JST, Matiu 17:10–14. Komperem long Matiu 17:11–13
Jisas i stap tij abaot tufala Elaeas—wan i mekem rod i rere, mo narawan i putumbak samting we i bin lus.
10 Mo Jisas i bin ansa mo i talem long olgeta: “Elaeas, i tru bambae hem i kam faswan, mo i putumbak evri samting, olsem we ol profet oli bin raetem.
11 Mo bakegen, mi talem long yufala, se Elaeas i kam finis, long saed blong hem we oli bin raet abaot hem; Luk, bae mi sendem mesenja blong mi i kam, mo bambae hem i mekem rere wan rod fastaem long mi; mo ol pipol oli no bin save hem, mo oli bin mekem long hem ol samting we oli bin wantem.
12 Semmak, bambae Pikinini blong man i safa from olgeta.
13 Be mi talem long yufala: ‘?Huia Elaeas? Luk, hem, hem i Elaeas, we mi bin sendem hem blong i mekem rere rod fastaem long mi.’”
14 Afta, ol disaepol oli bin andastanem se hem i bin tokbaot Jon Baptaes long olgeta, mo tu, abaot wan narafala man we bae i kam mo putumbak evri samting, olsem we ol profet oli bin raetem.