4. Warnakan ken Pagimalditan a Grandin

Ti napasubli a pagimalditan ti napnuan pakasaritaan a pasdek ni Egbert B. Grandin a nakaipablaakan dagiti umuna a kopia ti Libro ni Mormon idi 1830. Insalda ni Martin Harris ti talonna ken inlakona ti paset daytoy tapno pangbayad iti gastos ti pannakaimaldit dagiti 5,000 a kopia ti Libro ni Mormon. Nairugi ti panagimaldit idi Agosto 1829, ket sidadaan a magun-od dagiti nalpasen a kopia idi maika-26 ti Marso 1830.

Napateg a Pasamak: Nabilin ni Martin Harris nga ibinglayna a siwawaya ti sanikuana a pangbayad iti utang para iti pannakaimaldit ti Libro ni Mormon (DkK 19:26–35).