වැඩිහිටි ඝනපූර්ණය

ප්‍රථමයෙන්, නැවත නැවතත් කියහොත්, මොනවාද කොට්ඨාශ උත්තම පූජක කණ්ඩායම් සහ වැඩිහිටි ඝණපුර්ණයන් තුළ සිදුවන පිළිසකර කිරීම්? කොට්ඨාශවල, වැඩිහිටි ඝණපූර්ණ සාමාජිකයින් සහ උත්තම පූජක කණ්ඩායම් එකට එකතු කොට, එක මෙල්කිසදෙක් පූජකවර ඝණපූර්ණයක් බවට එක් සභාපතීත්වයක් බවට පත්වේ. සාමාජිකයින් ගණන හා ඒකත්වයෙන් වැඩි වූ මෙම ගනපූර්ණය, වැඩිහිටි ගණපූර්ණය ලෙස නම්කරනු ලබනවා. සියලුම වැඩිහිටියන්, එසේම උත්තම පූජකයින් නමුත් වර්තමානයේ සභානායකත්වයක, ස්ටේක් සභාපතීත්වයක, උසස් මන්ත්‍රණ සභාවක හෝ සේවය නොකරණ හා අදිපිතෘවරයෙකු ලෙස හෝ සේවය කරන සහ සභානායකත්වය දරණ උසස් මන්ත්‍රණ සභාවේ හෝ අදිපිතෘවරයකු ලෙස සේවය කරන උත්තම පූජකයින් ඇතුලත් වේ.

වැඩිහිටි ඝණපූර්ණ සභාපතීත්වය සංවිධාන විය යුත්තේ කෙසේද? ස්ටේක සභාපතීත්වය වර්තමාන උත්තම පූජක නායක කණ්ඩායම් සහ වැඩිහිටි ඝණපූර්ණ සභාපතිත්වයන් නිදහස් කර, සෑම කොට්ඨාශයක හෝ ශාඛාවක සිටින නව වැඩිහිටි ගණපූර්ණ සභාපති සහ උපදේශකයන් කැඳවනු ඇත. නව වැඩිහිටි ඝණපූර්ණ සභාපතීත්වය තුළ විවිධ වයස් කාණ්ඩවල විවිධ වූ අත්දැකීම් ඇති වැඩිහිටියන් සහ උත්තම පූජකයන්, එකට එක්ව එක් ඝණපූර්ණ සභාපතීත්වයක් ලෙස සේවයේ යෙදෙනු ඇත. සභාපතීත්වය තුළ, වැඩිහිටියෙකු හෝ උත්තම පූජකයෙකු ඝණපූර්ණ සභාපති ලෙස හෝ උපදේශකයෙකු ලෙස සේවය කරනු ලබයි. මෙය උත්තම පූජකයින් විසින් වැඩිහිටි ඝණපූර්ණ පවරා ගැනීමක් නොවෙයි. අපේ බලාපොරොත්තුව වැඩිහිටියන් සහ උත්තම පූජකයන් එකට එක්ව, ඝණපූර්ණ සභාපතීත්වයේ සහ ඝණපූර්ණ සේවයේ, ඕනෑම සංයුතිය යටතේ වැඩ කිරීමයි. මෙම ඝණපූර්ණ නැවත පිළියෙල කිරිම් පහසු හා උච්ත ලෙස හැකි ඉක්මනින් ක්‍රියාත්මක කල යුතුය.

වැඩිහිටි ඝනපූර්ණය තුල වූ ඝනපූර්ණ සැලැස්මේ සිදු වූ මෙම නැවත පිළියෙල කිරීම් වල ප්‍රතිඵලයක් ලෙස ඝණපූර්ණ සාමාජිකයින් විසින් දරණ පූජකවර නිලයන් වෙනස් වෙනවාද? නැත, මෙම ක්‍රියාව මගින් ඝණපූර්ණ සාමාජිකයන්ට අතීතයේ නියම වු කිසිම පූජකවර නිලයක් අවලංගු වන්නේ නැත. ඔබ දන්නා පරිදි, මිනිසෙකුට තම ජීවිත කාලය තුළ විවිධ වු පූජකවර නිලයන් නියම කිරිම් සිදු විය හැකි නමුත්, අලුත් නියම කිරිමක් ලද විට, කලින් ඔහු අදාළව පැවති නියම කිරිම් නැති වී යාමකට හෝ අහිමි වීමකට ලක්වන්නේ නැත. උදාහරණ ලෙස, ඇතැම් විට පූජකවරය දරන්නා එක් විටක, එක් නිලයකට වඩා සේවයෙහි නියුත්ත වන අතර, ආදිපිතෘ ලෙස හෝ සභානායකවරයා ලෙස සේවයකරන උත්තම පූජකයෙකු, එක් විටක, නියමානුකූලව ඔහුට අදාළ පූජක නිලයන් සියල්ලෙහිම ක්‍රියා කරනවා නොවිය හැක. උදාහරණයක් ලෙස සභානායකවරු සහ හැත්තෑවරු, ඔවුන්ගේ නිදහස් කළ හෝ ගෞරවාන්විත විශ්‍රාම කල පූජකවර නිලයන් තුළ, සක්‍රීය ලෙස සේවය කරන්නේ නැත. මෙලෙස, මොනයම් හෝ පූජකවර නිලයක් හෝ නිල මිනිසෙකු දැරුවද, ඔහු වැඩිහිටි ගණපූර්ණයේ සාමාජිකයෙක් සිටින තාක්, ඔහු සේවය කරන්නේ වැඩිහිටියකු ලෙසයි.

වසර ගණනකට පෙර, සභාපති බොයිඩ් කේ. පැකර් ප්‍රකාශ කලේ පූජකවරය එහි නිලයකට වඩා ශ්‍රේෂ්ඨ බවත් ........පූජකවරය බෙදා වෙන් කළ නොහැකි බවත්ය. වැඩිහිටියෙකු ප්‍රේරිතවරයෙකුගේ පූජකවරය තරමටම පූජකවරයක් දරණවා. (දහම සහ ගිවිසුම 20:38 බලන්න.) මිනිසෙකුට පූජකවරය පැවරූ විට, ඔහුට එය මුලුමනින්ම ලැබෙනවා. කෙසේ වුවද, පූජකවරය තුළ, බලය සහ වගකිම් බෙදිය යුතු නිලයක් පවතිනවා. ඇතැම්විට එක් නිලයක්, තව නිලයකට වඩා උසස් හෝ වඩා පහත් ලෙස දැක්වෙනවා.⁴ නිලයන්හි උසස් හෝ පහත් බවට වඩා, ඇත්තෙම්ම, මෙල්කිසදෙක් පූජකවර නිලයන්, එකක් තව එකකට වඩා උසස් ලෙස තබමින් කතා නොකළ යුතු බව මම බලාපොරොත්තු වෙනවා.

වැඩිහිටියන්, තව දුරටත් ස්ටේක සභාපතීත්වය, උසස් මන්ත්‍රණ සභාව හෝ සභානායකත්වයට කැඳවීම් ලද විට උත්තම පූජකයින් ලෙස නියම කෙරෙනු ඇත. නැතහොත් අනෙකුත් අවස්ථාවන්හීදි මෙය ස්ටේක සභාපති මඟින් යාච්ඤා තුළින් ලද පෙළඹවීමකින් සිදුවිය හැක. ඔවුන්ගේ ස්ටේක සභාපතීත්වය, උසස් මන්ත්‍රණ සභාව හෝ සභානායකත්වයට අදාළ වූ සේවයෙහි වු කොන්දේසින් සම්පුර්ණයෙන් නිම වූ විට, උත්තම පූජකයින් නැවත තම කොට්ඨාශයේ වැඩිහිටි ඝණපූර්ණයට සම්බන්ධ වනු ඇත.

වැඩිහිටි ඝණපූර්ණ සභාපතිගේ කාර්යය සඳහා ඔහුට මඟපෙන්වන්නේ කවුද? ස්ටේක සභාපති, ඔහුගේ ස්ටේකයේ මෙල්කිසදෙක් පූජකවරයට ඉහළින් මුලසුන දරණවා. එම නිසා, වැඩිහිටියන්ගේ ඝණපූර්ණ සභාපති, ස්ටේක සභාපතිට එක එල්ලේ වගකීමෙන් බැඳී සිටිනවා. තවද අවශ්‍ය පුහුණු කිරිම් සහ මගපෙන්වීම් ස්ටේක සභපති විසින් උසස් මන්ත්‍රණ සභාව හරහා ස්ටේක සභාපතීත්වය ලබා දෙයි. කොට්ඨාශයේ මුලසුන දරණ උත්තම පූජක ලෙස සිටින සභානායකවරයා ද, නිත්‍ය දිනයන්හි සාමාජිකයන්ට උසස් සේවයක් සහ ඔහුනට ආශිර්වාද කළ යුතු ආකාරය සහ සියළුම කොට්ඨාශ සංවිධානය සමඟ සමගියෙන් වැඩ කල යුතු ආකාරයනට අදාළ වූ උපදෙස් හා සුදුසු මගපෙන්වීම් සභාපතියාට ලබා දෙනු ලබයි.⁵

මෙල්කිසදෙක් පූජකවර ඝණපූර්ණයන් නැවත පිළියෙළ කිරීමේ අරමුණ කුමක්ද? එක් කොට්ඨාශයක එක් මෙල්කිසදෙක් පූජකවර ඝණපූර්ණයක් තිබීමෙන්, පූජකවර හිමියන් ඒකාබද්ධ කොට ගැලවිමේ කාර්යය ඉටු කිරිමටත්, උත්තම පූජක කණ්ඩායම් විසින් ඉදිකරන ලද පවුල් ඉතිහාසය පිළිබඳ සම්බන්ධීකරණ කටයුතු කරගෙන යාමටත් හැකිවේ. තවද එමඟින් විවිධ වූ වයස් මට්ටම් වලින් හා පසුබිම් වලින් පැමිණි ඝනපූර්ණ සාමාජිකයන්ගේ සහ ජීවිතයේ විවිධ වූ අවධින් පසු කරමින් සිටින ඝණපූර්ණ සාමාජිකයන්ගේ දෘෂ්ටි කෝණයන්හි වගකිම් ප්‍රයෝජනවත් වනු ලබනවා. තවද මින් අත්දැකීම් ඇති පූජකවර හිමියන්ට උපදේශකවරයෙකු ලෙස අනන්‍යයන්ට සේවය කිරිමේ අමතර අවස්ථාවක්ද සැලසෙනවා. මෙයට අනාගත වැඩිහිටියන් අලුත් සාමාජිකයන්, තරුණ වැඩිහිටියන් හා නැවත ක්‍රියාකාරී ලෙස සභාවට පැමිණෙන්නන්ද ඇතුළත්. අනාගතයේ දි වැඩිහිටි ඝණපූර්න කාර්යභාරයේ දි ඇති වැදගත්කම වැඩිවීම ගැන සිතන විට ප්‍රමාණයෙන් මෙතකැයි ප්‍රකාශ කිරිම සතුටක් ගෙන දෙනවා. මෙම ඝණපූර්නයන් තුළ හමුවන ප්‍රඥාව, අත්දැකිම්, හැකියාවන් සහ ශක්තීන් අලුත් හෙට දිනයකට පෙර නිමිති දක්වන අතර සභාව හරහා වූ පූජකවර සේවය නව උසස් තලයකට ගෙන එනු ලබනවා.

වසර 20 කට පෙර ප්‍රධාන සම්මන්ත්‍රණයකදී කියැවුණු කතාවක් මම මෙහිදි පවසනවා, මක්නිසාදයත්, එය මෙහිදි කීමට වටිනවා යැයි මම සිතන නිසා. මෙය ප්‍රථමයෙන් පවසන ලද්දේ හැත්තෑවරුනගේ වැඩිහිටි වෝගන් ජේ. ෆෙදර්ස්ටෝන් විසින්.

1918 ගොවියෙකු වුණු සහෝදර ඨැදරටැ ජෝර්ජ් ගොට්ස් - යූටාහි සීනි බීට් වගා කරනු ලැබුවා. එම වසරේ, කලින් ශීත සෘතුව පැමීණීම හේතුවෙන් භූමියෙ වු බීට් වගාවේ බොහොමයක් මිදී ගියා. ජෝර්ජ්ට සහ ෆ්‍රැන්සිස් වූ ඔහුගේ බාල සොහොයුරු හට අස්වැන්න ලබා ගැනීම ඉතා මන්දගාමි සහ අසීරු කාර්යයක් වූවා. ඒ අතර වාරේ ඉන්ෆ්ලුවෙන්සා වසන්ගතය උග්‍රවුණා. මෙම භයානක රෝගයට ජෝර්ජ්ගේ පුතු වූ චාර්ල්ස්ද, චාර්ල්ස්ගේ කුඩා දරුවන් තිදෙනෙක් පුංචි දියනියන් දෙදෙනෙක් සහ පිරිමි දරුවෙකුගේ ජීවිත බිලිගත්තා. හුදෙක් දින හයක් ඇතුළත, බලවත් සිත් වේදනාවෙන් පසු වන ජෝර්ජ් ගොට්ස් භුමිදානය පිණිස මෘත ශරීරය නිවසට ගෙන ඒමට තුන් සැරයක් ඔග්ඩන් - යූටා වෙතට ගමන් කලා, මෙම දරුණු විරාමයෙන් පසු ජෝර්ජ් සහ ෆ්‍රැන්සිස් වුන්ගේ කරත්ත බැඳ වගා භූමියට ගියා.

“යන අතර මගදී අසල්වාසි ගොවියන් පදවාගෙන කර්මාන්තශාලා වෙත ඇදෙන, බීට් පැටවූ එක් කරත්තයක් පසු පස තවත් කරත්තයක් ලෙස ඔවුන්ව පසු කළා. එසේ මොවුන්ව පසුකර යද්දී, එක් එක් රියදුරා අතවනමින්, අචාර කරමින් ‘ජෝර්ජ් මාමේ ඇත්තටම අපට කණගාටුයි, ජෝර්ජ් දරුණු බාධාකිරිමක් වුනේ, ඔබට ගොඩක් මිතුරන් සිටිනවා ජෝර්ජ්, යන ආදි ලෙස පැවසුවා.’

අවසාන කරත්තය සිටියේ, මුහුණේ ලා දුඹුරු ලප ඇති ජස්පර් රෝල්ෆ්. ඔහු සතුටින් අතවනා අචාර කරමින්, ‘මේ තමා අවසාන එක, ජෝර්ජ් මාමේ ලෙස පැවසුවා.’

සහෝදර ගොට්ස් ෆ්‍රැන්සිස් දෙසට හැරෙමින්: ‘ඒ සියල්ල අපේ වුණා නම්’ ලෙස පැවසුවා.

මොවුන් ගොවිපලේ ගේට්ටුව අසලට පැමිණියා. ෆ්‍රැන්සිස් ලොකු රතු පාට බීට් කරත්තයෙන් බිමට පැන ගේට්ටුව විවෘත කලා. ඔහුගේ පියා ජෝර්ජ් රථය පදවා ගෙන වගාව වෙත ගියා. ජෝර්ජ් රථය නවතා වගාව හොඳින් නිරීක්ෂණය කළා. මුළු වගාවේම කිසිම සීනි බීට් අලයක් තිබුණේ නැහැ. එවිට ඔහුට ජස්පර් රෝල්ෆ් පැවසූ වදන් වල තේරුම අවබෝධ වුණා, මේ තමා ඒවායේ අවවසානය, ජෝර්ජ් මාමේ!’

“ජෝර්ජ් කරත්තයෙන් බැස, ඔහු ඉතා ආදරය කළ දුඹුරු පැහැති පොළොවෙන් පස් පිඩක් දෑතට ගත්තා. එවිට...... බීට් උඩු කොටසක් ඇස් අදහා ගත නොහැකි වූවා සේ, ඔහුගේ මහන්සියේ සංකේතය වූ බීට් උඩු කොටස් දෙස බලා සිටියා.

“ඉන්පසු ඔහු ගොඩගසා තිබූ බීට් උඩු කොටස් මත වාඩි වූවා. තමන් දැඩි ලෙස ආදරය කළ හතර දෙනෙකුගේ දේහයන් භූමදානයන් සඳහා, දින හයක් තුල, නිවසට ගෙන ආ මෙම මිනිසා, මීනි පෙට්ටි සාදා, මීනි වලවල් හාරා, භූමදාන ඇදුම් සඳහා පවා උදව් වූ, කිසිම විටක නොපැකිලිව වේදනාවෙන් නොපසුබටව ඉතා සෝචනීය වූ මෙම දුෂ්කර අවස්ථාවනට මුහුණ දුන් මෙම අරුම පුදුම මිනිසා, කුඩා දරුවෙකු මෙන් ගොඩගැසූ බීට්උඩු කොටස් මත වාඩිවී, ඉකිගසා හඬන්නට වූවා.

“ඉන්පසු ඔහු නැගිට කඳුළු පිසදමා......අහස දෙසට නෙත් යොමා: ‘ස්තූතියි, පියාණෙනි, අපගෙ කොට්ඨාශයේ සිටිනා වැඩිහිටියන් වෙනුවෙන්”’ ලෙස පැවසුවා.⁶

ඔව්, පූජකවරයෙහි සිටින මිනිසුන් වෙනුවෙන් සහ තවදුරටත් ගොඩනැගීමෙහිලා, පුද්ගලයින්ට සහ පවුල් වලට ඔවුන් කරන්නාවු ගොඩනැංවීම වෙනුවෙන් දෙවියන්වහන්සේට ස්තුති වේවා.