Oupwe Kutta me non ekewe Puk Mi Murinno

Non ew sosoren summer, ua kuna emon muun mi echik nge a tumunochu an esap pwa, a nom won epo poon rous mi fokkun ningeoch me non ewe ataken ponira mi fokkun tumun. Sa kuna pwe ekkoch ekkewe popun ira ese wor chor ira mi fat ngeni ion ese pwan tumunochu ne nenengeni pwe ewe muun a ngerienong seni epek ekkewe chon ira mi pwetete ngeni epek won niin kewe mi efeiengaw. Use nukunuk nge uwa sinei pwe mi wor ekkoch aramas mi ussun chok ei muun, ra pwa me non unusen fonufan nge ra fokkun tipachem ar repwe ponurono ina mine fan ekkoch sia mut ngenir ar repwe tonong non manauach, nge me mwen sipwe sinei, ra fen ani warach kewe non pekin ngun me ekkewe ra—awewe ngeni chon ach famini me chiechiach.

Sia nom non ew fansoun mine mwaninon porousen ach achifouwa a chommong. Non fansoun ussun ekkei, sise chiwen tumunu me apochokuna ach kewe foun nongonong ina ew tingor pwe sipwe awora pwe ekkewe ra kukuta ar repwe ataeno ach nuku non Kraist me ach achifouwa non An ewe Mwichefen mi niwinsefanito ra mochen ataeno. Non fansoun ewe Puken Mormon, Zeezrom ewe a mochen epwe ataeno ewe nuku an ekkewe chon nuku.

An mokutukut me kapas ra “ew saren ewe chon koum, mine I a forata pwe epwe niapeni [ekkewe] aramas, pwe I epwe tongeni uwei [ir] ngeni fan an nemenem, pwe I epwe tongeni rokopwanikemino ren an kewe senimecha” (Alma 12:6).(Alma 12:6). Pwan ekkana chok sar mi wor ikenai, me nukun chok ika sia tumunoch non pekin ngun me oueta ew foun nongonong won ach ewe Chon Angasano (see Ilamen 5:12), meni sipwe kuna kich pwe sa fat ren an setan kewe senimecha me emichireno ngeni tumunun mochenin fonufan a porous ussun me non ewe Puken Mormon(see 1 Nephi 8:28).

Ewe Aposel Paul a wau ew esinesin non an fansoun pwe mi pwan ussun chok non ach ei fansoun: “Ua sinei pwe ew fansoun epwe wareto nupwen ekkoch mwan seni non pwisin ami mwich repwe kapas chofona pwe repwe erikano ekkewe chon nuku. (Foffor 20:29–30).

An esinesin me ekkewe esinesin seni nouch soufos me aposel ra achema kich pwe sipwe fokkun fori met sia tongeni fori ach sipwe apochokuna inisich non pekin ngun seni kapasen anini me chofona. Nupwen uwa no churi ekkewe wart me steik ren ewe Mwichefen, A fokkun mokut netipei ren met uwa kuna, me mefi nupwen Souneng ra unusen nukunuk ne fori an ewe Chon Amanau me noun kewe chon angang kewe osukun.

Ewe napanon fiti fan non Raninfen me a ew chok minen apiru ren chon ewe Mwichefen ar amwasangaereta non pekin ngun ren aponueta ekkewe kapasen osini. Soposopono pochokunan a pwano ren chommongonon tempel me angangen uruon famini a fis meren famini nupwen ra ioni fengeni ar kewe neuo ren ar fori angang pin non tempel. Nongononguch non pekin ngun ra pochokun nupwen tekisosonun ach pusin iotek me ach famini ra winiti aninisin ach nuku me nupwen sia aier iteiten ran, me kutta ach sipwe chiechi ngeni ewe Ngun mi Fel me kaeo ussun ewe Chon Amanau me an kewe angang murinno me achocho ngeni ach sipwe ussun chok I (see 3 Nifai 27:27).

Ach Chon Amanau, Jises Kaist, I ewe Saramen Fonufan, me I a korikich pwe sipwe tapweno mwirin. Sipwe chok nennengeni I fansoun meinisin me akaewin nupwen mi wor weiresin sosot me nupwen mi wor pochokunen tipemwaramwar ussun ew toputop mi mwitir fisita. Ekkewe outunn pau “seni epek ewe chonupupun konik, [ikewe] ew watten me wamongun imw [mi uta]” (1 Nephi 8:26) ussun nge repwe itingonuk non napanapan nge re turunufas, osufonungaw, me itini outun pour kewe, uwa urenikemi pwe oupwe mwittir kun sefan seni ekkewe mi turunufas pwe rete oumwesikemi wewen pwe repwe eimukono seni ewe ennet me feiochun kewe

Ina mine, ei chok esap naf non ei ran nupwen mettoch mi aweires a tou non kapas, non mak me non sasing. Elter Robert D. Hales a aitikich pwe “Me nukun chok ika a fokkun pwon pwe kopwene aponueta ewe kapas annim—aponueta ren unusen netipom, om tongeni, ekiek me pochokun—kose tongeni kopwe anafa ne forata saram non pekin ngun an epwe tinano ewe rochopwak ” (“Out of Darkness into His Marvelous Light,” Liahona, July 2002, 78). Mi pung, pwe ach mochen pwe sipwe tapweno mwirin Kraist, I ewe Saramen Fonufan (nengeniJohn 8:12), wewen pwe sipwe mokutukut won An kewe afanafan. Sia pochokun non pekin ngun, mwasangasang, me tumun nupwen sia mokutukut won ewe kapasen Kot.

Nupwenn epwe wateno ewe saram non manawach, epwe chokukununo ekkewe fansoun tipemwaramwar. Nge, ika ewe saram mi watte, sia a pwano ngeni aramas me memef mine ese masengeni ach achifouwa me sosotun ach nuku. Ewe Aposel James a makkei pwe “oupwe sinei pwe nupwen ami nuku epwe okkufatiw ekkei sokkun sossot, iwe epwe efisata ami nikitu” ( James 1:3). Fiti ei wewe, Elter Neal A, Maxwell a afanafana pwe “Amon chon kuno mi nikitu … esap mairu ika ngaweno nupwen ewe Mwichefen a awewengawei” ” (“ Patience” [Brigham Young University devotional, Nov. 27, 1979], speeches.byu.edu).

Kapas eis ussun uruon ach Mwichefen me achifouwa a pwata. Ian sipwe kut ian ach sipwe kuna ewe ponuwan mi ennet epwe wor watten tumun. Ese wor met sipwe angei non ach sipwe katon sokkun nikinikin me memefin kukununon esinesin ika ekkewe ra pout senir ar nuku non ewe Mwichefen. Ewe kapasen aurour a kawor seni ewe Aposel James: “Nge ika emon me neimi ese mirit, epwe tingor ngeni Kot” (James 1:5).

Tingor ngeni Kot pwe epwe akom statiniochu, pun kich sia nom fan tetenochun ekkewe pukefen ach sipwe kutta kewe kapasen emirit me non ekkewe puk mi murinno: me kutta kaeo, pwan mo ren om kopwe statini, me pwan ren nuku” (D&C 88:118). Mi wor watten auchean ekkei puk, ra mak seni sou emwenin Mwichefen mi kefin me nang me ra etettenoch, tumun, me anonga won uruon Mwichefen me sinenapei kewe annuk. Ren ena a apasa, ese wor epwe okufu ewe eingeingen kapasen Kot ewe a fen mumuta pukefen. Seni ekkewe chon ra chachak mi watte mirit non pekin ngun, sia kaeo ennet me ren ewe Ngun mi Fel me a napano non saram.

Preseten Thomas S. Monson, ewe a fen tingor ngenikich ach “sipwe kaeo me ekieki ewe Puken Mormon iteiten ran” (“The Power of the Book of Mormon,” Liahona, May 2017, 87).

Ekkoch ier ra no, nupwen ai wa wiseni ewe wis presetenin ewe Fiji Suva Mission, a wor an ekkewe misineri sinei minne a apochokuna sefani non ir ewe pochokunen ekkesiwin ren ewe Puken Mormon. Non ew ran mi pwichikar me nukuchochon ekkana ruemon elter ra fetan won ewe an mi sutoputop me ra tori ew kukkun im non Labasa.

Ewe fichifich won ewe asam a ponu meren emon chinap mwan ewe a rongorong nupwen ekkewe misineri ra pwarata ussun ewe ennetin ewe Puken Mormon. Ra ngeni ew kapin ewe puk me ra tingorei atewe an epwe anneani me epwe iotek an epwe sinei, ussun ir, pwe ina ewe kapasen Kot. An ewe ponuenir mi chok mochomoch: “Nesor ika uwa niwino attaw. Upwe anneani nupwen uwa nom won mataw, me ika uwa niwin, ouwa pwan tongeni etto churiei.”

Nupwen an ewe a towaweno, a wor ekkesiwin ren ekkewe misineri, me ekkoch wik mwirin, ew minefon pean misineri ra niwin ar repwe churi ewe chon attau. Non ei fansoun atewe a fen anneani unusen ewe Puken Mormon, me a angei fateochun ewe ennet, me a mochen pwan sinei ekkoch.

Ei mwan a fen ekesiwin me ren ewe Ngun mi Fel, ewe a pwarata ewe ennet ren ewe auchean kapas won iteiten peich ussun met mi fis me annuk a wor afanafanan me nom me a wor tumunun ren ach kewe ran non ewe Puken Mormon. Pwan ena chok feioch a kawor ngeni emon me emon kich.

Non imwach ina ew mwirinon neni ngeni ekkewe famini ar repwe kaeo me aea fengen mettoch mi auchea seni ekkewe pukefel me ekkewe kapasen ekkewe soufos me tufichin sinei ekkewe pisekin Mwichefen me non LDS.org. Ikana ka tongeni kuna chommong porous ussun ekkewe itenapen ewe kapas annim ussun ewe Aewin Nemesepwi. Nupwen sia kaeo seni ekkewe puk mi murinno, sia epeti inisin seni ekkewe ni mi efeiengaw ekkewe ra kukuta ar repwe ngeri ach kewe waran non pekin ngun.

Fiti meinisin ach iotek kaeo me ekieki pun meni mi chok pwan chiwen wor ekkoch kapas eis rese mwo ponu nge sisap mut ngeni ena epwe angawano ewe nuku a fen marita non kich. Ekkana kapas eis a fen anisikich an epwe anisi ne forata ach nuku me sisap eteteni kewe kapas eis nupwen a wor fansoun tipemwaramwar a fokkun auchea ngeni namanam an esap wor ar fatafatochun ponuwen kapas eis meinisin, pun iei ew me nein ekkewe popun nuku. Non ena fiti sufon, Elder Jeffrey  R. Holland a fen aitikich pwe “nupwen ekkana fansoun ra feitto me osukosuk a chouno, atawen ena osukosuk esap mwitir feitto nupwen ekkana fansoun epwe feitto me osukosuk a fisita, me ekkewe atawen ekkana osukosuk rese mwitir feitto. mwitir komochuno met ka fen sinei me uta pochokun tori soposopwen mirit epwe feitto” (“Lord, I Believe,” ika Liahona, May 2013, 94).

Sia kuna unukuch ewe pwapwa ren chommong ekkewe ra nikitu non ar pochokun ne sopweno ne amarano warer kewe non pekin ngun. Ar nuku me anneasosich a fokkun murinno an epwe ngenir epinukunuk non ar ewe Chon Amanau, me seni ena popun wachimuken pwapwa. Rese apasa pwe ra sinei mettoch meinisin, nge ra ra fen moni ewe niwin an epwe naf ar sinei an epwe wor ar kinamwe me nonnom non nikitu nupwen ra kukkuta ar repwe pwan sinei soposopun. Ekis me ekis, ar nuku a pochokununo non Kraist, iwe ra uta pochokun pwe ir chiechien ekkewe Souneng.

Emon me emon kich sipwe manau pwe niin ekkewe muun kewe mi efeiengaw resap kuna mo ew neni, esap iei ika fansoun meinisin, non manauach  pwe sipwe nonnom non “pochokun non ewe nuku ussun Kraist, pwan mwo tori nesoponon”(Alma 27:27). Non iten Jises Kraist, amen.