A Ikel Le Du er Kemiu, Cho Mruul

A Osobel a rirelii sel kot el milluches el ongasireng sera lengar er a mur er a chelebechiil el ngara Kana er a Galilee. Jesus; a delal el Maria; ma re Mesiungel a mlar sei. A Maria a ulmedasu el kmo ngerchelel rulii tial blengur el mo ungil. Me ser ngar tial lungil klebesei, e mlo er ngii chetituokel—ngkel merreder er tial chelebechiil a mla mo diak a bilong er tir. A Maria mlo kora bekikl meng mlo er a Jesus. Te di mle kedeb el kadecheduch, ea Maria a ulbult el mo er a mesiou e uasei:

“A ikel le du er kemiu, cho mruul.

“E mle beldukl er isei a kllolem el bekai el bad… [aikal bekai el chad a diak lousbech el blil a ralm tebai lousbech el kirel sel lomelatech er a ungil klebesei el ngar sel llechul a Moses.]

“Ma Jesus a dilu[tir el mesiou], Mokeek a ikel bekai el ralm. Me te milekeek el mora tkul.

“E dilu er el kmo, Molecheseb, e molab el mor ngikel merreder ra mur. Me te ngilai el mong.

[Meng] a merreder ra mur a…chilarm a ralm el merruul el mo bilong” e dulang kau a ulematek a ungil bilong elmer chelechang.¹

Kid a blechoel lomtab er tial teleltael eleng sel rulii a ralm el mo bilong a kmal lolechotel sel klisichel a Dios—el longasireng. Tiang a klou a belkul el tekoi, engdi dirrek el ngar ngii a klou a belkul tekoi el ngar sel babilngel a Johanes. A Maria a mle kesiokel e milngilt el redil,”² el mlo kedong er a Dios el mo mechelii, mengdomkl, e omekeroul er a Ngelekel a Dios. Ngii a kmal mle ungil medengelii a Kristo ra ngidil chad er tial beluulechad. Ngii a mle medengelii sel klemerang el kirel a ongasireng el cherellel a Kristo. Ngii a mle medengei el kmo a Kristo a mo klikiid e ngii a mengedecheduch el diak el ua ngidil chad, e diak el molisechakl; eleng diak lousbech er a ngidil chad el mo olisechakl er ngii.”³ A Mary a mle medengelii sel llemesel a rengul el mo mesmechokl a mondai, luldimukl el uai sera lebo er ngii a bilong er a mur. Ngii a mla mo er ngii a mesisiich el klaumerang er ngii er a Kristo ma chedaol el Klisichel. Sel beot, e melemalt el omelkingel el mo er tirkel mesiou a dimlak a telkelel. “A ikel le du er kemiu, cho mruul.”

A Maria a mle ngeasek el dil er a anghel Gabriel a mlo chemolt er ngii. Sera kot eng mlo “medaket” sera lomekedong er ngii el “kau el mler kau a grazia” e “ngeltengat… er a delongelir a redil …e ngkol ngera blkul tial sus.” A Gabriel a dilu er ngii el kmo diak el kirel medakt—e le tial chais el lulbang el mong a ungil. A Maria a mo “dioll …el Ngelekel a Imong el Kididai …e mechellii a ngalek el sechal … e [mo] mengedereder ra blil a Jakob el mo cherechar.”

Ma Maria dula, “Ngmekera e sebechel chouaisel tekoi, ngkora diak a bechik?”

A anghel a silodii, engdi dimle kekedeb, el melekoi er ngii el kmo “ngdiak a tal tekoi el diak el lak el sebechel a Dios.”

A May a ulba ngariou reng e ulenger el kmo ngii a mo meruul a ongtil a Dios, e diak longerchiil el mo medengei a telemtemul me a rau el reng el betok a kerir el kirel a kekka er a klengar er ngii. A Maria a mlo meruul aikel Dios a ulengit er ngii el diak sal medengei el kmo ngera uchul ma Dios a ulengit er ngii malechub eng mo ua ngerang ruriur. Ngii a kilengei a tekingel a Dios loba rokui el rengul e dimlak a kmal lungil klaumodengei⁴er ngii er aikel mo dubech. Ng oba beot el klaumerang el ngara Dios, a Maria dilung, “Mesang ngak a mesiungel a Rubak; bo ltauter ngak el ua ikel molekoi.”⁵

Mesel doruul “ikel le dilu a Dios” el merkid, kid a mo blak a remuul a teleteled er a bek sils el mo osisiu ngii me a moktel a Dios. A beot el omerolel a klaumerang el ua menguiu a chedaol llechukel, omeksengereng, e ngar ngii a rengum el meluluuch a smisichii sel teletelel a chedaol meng sebechel el mo osisiu ngii a ma teletael er a tech. Chelsel a taem, ea aikel beot el teletael er a klaumerang a omekrael el mo er a ongasireng el kekka. Aikal omerolel a klaumerang a ngusukii a klaumerang er kid el kekerei e merael mo klou el mo er a ungil er a klengar er kid. Mesel, bo dechau a olasm, ea delcherud er a Kristo a kudmokl e smisiich a klengar er kid. A Dios a smisiich a klechitechetud, ea deureng a mo klou, e remul a rokui el tekoi [el] oureor el kirel a ungil el[obengked].” ⁶

Seis rak ra mla memong, eak milngedecheduch er a kekerei el chad el Bishop el ngii ulureor chemoit a sikang er a bek el sandei el mengedecheduch er a rechad er a ward er ngii. Ng mla er ngii a lesang. Ng dilung, aikel chetiuokl el rechad er a ward er ngii mle chemau, a di osisiu el chad er a Ikelesia ngar ngidil basio a chemau— el teletael el asi mekerang eng mo ungil a chelebechiil, ureor me a telungalek mo tabesul, ma ngerachel er a Ikelesia; meringel loltiarkl er a Word of Wisdom, malechub eng delbois el siasing, malechub eng budech el kirel a llechul Ikelesia malechub eng ker er a reksi el diak el lodengei.

Aikel osisecheklel el mo er a rechad er a ward er ngii a blechoel mo omtab aikel beot el teletelel a klaumerang, el uai a menguiu er a Babier er a Mormon, harau a ongeltarch, e mesiou lolngeseu er a Ikelesia loba klemeriar reng. Ng blechoel ikel nger er tir a mesmesim. Ng diak kongei lobengkem , e Bishop. Kid rokuia medengei el kmo aikang a ungil omeruul el doruul. Kid a mesaod el kirel aikal tekoi er a bek el taem sel dengara Ikelesia. Engdi diak kudengei el kmo kelocha omtab aikal kulekoi. Aikang ngerang rulii el kirel aikel chetituokel el ngak a chemau?”

Tiang ungil ker. Chelsel a taem, eak kumes er tirkel blechoel meruul aikel mekerei e beot el omeruul”⁷—loltirakl er a mekekeri lolechotel—a mo mekngeltengat loba klaumerang ma klisiich el ngii a sebechel engelakl er aikel teltael er a keldung el ngar tir, meng merang, ng kora diak el lulak el mo er tir. Ng locha meringel sel domak a deluill er a beot omeruul er a keldung ma meklou el nger el kirel a meklou, e meringel el chetiuokel el tekoi el dechau. Engdi aikangare sebechel dmak. Chelsel a teletael e blak ruul, sel kuruul a aikel teletael er a klaumerang el melemalt a kot el ungil teletael el mesebechakl er kid er aikel ringel er a klengar er kid, el kmo ngidil ngerang. Mekerei el teletelel a klaumerang, altang diak el klou a belkul malechub eng diak lulak el mo er a tokubets el mondai el debekikl el kirel, a omekngeltengat er kid er a all el kid a meruul.

Ka molbedebek er a Naaman, el “mengeteklir a re soldau er a … Syria, … el ngarbab el sodau,” e chebedes. A mesiungel el redil a uluchais el kirel a profet el ngara Israel el sebechel mo omekungil er a Naaman, meng milrael lobengkel a re mesiungel, soldau, e ulab a sengk el mo er Israel, el mlo er a blil a Elisha. A mesiungel a Elisha, ngdiak el Elisha, a dilu er a Naaman el kmo a Rubak a kmal di dilung “bor a Omoachel Jordan e lolechong el euid el taem.” Malta tial beot el omekungil a rirelii ngikal sechal buik lomdasu el kmo tia diak merang, kmal beot, malechub ng kmal ngarbab a rengul meng uoi ngilasech a rengul. Mal uaisei, tial omsodel a Elisha a dimlak el tabesul el mo er a Naaman, “me ng mirrael el kesib a rengul.”

Engdi a remesiungel a Naaman a mlo er ngii e dula el kmo kau “ke meruul er a tar a meringel tekoi eke mlo rulii” alsekum a Elisha a milekoi er ngii. Te ulechais el kmo ngii a di mo meruul er a beot el tekoi, meng kirel ruli, alta dimlak lodengei el kmo ngera uchul? A Naaman a ulmedasu er tial teletelel el dimlak lungil, engdi mlo oltirakl, “mlo …metengel er a Jordan, e e mle euid el taem el lolechelbakl” meng di mlo ungil.⁸

A bebil er a taem ea klengeltengat er a keldung a dimerech el mo er ngii; a bebil a mei er a uriur er a skeng. Chelsel a Pearl of Great Price, e kid a milnguiu el kirel a Adam el mle blak a rengul loltirakl a llechul a Dios el mo oldars a tenget. Me sera anghel loker er kngii el kmo ngera uchul meng oldars a tenget, ng dilu, Ng diak kudengei, engdi a Rubak a dilu er ngak. A anghel a uluchais el kmo aikal tengetengel a di osisiu ngii mesel tengetengel a Di Chimol Ngelekel a Chedam. Engdi tial omsodel a mlei luriur er a Adam lochotii sel keldung er ngii el mo oltirakl er a Rubak, el betok el sils el diak lodengei el kmongera uchul meng mo oldars a tenget.⁹

A Dios a blechoel mo omekngeltengat er kid sel deblak a rengud loltirakl er a ebangkelio er Ngii e meral chad er a Ikelesia er Ngii, engdi Ngii a diak el sal lochotid sel temel sel doruul a tekoi. Ngii a diak lochotid sel cherungel el siasing er a uchelel. Me tiang sel kirel mo er ngii a klaumerang, oureng, e oumerang er a Rubak.

A Dios a olengit er kid me bo Dobengkel—doumerang er Ngii e doltriakl er Ngii. Ngii a ulengit er kid melak doumondai eleng diak sebeched el mes. Ngii a milngelechel er kid el kmo ngdiak el kired el mengerchiil a beot el nger malechub eng dimereched el mekedmokl el mlara babeluades. A teletael a mo mesmechokl sel de blak a rengud sel ngar ngii a skeng er a klaumerang er kid, meng locha meringel loutekangel er tial skeng malechub ea nger a meiou el mei.¹⁰ Ngak a diak kusaod er sel “keldung eleng diak modengei”¹¹ ng bai sel bekudasu el klemerang el ngara cherungel el beltik el reng ma temel a Dios.

Aikel skeng er a klaumerang er kid a blechoel luldimukl er a beot, el omerolel a klaumerang. Meng uaisei, Ngii a mle yaksok el kmo kid a mo nguu a chedaol nger el meketeket el dongiil er ngii: mo mesmechokl a chetiuokel, klisiich el loutekangel, nger el mo er a ker, uldasu, llomeselreng, ma klausubes. Meng di tal dochotii a klemeriar reng el mo meruul aikel Lolekoi e diak dongerchiil el mo medengei el kmo oingerang, engera uchul, e mekerang e kid a mo “mengib a omuksullel a klaumerang er [kid], me a blak er reng er [kid], me a kllou el reng, ma kleket er a ringel.”¹² A meral keldung a kongei a llechul a Dios loba rokui el reng e mereched.¹³

Omtab malechub eng uaisei, kid el rokui a melilt el “mo [kid] mesiou er techang” er a bek el sils.”¹⁴ Kid a ouchais a klemeriar reng er kid el mo mesiou er a Rubak lokiu a omeruul er klaumerang. A Rubak a mle yakso el mo omekrael er a roled,¹⁵ engdi sel Ngii a mo meruul er tiang, kdi a kired el merael, e oumerang el kmo Ngii a medengelii a rael eleng Ngii a “the rael.”¹⁶ Mesel doumerang e oltirakl er Ngii, di uai a ralm el mlo bilong, e klengar er kid a mo mengodech. Kid a mo lemuut el mo ungil. Moumerang er a Rubak, a ikel le du er kemiu, cho mruul, amen.