A Chedaol Belsoil A Sebechel Ngosukid el mo Klikiid
Molatk a eim el teletael el ngar ngii a relii e smisichii sel bo dolai era chedaol ruoll er a chedaol belsoil.
Tara kot el lotkii el omeruul a sel temel a ongdibel er a chedaol belsoil el ngara beluak era Warrnambool, Australia. Ngara delongelel a teruich malechub teruich ma teim el chad a mei ra branch, ea demak, el mle ta er tirkel tedei el loba priesthood, a mle blechoel ngar ngii a techelel el loldars a chedaol belsoil. Ak omtab aikel kimots er ngak sera loba ngariou reng e kerekikl el menguiu aikel tekoi el ngara nglunguuch er a chedaol belsoil. Blechoel choto er a ngerel a mo omritel eleng ngulmelchesuar era Chedaol Reng. A lebebil er a taem eng mo stob e mengellou er a rengul er a bol merek el meluluuch.
Eleng mle eim a rekik, eng dimlak kungil medengelii sel mui el belkul aikel mildung ma omeruul; engdi, ak mle medengei el kmo ngar ngii a tokubets el dilubech. Ak kulmechesuar er sel budech el mlara Chedaol Reng sera demak lomedasu er sel beltkil a rengul a Osobel el merkid.
A Osobel a ululsisechakl: “E tiakid chobo blechoel meruul er ngii el mo er tirkei el mo ouuchel a rengrir er a kenterir e mo metecholb er a ngklel; me komo meruul er ngii lomeklatk er kemiu er a resechek el mlo mechoit el kiriu, me bo sebechiu lochotii el mo er a Edam el kmo ko blechoel melatk er Ngak. Ea chobo blechoel melatk er Ngak eng mo er ngii a Reng er Ngak lobengkemiu” (3 Nephi 18:11).
Ak siotai er kid rokui el melatk aikal eim el teletael el ngar ngii a relii e smisichii sel bo dolai era chedaol ruoll er a chedaol belsoil, el ruoll el ngii a sebechel ngosukid el mo klikiid.
1. Mkeldmokl er a uchei a bo molai er a chedaol belsoil
Kid a sebeched el kudmeklid el mo melai er a chedaol belsoil er a uchei a lomuchel a sakrament miting. A Sabadong a ungil taem el mo omedasu el kirel omengedmeklel a chedaol tekoi.
Tial klechad a klou a ututelel el sengk er a omeroled el mo uai a Demad er a Babeluades. Ng klou a ututelel luldimukl er a ringel ma olasm el meskid a techall el mo omult a rengud e mo mukeroul. A King Benjamin a ulsisechakl el kmo “klechad er a tech a cheraro el mo er a Dios, … e di mla uaisei, el diak a ulebengelel, ng di merekmo bo loltirakl er a okedongel Edaol Reng, e bol becherei a di klechad e bol santo, lokiu a tngakireng er a Kristo el Rubak” (Mosiah 3:19). Sel doruul er a ruoll er a chedaol belsoil eng meskid a techall el ngmai a rengud ma uldesued el bedul a Dios.
Sel omengedmokled, ea rengud a mora klengit el reng sel douchais a omereng el saul el kirel Tngakireng er a Kristo, ouuchel a kengtid maikel blo dekedeb er ngii, e olengit er a ngelsuil a Chedam er tial omeroled el mo uai Ngii. Ng sebeched el mad el tmuil er a techall el chedaol belsoil a meskid el mo melatk er a ikel blol chuarm a Chedam e mo omek beches a telbiled el bla deruul lobengkel.
2. Mereched el mo er a ikelesia
Sel ongdibel e ra chedoal belsoil a sebechel mo ungil sel de mereched el mo er ikelesia e dorenges a chelitakl e domdasu
A President Boyd K. Packer a ulsisechakl: “chelitakl, el lungil lousekool, a melisiich er a chedaol reng. Ng siotai a ungil luldasu.” 1 A President Russell M. Neslon a uluchais, “Tiang a diak el temel a omengedecheduch malechub oldurokl a tekoi ng bai temel a omeluluuch sel remeredel ma rechad er a ikelesia longemdokl er kirel a chedaol teltael er a chedaol belsoil.”2
3. Mongitakl e Mosuub aikel Tekoi era Chelitakl er a Sakrament
A chelitak er a Sakrament a kmal klou a belkul er sel okesiu er a sakrament er kid. A chelitak a remuul a uldesued ma rengud el mo ungil. A chelitakl er a sakrament a klou a relii sel domes aikel lecheklel ma mesisiich el osisechakl. Kede mesuub a tekoi el ua “Bruised broken torn for us,”3 “Ngkired el melatk e medengei el kmo a rengud ma chimed a beches e klikiid,” 4 ma “kerekeriil, beltik el reng, ma klechubechub el ngara chedaol el budech!”5
Sel dongitakl a chelitakl er a sacrament el mengedmokl er kid el mo melai er a chedoal belsoil, ea aikal tekoi a sebechel el mo tekingel aikel telbiled. Momdasu, er sel okesiu: “We love thee, Lord; our hearts are full. We’ll walk thy chosen way.” 6
4. Chedaol tekoi sel mngara nglunguuch era Sakrament (Mesa Moroni 4–5)
Bai ungil lorenges aikel tekoi el ngarsel nglunguuch era sakrament, eng sebeched el smuub a betok, e mo klou lomelchesuar, sel doruul ra chedaol tekoi el ngar ngii ra rengud e lobengkel a klengeltengat luldimukl er a chelsel aikal chedaol nglunguuch.
Sel blauang ma ralm a lomekngeltengat e chedolii el merkid. Ngomeklatk er kid er sera Osobel blol chuarm e Ngii a sebechel ngosukid el mo klikiid.
Sel nglunguuch sel dolai er a blauang e olechotel a bedengel a Kristo, el Ngii a milskid el tenget ma rokui el chad a mo sebechir el mekiis er a kodall, e kid a melim er a ralm el olechotel sel resechel a Kristo, el Ngii a mlo merserasech meng sebeched el mo suobel alsekum kede mo ouuchel a kengtid.
Aikel nglunguuch a ouchasi er sel telbiil loba tiakid el tekoi “Eltir a sorir.” (Moroni 4:3). Tiang el beot el tekoi a kmal imis el klou a klisichel el merkid. Kid ngar ngii a rengud el mo olngeseu e meruul? Kid ngsebeched el mo omekngodech? Kid ngsebeched louchais aikel chelitechetud? Kid ngsebeched el mo olngeseu e omekngeltengat er a rebebil? Kid ngsebeched el mo oumerang er a Osobel?
Mesel aikel telbiil a lecchukel mesel dolai er a chedaol belsoil, ekid a locha er a rengud el kmo ngsebeched el:
-
Mo oungakl er a ngklel a Jesus Kristo.
-
Mo oltirakl a llechul.
-
Blechoel melatk er Ngii.
Sel nglunguuch a mengesimer loba ungil siotai ma telbiil: “Meng mo sebechel blechoel ngarngii a Reng er ngii el obenterir” (Moroni 4:3).
A Paulus a miluches, “Ngdi Reng a omuchel a beltikelreng, ma deureng, ma budech, ma klloureng, ma blekokuiireng, ma ungilreng, ma blakerreng, ma delmedemekerreng, [ma] ulserechakrreng” (Galatians 5:22–23). Klebokel el klengeltengat ma sengk a sebeched el mai sel doruul a telbiil.
5. Omdasu e Melatk er Ngii sel Lorous er a Chedaol Belsoil
Sel temel a omengull sel tirkel loba priesthood a lorous er a chedaol belsoil a sebechel chedaol el merkid.
Mesel lorous er a blauang, kid a omedasu el kmo, sel klou el lomeruul er a beltik el reng el merkid, ea Osobel a mlo mad, meng rulii sel chesngelelel a kodall el mo mechitechut el ngii a omak er a rechedal” (Alma 7:12).
Kid a mo do bedebekii sel ongasireng el klengeltengat er Okiis er a Kodall el kmo “rokui a mei, … re sibai me a mimokl, me a sechal me a redil, me a re dengerenger me a re mekedung; e dirrek el diak a di tang el chui er btelud elmo remiid; le rokui a molmuut er a smechel cherrungel” (Alma 11:44).
Sel lorous a ralm, ekid a lotkii sel ongtil a Osobel:
Maluaisei, Ngak, el Dios, a mlo chuarm raikal teletael el kiriu, meng diak bo er a ringel alsekum ke mo ouchel a kengtemiu; …
El ngii el ringel a mle er ngak, el dirrek el Dios, el kot lungil rokui, el mo merteritem er a ringel, e mlo merserasech a bedengek, e mlo chuarm a bedengek ma chedaol el blekerdelek—meng ngak bolsebechek el diak kulim er sel mechuadech el kob, e mo kekerei. (D&C 19:16, 18).
Kid a dobedebekii sera lengai a kengtid locha er ngii, e ngii a mo mui er a klechubechub, el mera tech, meng mo medengei el kmo a tech mekerang e mo olngeseu er a rechedal er a kengterir” (Alma 7:12).
Sel domdasu a omereled er a sakrament, eng di kid loker er kid:
-
Ngera bok relii er a chelechal sandei el mo ngosukak el mo ungil keldmokl el mo melai er a chedao belsoil?
-
Ngak ngsebechek el ngar ngii a krelii el mo mengull e mai a ues er a uchei er a lomuuchel a sakrament miting?
-
Ngera el osisechakl a lulisechakl er sel chelitakl er a sakrament?
-
Ngera kulrenges e ulmelchesuar sera kurenges er sel nglunguuchel a sakrament?
-
Ngera kulemdasu sera lorous a sacrament?
A Elder David A. Bednar a ulsisechakl: “Sel ruoll er a chedaol belsoil a chedaol and omelekl lolengit mel ngar ngii a rengud el ouchel er a kengtid e bo debeches. Sel teltael sel dolai er a chedaol belsoil, el di ngii, a diak el bol longeroid a klengit. Engdi sel de keldmok e bekudasu e meruul er tia el chedaol ruoll loba klengit el reng ma ouchel el reng ea sel telbiil a kmo kid a moblechoel loba Chedaol Reng er a Rubak. Lokiu sel klikliid el klisichel a Chedaol Reng el blechoel el chedam, eng sebeched blechoel mo ousubes a kengtid.”7
Ak ouchais el kirel a betok el klengeltengat el sebechel el merkid sel bo dekeldmokl e doruul sel ruoll er a chedaol belsoil. Ak ouchais el kmo aikal klengeltengat a sebechel merkid eleng beltkil a rengul a Demad er a Babeluades ma sel diak ulebengelel el tenget er a Betik er a Rengul Ngelekel, el Jesus Kristo. Loba tial chedaol el Ngklel, el Jesus Kristo, amen.