Moumerang er a Rubak e Lak Multuil er a di Llemesem
Kid a sebechel el nguu a klengar er kid el mo chemau a Osobel el bo dodengelii, e Ngii a mo omekrael a roled.
Serak kumais el mo er a Asia, ea odos a mler ngak, e milchulak, e uleker, “Kau ke meral loumerang el kmo tial ebangkelio a merang?” Betik ra renguk el odos, Ak medengei el kmo ngklemerang. Ak oumerang er a Rubak.
Chelsel a Osisechakl 3:5–6, kid a menguiu er tia el osisechakl:
“Moumerang ulsirs er a Rubak el oba rengum el rokir. Lak multuil e ra di llemesel a rengum.
“Mletkii a Rubak er a ikel bek el moruul, e ngii a mo ochotii er kau a melemalt el rael.”
Tial chedaol llechukel a ngar ngii teblong el osisecheklel, omengelechel, ma klebokel el yaksok. Aikel teblong el osisecheklel: “Moumerang ulsirs er a Rubak el oba rengum el rokir” e “mletkii a Rubak er a ikel bek el moruul.” Sel omengelechel: “Lak mulsirs e ra di llemesel a rengum.” E sel klebokel el yaksok: “e Ngii a mo ochotii er kau a melemalt el rael.”
Me kot e dosaud er sel omengelechel. Tial siasing a ngosukid el mo ungil lometab. Sel omengelechel a mengai er a tekoi el “lak mulsirs”—“lak mulsirs e ra di llemesel a rengum.” Sel tekoi er a Merikel ea mulsirs el urelel a tech a kmo a bedengem a olsesei el mo er a bitang. Sel bedengem a lolsesei el mo er a bitang, e kede mo cheroid er a belngel, meng diak el tabesul, me kede meuitech. Sel chedaol mulsirs loba di llemesel a rengum, e kede morcheroid er a Osobel. Sel dulsirs, eng diak de ngara belngel; diak el tabesul; ngdiak dechau er a Kristo.
Rodos, sel klengar kid ruchei er a beluulechad, e kid uleldubech er a Osobel. Kid a ulmerang er Ngii. Kid ulecholt er a ngelsuid, klemeriar reng, ma deureng er a motkel a ungilreng el lulechotii a Demad er a Babeluades. Di mlak demesmesim. Kid ulngeseu lolab a testimony er kid el mlo dmak loldubech er a klisichel a Dios, ea aikel klisiich a mlo mesisiich.”1 Tial mekemad ra delongelel a ungil a me a mekngit a mla melukl el me er a beluulechad. Maluaisei, eng chedaol el ngercheled el mo dechor e sioning e nguu a klaumerang er kid el mo er a Rubak.
Kid a kired loker: Kede mekerang e melemolem el ngara belngel e diak mulsirs e ra di llemesel a rengum? Ak mekerang e mo medengelii e oltirakl a teletelel a Osobel e le tial ngerel a beluulechad el kmal mesisichang? Ak mekerang e smisichii a klaumerang er ngak er a Osobel?
Soak louchais a edei el tekoi el ngii a smisichii a klaumodengei ma klaumerang er kid ra Osobel. Ke mo metik el kmo aika a diak el beches el olisechakl, engdi aikang a uchelel. Aikang a longitakl er a Primary, mesaod er a olisechakl er a Young Women, e nger ra betok el ker er a Relief Society. Aikang a chedul—e diak el mesmesim—el osisechakl.
Kot, ngsebeched el mo medengelii a Rubak e mo oumerang er ngii sel “bo medinges er a tekingel a Kirsto, le tekingel a Kristo molecholt er kemiu a ikel kiriu el meruul.”2
Bebil buil ra mla memong, ea ki milenguiu a chedaol llechukel el telungalek. Ngkel eru a rekil el ngelekel a ngelekek a mle dengchokl er a bebul a ochik se ra ki monguiu. Ng mle dmeu a renguk el mamang, e ungil a renguk sera ngelekek el sechal ma telungalek er ngii a blel lodingel er kemam.
Moch a merek el menguiu er a chedaol llechukel, e ak chismerii a hong er ngak. Ngikal ngelekel a ngelekek a medengei el kmo mochu temel a cheliuaiu. Ngulemes er ngak e dilii a diak a ulebengelel klemerang: “Lemuut el menguiu a chedaol llechukel, e chedil.”
Ngikal ngelekek el sechal el kmal ungil chedam, a mengelechel er ngak, “Chedil, lak kom kengei er ngii. Ngii a soal el diak el bol bechiuaiu.”
Engdi sel ngelekel a ngelekek lolengit el lemuut el menguiu a chedaol llechukel, ea ki lemuut el mo mengiui! Omengiuel a chedaol llechukel a omekellomes a uldesued, smisichii a delbenged, onger a kerid, smisichii a klaumerang er kid ra Rubak, e ngosukid ma klengar er kid el dil bedul Ngii. “El blak a rengum el mesuub, eleng ngar ngii a lebol ngusukau er ngii.”3
Ongerung, ngsebeched el mo medengeleii a Rubak e mo oumerang er Ngii lokiu a nglunguuch. Moluluuch el mora Dios! “Maluaisei, kid a mla mosisechakl el kmo “moluluuch el mo er a Edam lolab a rokui el klisiichel a rengum.”4
Ngar ngii a ungil okesiu ra nglunguuch el kdobedebekii el mler ngak. Ngmle tal ulenguul a skuul ra ak ngara daingak, eak mle kongei el mo oureor er a Texas. Ng kirek el lomekall el betok el dart el mail el ngara Idaho el mo er a Texas el ngar tial mechut el mlik, el ngklel tial mlik a Vern. A Vern ultak aikal betok el kloklek, e ngak a keldmokl el mo er tial omerael.
Omerolek el mo tuobed er tuangel, e ak milchulii a delak eng uasei, “Me doluluuch er a uchei er a omorael.”
Aki mlo outibaruach ea delak a mocha omuchel el meluluuch. Ngulengit ra Demad er a Babeluades el kirel a omerolek el di bo lungil. Ng miluluuch el kirel a mlik el dimlak a air-condition er ngii, e lolengit me tial mlai di lungil merael elak mekesakel. Ngulengit era reanghel me bolo bengkek er tial taem el lulenguul a skuul. Ng milemolm el di miluluuch.
Sel budech el mlei er tial nglunguuch a milelskak a klisiich el mo oumerang er a Rubak e diak kulsirs e ra di llemesel a renguk. A Rubak a ulmekrael er ngak er a betok el tekoi el ngak a mililt er sel taem.
Alsekum kede meksongid el mo meluluuch el mo er a Demad er a Babeluades, e kid a mo medengelii. Kid a mo oumerang er Ngii. Aikel soal a rengud a mo uaikel soal a rengul. Kid a mo sebeched el kudmeklid ma aikel bebil ra klengeltengat el Demad er a Babeluades a keldmokel el mo meskid alsekum kid a olengit loba klaumerang.5
Ongedei, ng sebeched el mo medengelii a Rubak e oumerang er ngii sel dolngeseu mesiou er a rebebil. Ak mo ouchais er a cheldecheduch el blak nguu a kengei er a Amy Wright, el ngii a mlo medengei a olisechakl er a olngeseu e mesiou sera le kmal smerch. A Ämy miluches:
“Sera October 29, 2015, eak mlo medengei el kmo ak kasinoma. Tial kasinoma a di ngar ngii a teruich me a euid el basent el sebechek el chad. A temel a omekungil a dimlak lungil. Ak mle medengei el kmo ak mo blak a renguk el melisiich er tial bedengek. Ak rirelii a renguk el mo meruul a rokui el tekoi el diak el dil ber ngak, bai kot el klou a ututelel, sel mo er a telungalek er ngak. Sera December[Ongeteruich ma ongeru el buil] eak kulemuuchel el ngara chemo. Ak mle medengei a betok el teletael el dubech el uchul tial kar, engdi dimlak kudengei el kmo mle sebechel a chad el smerch e dirk ke ngar.
“A tal taem, eak milekoi el kmo a chemotherapy a tomelii sel lechul a chad. Ak dilu er a bechik el kmo merekong. Ak merekong! Ng diak luut el mora osbitar. Meng tial llemesel ngii el bechik, el klou a rengul el lorenges e dula, ‘Mada, ngkired el sikii a a chad el bo dolngeseu er ngii.’”
Mekerang? Ngkang diak lodengei el kmo a bechil a kasinoma e di mercheradech a rengul malechub el bebeil ra taem eng kmal meringel?
A Amy a melemolem el mesaud: “Aikal uchul tial rakt a kmal mocha meringel el bebil ak di tals sils er a tal buil el ‘KUNGIL’[oingera] sel sebechek el loureor ua ngar el chad, el louteliill. Ngikeikid el sils ea telungalek er ngak a osiik a techall el mo olngeseu.”
Sel ta er aikel sils, ea telungalek er a Amy a milrous aikel klalou lousbech el ngara chemo el mo er a rechad el nuiing, aikal klalou el olngeseu el meruul er tir mo ungil a rengrir mebol sebechel lobes aikel ringel. Sel Amy diak el sebechel mechiuaiu, eng ngulmedasu a teletael el sebechel rulii a sils ra ta er a chad el mo ungil. Bebil ra teletael a mle meklou omeruul, engdi betok a di mle mekekrei el llechukel el babier malechub eng text a tekoi el melisiich a rengrir e olecholt er a beltik el reng. Maikel klebesei el kmal ngara ringel meng diak el sesbechel imiit a medal, eng di mechiuaiu er a dukelel loba iPad e osiik aikel ruoll ra tmeplo el ngii a sebechel remuul el kirel a tirkel chad ra blil el mla mad. Meng ongasireng er sel ringel a mo kekerei, e ngii a sebechel loutekangel er ngii.
“Olngeseu,” a Amy ouchais, “a ulsebelii a klengar er ngak. Mesel kbetik a klisichek el melemolem el merael a mle deureng el biltik er ngii sera kulasem el lolngeseu er tirkel mle chemau a ringel el meliuekl er ngak. Ak mle mad el tmuill el kirel aikel techall el lolngeseu loba klou el deureng ma klemeriar reng. Nglemuut el mer chelechang eng uoi kora ngodech el okesiu. Ke locha omedasu el kmo a chad el boruu, e smecher, e melasem el mo suobel [a] bai kirir lomedasu el kmo ‘chelechal taem eng kirel di kirek.’ Meng uaisei, sel kumedasu el kirek, ma omeruul el kirek, ma ringel, ea beluulechad a mlo milekolk e mekngit a renguk. E sel bok chau a rebebil, eng ngar ngii a llomes, oureng, klisiich, mesisiich el reng, ma deureng. Ak medengei el kmo tiang a sebechel dubech eleng sel olngeseu el omekungil el klisichel a Tngakireng er a Jesus Kristo.”
A Amy a mlo oumerang er a Rubak sera lebo Lodengelii. Alsekum meng ulsirs el mo ra llemesel, eng locha mlo diak kengei er tial uldasu el kmo ngulngeseu e mesiou. A olngeseu a rirelii el mo chemau a ringel ma telemall e mo oltirakl er tial chedaol llechukel: “Sel mesiou el kirel a ngidil chad, e kau a merang el mesiou er a Dios er kau.”6
A Jesus Kristo a mlo mesisiich er a beluulechad. Eleng Ngii, eleng sel diak a ulebengelle el Tngakireng er Ngii, e kid a ngar ngii uchul kede mo oumerang, e mo medengei el kmo a rokui a di mo ungil.
Rodos, a ta ma ta er kid a sebechel loumerang er a Rubak e lakmulsirs e ra di llemesel a rengum. Kid a sebechel a klengar er kid el mo chemau a Osobel sel bo dodengelii, e Ngii a mo omekrael er a roled.
Kid a ngara beluulechad el louchais ra osisiu el klemerang er Ngii el rulid el mo olngeseu lobengkel a Jesus Kristo sera louchais, Ngak a tiang, modureklak.”7
Betik er a renguk el rodos, a President Thomas S. Monson a uluchais el kmo “aikel yaksok el klengeltengat a kmal betok. Malta aikel omeruul el kid a ngar ngii a dekor a medakt, alta aikel olasm a dubech er a klengar er kid, ea klaumodengei er kid er a ebangkelio ma beltkil a rengud el mo er a Demad er a Babeluades me a Osobel a mo mengelim e olngeseu er kid …alsekum kede ngara llemalt. … Eng diak a ngodech el ngar tial beluulechad el sebechel el tomer er kid.”8
Ng soak el dochelii a testimony er ngak el kirel a betik er a rengud el profet. Alsekum kede oumerang er a Demad er a Babeluades ma Osobel e lak dulsirs er a llemesl a rengud, Tir a mo omekrael a roled e mo odersii a chubechub el merkid. Loba ngklel a Jesus Kristo, amen.
Uleklatk: Sera April 1, 2017, e a Sister Cordon a kuk mlo merek el Second Counselor er a Primary General Presidency e mlokedong el mo First Counselor.