5. Karayan Susquehanna

Ipakita daytoy a ladawan ti Karayan Susquehanna iti Ili ti Harmony, Pennsylvania.

Dagiti Napapateg a Pasamak: Immuna a nakadanon ni Joseph Smith Jr. iti Harmony idi 1825 tapno agsapul iti panggedan. Nagtarusda iti amana iti pagtaengan ni Isaac Hale, nga immuna a nakaam-ammuan ni Joseph ken ni Emma Hale, ti agbalin nga asawana (JS—P 1:56–57). Nagkallaysa da Joseph ken Emma idi maika-18 ti Enero 1827. Naawat ti Propeta dagiti pinanid a balitok idi maika-22 ti Septiembre 1827 iti Manchester, Nueva York, ket di nagbayag kalpasan dayta immakar a kaduana ni Emma iti Harmony, a nangrugianna iti panangipatarus kadagiti pinanid iti bassit a balayda iti asideg ti karayan. Bayat ti pannakaipatarus ti Libro ni Mormon, tinarigagayan da Joseph ken Oliver Cowdery a maammuan ti ad-adu pay maipapan iti panagbuniag ket napanda iti karayan tapno agkararag iti Apo maipanggep iti daytoy. Kas sungbat iti daytoy a kararag, nagparang ni Juan a Mammuniag idi maika-15 ti Mayo 1829 (JS—P 1:66–74; DkK 13). Intedna ti Kinasaserdote nga Aaron kada Joseph ken Oliver. Kalpasanna napanda iti daytoy a karayan ket nagbinnuniagda para iti pannakaugas dagiti basol. Binilin ngarud ni Juan a Mammuniag da Joseph ken Oliver nga aginnordenda iti Kinasaserdote nga Aaron. Di nagbayag kalpasanna, nagparang da Pedro, Santiago, ken Juan iti igid daytoy a karayan ket intedda kada Joseph ken Oliver ti Kinasaserdote a Melchizedek (DkK 27:12–13; 128:20).