12. Pagbaludan iti Liberty

Maysa a bassit a pagbaludan a masarakan iti Liberty, Missouri. Naibalud ni Joseph Smith ken ti lima a dadduma pay a kakabsat a lallaki iti uneg ti 1.2 a metro (uppat a kadapan) ti kabengbengna a pader manipud idi maika-1 ti Disiembre 1838 agingga iti maika-6 ti Abril 1839. (Nawayawayaan ni Sidney Rigdon iti gibus ti Pebrero.) Naipupok iti akimbaba a kadsaaran wenno pagbaludan iti uneg ti daga a paset ti pasdek, naturogda iti rabaw ti nalamiis a batbato a naabbongan iti garami, nga addaan laeng iti nakudrep a silaw ken di makaanay a pannakasaluad iti nalam-ek a panawen.

Napateg a Pasamak: Ni Propeta Joseph a mangikarkararag kadagiti rinibu a Santo iti Ud-udina nga Aldaw a napapanaw manipud iti Missouri, ket nakaawat iti sungbat iti kararagna, nga insuratna iti maysa a surat kadagiti napapanaw a Santo (DkK 121–123).