“Padahk Kan en Ahi Rongamwahuo”
(Doctrine and Covenants 42:12)
Padahk pwung en rongamwahuo kin pahsonda pohn kaweid en doadoahngki saledek en pilipil nan mour wet.
Nan kapokon lap en Mwomwohdiso en Sises Krais en Souleng en Imwin Rahn-akan ni Oakotope 1849, Elder John Taylor sang Pwihn en Wahnpoaron Ehk-riemenko alehdi malipilip pwehn ritingada wehin France ong kalohkpen rongamwahu en Sises Krais. Ah tungoal pwukoah me iangahki tetehk sapalih keiou en audepen mwomwohdiso nan sahpwo. Elder Taylor kounopadahr oh kanekelahr article ehu nan pahr 1851 me kasalehda peidek kan me pid duwen Mwomwohdiso. Ni imwilahn doaropwehu, Elder Taylor koasoaiada ehu ire me pidada:
Sounpar kei mwowe, nan Nauvoo, ohl emen iang ai koarongorong, emen towe en legislature, kalalapak rehn Sohsep Smith ia mwomwen eh kak apwalih dir en aramas, oh kak en wia koasondi mwahu; pwe ni ansouo e udahn pil apwal ong irail en wia soahngo nan wasa teikan. Mr. Smith kaparengki me udahn e mengei en wia. ‘Iamwomwe?’ ohlo idek; ‘e udahn apwal ong kiht.’ Mr. Smith sapengki, ‘I padahkiohng irahil duwen kosonned kan me pwung, oh irahil ale oh kapwaiada.’”1
I kapakap pwe Ngehn Sarawi pahn kaweid oh kapwungala emenemen kitahil ni ei pahn kasalehda duwen kesempwal en padahk pwung kan en kopwurupwurdohn rongamwahu en Sises Krais.
Padahk Pwung kan
Kouno ketin kasaleiong Soukohp Sohsep Smith me “elder kan, prihsd kan oh sounpadahk kan en mwomwohdiso wet anahne padahngki padahk pwung kan , me kin mih nan Pwuhk sarawi oh Pwuhk en Mormon, iei me wia unsek en rongamwahu.”2 E pil kasalehda me Souleng en Imwin Rahn-akan “anahne pil kasikuhlki laud mehlel madamadau, padahk kan me pwung, koasondihn rongamwahu, soang koaros me audepen wehin Koht, me konehng ken esehla.”3
Ni oralap, padahk en rongamwanu ehu kin pahsonda pohn kaweid en doadoangki saladek en pilipil en nan mour wet. Koasondi kan alahldi sang palilaud en rongamwahu mehlel oh wia mehn kaweid oh kosonned ni atail pahn seilok wei nan ahl en inouo.
Ni karasaras, keieun irehn pwoson silu kan en Irehn Pwoson kan kasalehda pwoason en rongamwahu en Sises Krais me pwung: iamwomwen Kohtsam nan keiou en iren pwoson akan, sansaldah kan sang Pwupwilahn Adam oh Eve nan keriau en iren pwoson akan, oh kapai kan me kin wiawi sang ni Tomw pen Sises Krais nan kesilu en iren pwoson akan.4 Oh pil kapaiou en iren pwoson akan me wia keiou en koasondi kan—kaweid kan me kin kalaudehla pwoson Sises Krais oh koluhla—oh tepin tiahk sarawi kan en prihsduhd kamengeida Tomw pen Sises Krais ohng atail mour.5
Masen en Eripit iei ehu karasaras en padahk pwung kan me wia mehn kaweid. Menlau tehk kaweid pwukat nan iralahud 89 en nan Doctrine and Covenants.
“E wia tepin padahk me iangahki inou, me koasoandi en pahrekohng kak apwalih koahiek en me luwet oh me keieun luwet rehn souleng kan.
“Kauno mahsanihong souleng kan me, pwehki suwed akan oh pilahn suwed akan me mie ansou wet oh me pahn miehda nan mohngiong en aramas me ahniki koasoandi suwed akan nan imwin rahn akan, E … ketin doareikitail sang ni ketkihong kitail mahsen en eripit wet sang ni kaudiahl”6
Kaweid me pateng eh kaparek kasalehda kaweid kan me konehng paliwar oh pali ngehn oh iangahki kapai kan me pahn pwarada ni atail pahn doulahte oh pwoson sapwelime padahk kan.
Kasikuhlki, wewehkila, oh momourki kosoned kan en rongamwahu kin kalaudehla atahil pwoson Sounkomouro, kalaudehla atahil ehu ohng Ih, oh kin wahdo kapai tohto oh kisakis en ngehn sarawi kan nan atahil mour. Kosoned en momourki me pwung kin sewese kitail en kak deh kilikilangte pein atail koaiek oh anahn kan sang ni kesempwaliki mehkan me pwung ni atail pahn kin teneki soang teikan, kapwal teikan, pilipil kan, oh momour en sampah.
Karasaras kan Duwen Padahngki Koasondi Pwung kan
Ire me Soukohp Sohsep Smith kasalehda me pid padahngki Koasondi pwung kan iei ehu kaweid kaselel. Oh kitail diar karasaras kelahil kan duehte me e ketin padahngki ohng irahil me ale mweimwei en wiahla sapwelime tohn papah.
Padahk pen Sohte Kedirapwa
Presiden Dallin H. Oaks padahker nan kapokon lap en pahr 1998 duen pwukoahn irahil me ahniki Prihsduhd en Aaron me rasong kapaiada kamadipw sarawi. E karasaiong kosoned en limpoak wet oh kawewehda me mehmem me ahniki Prihstuhd en Aaron sohte pahn pereniki ehu soangen mehkot likin eh pahn kin ehu ehng towe kan en Mwomwohdiso ni ah pahn kin kapakap oh kalipwelipwa inou kan. Presiden Oaks pil kasalehda duen kosoned en soanamwahu, mwakelekel, wahu, loaloapwoat.
Pwehn wia mehn kaperen, Presiden Oaks sohte kasalehda dahme me pwulopwul kan kak oh sohte kak wia. Ahpw, e kawewehda kosoned wet sang ni a kasik me irahil me pwulopwwul kan oh arail peneinei oh sounpadahk kan en kak oh pahn kin doadoahngki arail pilipil oh pepehm en idawehn kaweido.
E masanih, “I sohte pahn pilada koasondi kan, pwehki ehu ward oh branch kan kin wekpeseng nan Mwomwohdiso teikan me karehda ekei kosoned kin sohte parekiohng nan ehu wasa. E mwahu, ma i pahn pilada kosoned me pidada padahk me pwung kan. Ma koaros pahn wewehki kosoned wet oh kapwaiada ni ehu pene, e pahn mie kosoned ahpw tikitik. Ma mie anahnepen kosoned kan de kaweid ohng emen aramas, irahil koun en wehi kan kak apwaliala, nin duen kaweid me padahk pwung kan oh kosoned kan doke.7
Kosoned en Rahn Sarawi ni mwomwen Kilel ehu
Kapokon lap en Epreil 2015, Presiden Russell M. Nelson padahkiong kitahil me “Rahn Sarawi wia rahn kaperen ehu.”8 E pil koasoaia duen e pil esehla duen kosoned en wahuniki Rahn Sarawi:
“Ia duen atail kak wahuniki Rahn Sarawi? Ni ei pwulopwul, I kin alasang ekei aramas me kin wiada neirail lis en dahme re kak wia oh Sohte kak wia nan Rahn Sarawi. Ehu ansouo me i esehda sang nan pwuhk sarawi me dahme I kin wia oh mwomwei nan Rahn Sarawi wia 3}{kilel54} ehu nan pwungen ngehi oh Sahm Nanleng. Ni ansou me i wehwekila, I sohla anahne wiahda nei lis en dahme i kak wia oh sohte kak wia. Ni ansou me i sohte kak medewehda dahme i kak wia nan Rahn Sarawi, I kin peidek rehi, ‘Dahme I song en kasaleiong Koht?’ Peidek wet kin sewese ei pilipil kan en kin wehwe mwahu nan Rahn Sarawi.9
En Presiden Nelson peidek mengei iou ahpw katapan kasalehda kosoned ehu me pasapengla en koaros me ahniki peikasal duen wahuniki Rahn Sarawi. E peideko oarepene kaweid oh koasondi me kak kapaiada kitail mour sohte lipilipil.
Kosoned en Karkarahk oh Mweideng Koht
Sounpwung wenou samwalahr nan kapokon lap, Presiden Nelson koasoaia duen e mour mwahu sang ni e madamadu ong wewehn lepin lokaia Israel. E padahkiong kiht me e mour pwuriamwei ni ah esehda wewehn lepin lokaia Israel me wewehki aramas emen me inengieng en mweideng Koht en doadoangki ah mour.10 Presiden Nelson eri doula oh kaweweda ekei ire kesempwal me kak alahldi sang e madamadau.
Sapwelime kaweid iei mweidehng Koht en ketin kasalehda me wia karasaras kapwuriamwei duwen padahngki kosoned kan me pwung pwehn sewese atail mour. Oh pwehki e apwtehn pakairki duen wahuniki rahn sarawi wia mehkot kaperen, Presiden Nelson kasalehda kosoned me pid peidek kan me wia kaweid oh koasondi ohng kitail.
A kumwail inengieng en mweidohng kupwuren Koht en pweida nan amwail mour? A kumwail inengiengehr en mweidong Koht en wia soun kaweid keieu kesempwal nan amwail mour?
E pil ketin doula:
Song medewe ia mwomwen soangen inengieng ah pahn kapai kumwailda. Ma kumwail sohte pwopwoud oh raparapahki amwail pwoud soutuk, nsenamwail en wia amwail soun kaweid “Isrehl” pahn sowesei kumwail en pilada ihs me kumwail pahn mwemweihtih oh ia pahn
Ma kumwail pwoudki emen me kawelahr ah inou sarawih kan, amwail ineng en mweidohng kupwuren Koht en wia amwail pilipil keieu kesempwal nan amwail mour pahn mweidada amwail inou sarawih kan rehn Koht pahn tengedi. Sounkomouro pahn koaloalamwahuihala amwail mohngiong ohla kan. Nanleng pahn ritida ni amwail pahn rapahki en ese mwomwen amwail pahn kokohla mwowe. Kumwail sohte anahne en mihmih seli de wie madamadau.
Ma kumwail ahniki iren kalelapak kan duwen rongamwahuo de Mwomwohdiso, ni amwail pahn mweidohng kupwuren Koht en kaun kumwailda, E pahn ketin kahlwai kumwail en diar oh wewehki me keieu pwung, mehlel unsek me pahn kaweid amwail mour oh sowesei kumwail mihmih teng pohn ahl en inouo.
Ni ansou me kumwail pahn kin lelohng kasongosong—itarete ma kasongosongo leledohng kumwail ansou me kumwail ahniki pwunod de wie kelekelehpw, de ahniki sawehwe—na medewe ia wen idamah me kumwail kak ahniki ni amwail pahn pilada en mweidohng kupwuren Koht en kaunda amwail mour oh ni amwail pahn ngidingidki amwail peksawas Reh en kakehlailih kumwail.
Ni ansou me kumwail inengieng keieu laud en mweidohng kupwuren Koht en kaun kumwailda, en wia kisehn Isrehl, eri pilipil tohto pahn mengeila. Songen kahpwal tohto pahn sohla wia kahpwal kei! Kumwail ese ia wen mwahu kumwail en kapwataikumwailda. Kumwail ese dahme kumwail pahn kilang oh wadek, iawasa kumwail pahn mwemweihtih ie, oh ihs me kumwail pahn patehng. Kumwail ese dahme kumwail mwauki wia pwehn pweida. Kumwail ese songen aramas dah men me kumwail men wiahla.”11
Intingihdi wen tohtohn pilipil oh duen mour me ke esehla kak pil sewesehda kosoned me pid mweidehng Koht: mwemweit oh pwopwoud, rongamwahu oh salalapak kan, kasongosong, wewehkihla pein kowe, dahme ke kak wadek de kilang, iawasa ke kak wia insenomw, ihs me kak ehu ehng ohg soang kei me tohto. En President Nelson padahk kaselelo kasalehda kosoned tikitik me wia sawasepen ehu mour oh kak en utohrda.
“Mehn Kainene Tikitik”
Ni snou me Sosehp Smith sensel nan Imweteng en Liberty, e intingida kisin likou en kaweid ohng tohn Mwomwohdiso oh koun kan oh kataman ohng irail me “sohp lapala ehu kin mie katepe douluhl sang kisin mehn kaweid nan ansoun ilok laud, sang ni e kin sawas nan ansoun ilok oh kisinieng.12
“Helm” iei mehn kainenne de kawet oh kin katanga sohp ohng wasa me e pahn kohlaie. Oh kin iang kisinieng oh ilok kapir seli sohpo pwehn kak pahrek oh tang mwahu nan ilok laud.
Padahj kan en rongamwahuo iei ohng kita duehte mehn ilihl ohng sohp. Padahk pwung kak kareiong kitahil en diar oh kehlail, tengdiong, oh sohte kak mwokid pwe kitahil en dehr kesehla atail pahrek oh pwupwidiong nan rotorot en imwin rahn akan.
Kitail kapaida douluhl nan kapokon lap pwe kitail en esehla kaweid sohte imwi sang sapwelimen Kauno soun papah kan. Met, atail pwukoa iei en sewese kitail nin duen mehlel en irail me wiaier kadehde.13
Kadehde
Presiden Ezra Taft Benson padahngki, Mwurin sounpwong wenou, ahpw kapokon lap en [Liahona] konehng en parek ehng ohmw wiawia oh kin doadoahk nan ansou kan.14
Sang ni ei kehl unsek, I luke kitail koaros en esehla, mourki, oh pereniki kosoned kan me mehlel. Rongamwahu mehlel kelehpw kak wiaiong kitail “en pereniki wia mehkot sang ni manaman me kitail ahniki” pwehn doulate oh idawehn kosoned oh kilang kapwuriamwei en Koht, oh sapwelime doadoahk en sansalda.15
I ese me kaweid pwung oh kosoned en rongamwahu en Sises Krais iei kehl oh sawas ehu ohng atail mour oh peren soutuk en atahil mour. Oh ni Rahnsarawi en Ihster wet, I kadehde me atail Sounkomour ieiaso me wia pahson en me mehlel pwukat. I kadehdehki met ni mwahr sarawi en Kaun Sises Krais, amen.