K 86:1–7
Bifo en blong wol (taem we Lod i prapa spolem gud evri nogud man), ol mesenja we heven i sendem olgeta oli kam bae oli pulum tugeta olgeta we oli stret mo gud long medel blong olgeta we oli nogud.
39 Taem blong pikimap kakae, hem i en blong wol, o i taem we God i prapa spolem gud evri nogud man.
40 Olgeta we oli pikimap kakae oli ol enjel, o ol mesenja we heven i sendem olgeta oli kam.
41 From hemia, semmak olsem se oli hivimap ol rabis gras mo bonem olgeta long faea, bae i semmak olsem long en blong wol, o long taem we God i prapa spolem gud evri nogud man.
42 From se long taem ia, bifo Pikinini blong man i kam, bae hem i sendem ol enjel mo ol mesenja blong heven oli kam.
43 Mo bae oli putum tugeta aot long kingdom blong hem, evri samting we i spolem man, mo evriwan we i no mekem stret samting, mo bae oli sakemaot olgeta i go wetem ol nogud man; mo bae i gat wan taem we bae i gat krae sore, mo ol man bae oli kakae tut blong olgeta.
44 From wol ia, bae faea i bonem hem.