10. Ti Tanap ti Adan-ondi-Ahman
Buya nga agpadaya iti bangir ti tanap ti Adan-ondi-Ahman, maysa a naulimek, napintas a tanap a masarakan iti akin-amianan nga abagatan a Missouri iti asideg ti purok ti Gallatin.
Dagiti Napapateg a Pasamak: Tallo a tawen sakbay ti ipapatayna, inawagan ni Adan dagiti nalinteg nga an-annabona iti daytoy a tanap ket impaayna kadakuada ti maudi a bendisionna (DkK 107:53–56). Idi 1838 ti Adan-ondi-Ahman ti lugar a nagindegan ti agarup 500 agingga iti 1,000 a Santo iti Ud-udina nga Aldaw. Pinanawan dagiti Santo daytoy a nagindegan idi napapanawda manipud iti Missouri. Sakbay ti Maikadua a Yaay ni Cristo a nagloriaan, aguummongto manen iti daytoy a tanap da Adan ken dagiti nalinteg nga an-annabona a pakairamanan dagiti Santo iti amin a dispensasion tapno sabatenda ti Mangisalakan (Dan. 7:9–10, 13–14; DkK 27; 107:53–57; 116:1).
10. Ti Tanap ti Adan-ondi-Ahman Ditoy ti nagkikitaan da Adan ken dagiti nalinteg nga an-annabona (kitaen iti DkK 107:53–57). Makipagkitanto ditoy da Adan, dadduma pay a propeta, napupudno a Santo iti amin a panawen iti Mangisalakan sakbay ti Maikadua a Yaayna.