Japta 6
Oli klinim Jos long Sarahemla mo oli putum long oda—Alma i go long Gidion blong prij. Raonabaot 83 B.K.B.
1 Mo nao i bin hapen se afta taem we Alma i finisim toktok blong hem long ol man blong jos, we i stanap long bigtaon blong Sarahemla, hem i aodenem ol pris mo ol belda, hem i putum dhan blong hem long hed blong olgeta folem oda blong God, blong prisaed mo eluklukaotem gud jos.
2 Mo i bin hapen se, olgeta evriwan we i no blong jos be oli sakem ol sin blong olgeta, oli kasem abaptaes from oli sakem sin, mo oli bin akseptem olgeta oli kam insaed long jos.
3 Mo i bin hapen se, olgeta evriwan we oli blong jos we oli no asakem ol fasin nogud blong olgeta mo putum tingting blong olgeta i stap daon long fored blong God—Mi minim olgeta we oli gat bhae tingting tumas long hat blong olgeta—ol semfala man ia, ol lida blong Jos oli dsakemaot olgeta, mo nem blong olgeta, oli bin tekemaot, mekem se oli no kaontem nem blong olgeta wetem nem blong olgeta we oli stret mo gud.
4 Mo olsem ia nao oli stat blong stanemap oda blong jos long bigtaon blong Sarahemla.
5 Nao mi wantem blong yufala i mas andastanem se evri man i save kasem toktok blong God, se oli no blokem eni man blong oli save kam tugeta long wan ples blong harem toktok blong God.
6 Be God i bin givim komanmen long ol pikinini blong hem, se oli mas kam tugeta wan ples plante taem, mo joen tugeta blong alivim kakae mo prea strong long saed blong gudfala laef blong sol blong olgeta ia we oli no bin save God.
7 Mo nao i bin hapen se, taem Alma i mekem ol rul ia hem i aot long olgeta, yes, long jos we i stap long bigtaon blong Sarahemla, mo i go long Is blong reva blong Saedon, i go long avale blong Gidion, we oli mekem wan bigtaon, we oli singaotem se bigtaon blong Gidion, we i stap long vale we oli singaotem Gidion. Oli singaotem ples ia folem nem blong man ia we Nehor i bin bkilim hem i ded wetem naef blong faet.
8 Mo Alma i go mo i stat blong talemaot toktok blong God long jos we i stanap long vale blong Gidion, folem revelesen blong trutok blong toktok we ol papa blong hem oli bin talemaot, mo folem spirit blong profesi we i stap long hem, folem atestemoni abaot Jisas Kraes, Pikinini blong God, we bae i kam blong pemaot ol pipol blong hem long ol sin blong olgeta, mo tabu oda we oli bin singaotem hem long hem. Mo olsem ia nao oli bin raetem. Amen.