8. Pagtaengan ni John Johnson
Masarakan ti pagtaengan da John ken Alice Johnson iti Hiram, Ohio. Adda iti maikadua a kadsaaran daytoy a siled.
Dagiti Napapateg a Pasamak: Nagnaed ni Propeta Joseph Smith ken ti asawana, ni Emma iti daytoy a pagtaengan. Naawat da Joseph ken Sidney Rigdon ti datdatlag a parmata maipapan kadagiti tukad ti gloria iti imatang dagiti sumagmamano a dadduma pay idi maika-16 ti Pebrero 1832 (DkK 76). Nagtrabaho pay ni Propeta Joseph iti Patarus ni Joseph Smith ti Biblia (PJS) iti daytoy a pagtaengan. Idi maika-24 ti Marso 1832, bayat ti panagindeg da Joseph ken Emma ditoy, dinangran iti nakaro ti timmalikud a bunggoy a mangriribuk ken anti-Mormon da Joseph ken Sidney ken inikkanda iti alkitran ken dutdot ti bagida.
8. Pagtaengan ni John Johnson Bayat ti kaaddana iti daytoy a balay nga agipatpatarus iti Biblia, naawat da Propeta Joseph Smith ken Sidney Rigdon ti paltiing a nakasurat itan iti Doktrina ken Katulagan 76, a kabuyog dagiti dadduma pay a paltiing.