Ti Nueva York, Pennsylvania, ken Ohio a Paset ti EUA

South Bainbridge Nagkallaysa ditoy da Joseph Smith Jr. ken Emma Hale idi 18 ti Enero 1827 (kitaen iti JS—P 1:57).

Colesville Nabukel ti umuna a sanga ti Simbaan iti pagtaengan ni Joseph Knight Sr., iti Ili ti Colesville, idi 1830.

Pagtaengan ni Joseph Smith Jr. iti Harmony Naileppas ditoy ti kaaduan a patarus ti Libro ni Mormon. Kadagiti igid ti Karayan Susquehanna naisubli ti kinasaserdote idi 1829 (kitaen iti DkK 13; 128:20; JS—P 1:71–72).

Fayette Nakita dagiti Tallo a Saksi dagiti pinanid a balitok ken ni anghel Moroni (DkK 17). Naileppas ti pannakaipatarus ti Libro ni Mormon ditoy idi Hunio 1829. Nabukel ditoy ti Simbaan idi 6 ti Abril 1830 (kitaen iti DkK 20; 21).

Mendon Immuna a pagtaengan da Brigham Young ken Heber C. Kimball.

Kirtland Nagsardeng ditoy dagiti misionario a naibaon kadagiti Lamanite idi 1830 ket binuniaganda ni Sidney Rigdon ken dadduma pay iti lugar ti Kirtland. Daytoy ti kuartel ti Simbaan manipud idi 1831 agingga 1838. Nabangon ti umuna a templo daytoy a dispensasion iti Kirtland ket naidaton idi 27 ti Marso 1836 (kitaen iti DkK 109).

Kanal ti Erie Nagbaniaga dagiti tallo a sanga ti Simbaan iti Nueva York a dimmalan iti Kanal ti Erie ken Dan-aw ti Erie a nagturong iti Kirtland, Ohio, idi Abril ken Mayo 1831.

Hiram Nagindeg ditoy da Joseph ken Emma manipud idi Septiembre 1831 agingga idi Septiembre 1832. Nagtrabaho da Joseph ken Sidney Rigdon iti Patarus ni Joseph Smith iti Biblia (PJS). Naawat dagiti paltiing ditoy: DkK 1, 65, 67, 68, 69, 71, 73, 74, 76, 77, 79, 80, 81, 99, 133.

Amherst Nakanunongan ni Joseph Smith a kas Presidente ti Nangato a Kinasaserdote idi 25 ti Enero 1832 (kitaen iti DkK 75).

Toronto Pagtaengan ni John Taylor, maikatlo a Presidente ti Simbaan ken ni Mary Fielding Smith, asawa ni Hyrum Smith.