Blong yuwan, long tingting blong yu, yu stop blong kakae o dring wetem stamba tingting ia blong kam kolosap long Lod mo blong askem ol blesing blong Hem. Taem wanwan man o woman mo ol grup oli livim kakae, oli mas prea tu blong save andastanem tingting blong God, mo blong oli bildimap wan paoa long saed blong spirit we i bigwan moa. Fasin blong livim kakae, oltaem, olgeta we oli biliv tru long Kraes oli bin mekem praktis ia.
Long Jos tedei, oli putum wan Sabat dei long wan manis i stap blong livim kakae nomo. Long tetaem ia, ol memba blong Jos oli no kakae long wan kaekae mo oli no dring wota blong samfala taem. Afta, oli givim long Jos mane ia we bae oli spenem long kaekae long ol taem blong kakae ia. Mane ia, oli singaotem fas ofring. Jos i yusum mane ia, fas ofring, blong helpem olgeta we oli pua mo olgeta we oli gat nid.