Yesus Kristus e Ir Gelingin e Galibthir

Kam lemnag marunga’agen nike nomeg nib ga’ e Chitmangdad ni bay u tharmiy ni gubin e yay ni ke pii’ e bitir nga feyleng? Biney e pi fak nib pagael nge ppin nib ya’el. Bay gubin e ngongol rorad. Rayog ni ngar manged e gidii’ nib fel’ngin ku tin nib mangil, fla’ab nge thin riyul’. Nge nima yib nga feylang ya dakiyog ni nge ayuweg rad, ma kemus ni nge yor nifan e ayuw. Kam pagtalin e ganop rorad marunga’agen e ngiyal’ ni kar pared ngak’ Got, nge urngin e ganop marunga’agen ngorad nge mang rayog ni ngar manged. Nima fal’eg e ganop rorad marunga’agen yafos, t’uf, Got nge wo’en Rok’ u dakaen e pi’nen nira sap ngak e gidii’ u langab ngorad—ngan chuweg e galibthir, ni, u fthink e tin riyul’, ma guy rogon ni ngar nanged e pi’nen.

siasing/Llecheklel

Bitir nib bi’ech

Got ni ke pii’ e galibthir e “muruwel’ nib thothup ni ngar machathowol e bitir rorad udakaen e t’uf nge tin nib mat’aw, thingari pii’ ngorad e pi’nen ni bat’uf ko feylang nge tin ko ya’el, nge thingari fil’ed ngorad ni ngar … fol e motochiyl rok Got.”⁴

Binem e ganop ni ra gathey nag e mol rorad e galibthir nib fel’.

Milwol rog ngak gubin e pi galibthir ni ir:

En Somoel ba’adagmed.

Ni’ir bay romed.

Ni’ir ma sakiy ngalang chuchugur ngom.

Ni’ir e gelingem napan ni ma powi’iy e fakmed ni ngar mel’eg e mat’aw.

Mu thapeged e puf rogon nge ngongoliy u fithik e faluu’ nge falfalan’. Dabmu pii’ e man’aegfan ko tawa’ath nib gel ngak reb e bee’. Ufithik e rogon ko machib ku gospel nge yalen, gamaed be powi’iy e bitir ulan e pi’nen ko yafos. Ayuweg e pi fak nima fal’eg e mich u Yesus Kristus, t’uf e gospel Rok’ nge galasia Rok’, nge t’aer midlen nifan e yafas nira mel’eg e tin nib fel’. Riyul’, binir e wo’en rok’ Got nifan e pi galibthir.

Mo’oniyan’ ra cham ngomed, balyangan’ ngomed, ni ra guyrogon ni nge fek e athamgil ngomed.

Machane gubin e pi bitir kar thapeg fare Tomilang Rok’ Kristus roraed ni’ir e rogon ni ngar peth ngorad nga tharmiy. Nge Somoel nira ayuwegmed, powi’iy ngomed, nge pii’ athamgil ngomed Ngam Pir’eged e Ayuw Rok’. Meybil ngak’ Somoel nge fith!

siasing/Llecheklel

Fare Somoel i Yesus Kristus

Woed ni Yesus Kristus ir ma gelingin e gidii’ nib fal’yangren, Yesus Kristus ir gelingin ko pi galibthir.

Bochingyal’ gadad ma lemnag fa’anra reb e bee’ e kab fel’ ngodad ni nge powi’iy nge fil’ e bitir rodad. Ma demtrug rogon ni ngam thamiy, bay e pi’nen rom ni yigo’ ngom ni ra ayuwegem: ba adag bitir romed.

Murnguy roraed ngak’ e bitir ir thabi ga’ e gelngin u fithik’ e universe. Binir e ta’areb ko kemus buchuw e pi’nen ulan e feylang nira mang nib manechubog.

Sana, Gaba lemnag e tha’ rom ngak e fak ir gathi rib mangil. Ireray e ngiyal’ ni ra yib e gelngin Somoel. Irma golnag e m’ar, nge irma golnag e pi tha’. Irma ga’nag bo’or e pi flowa nge nig, nge rayog ni nge ga’nag e t’uf nge falfalaen’ ulan e na’un romed.

T’uf romad nifan e pi fakam nima fal’eg e tafen nib fel’ rogon nira fil e tin riyul’ nge gelnag e mich. Fal’eg e na’un romed e na’un ko meybil, fil, nge mich; e na’un nibay e pi’nen nib mangil, e tafen ko falfalaen’, nge na’un rok’ Got.“⁵ Nge “meybil gaed ngakʼ e en Chitamangiy u poloʼ i gelingin gumʼirchaʼmed, ni nge yog ni [ngam] sug gaed ko re adag [rok’], ni ke [piiʼ] nga dakean … e piʼin ni ma lek Fak, ni Yesus Kristus.”⁶

Reb e gelngim ni bay ngom, rok’ e galibthir, ir e rogon ni ngam ayuweg gubin e rran. Pi fagar, pi sensey, nge gidii’ ulan e internet ra yib nge yaen. Machane rayog ni ngam mang e dayif nib gel ulan e yafos rok’ e fakam.

Gara lemnag e ngongol rom ir bachigchig napan ni ngam ta’areb nag ko pi lamen nib ga’ e fakam ni ba rungan’ u feylang. Bochngiyal’ gara thamey dabmu rrin’ bo’or ba’nen. Machane thingari puguran ni “pinʼen nib achichig ni yibe rinʼ e ma gagyeg nag Somoel ni nge yib e tin nib gaʼfan riy.”⁷ Ta’areb e home evening, ta’areb e sabathin marunga’agen e gospel, fa ta’areb e susun nib mangil sana dabiyog ni nge thilyeg e yafos rok’ e fakam, woed ta bochingyang riy’ ko fare n’uw dabi ayuw fare woldug ni nge tugul. Machane napan ni ngam rin’ e pi’nen nib achig mab moem bo’or yay, rran ko rebo rran, nira fogloliy e fakam nib mangil ko e awe day buchuw e yay.⁸

Irerram e kanawo’ rok’ Somoel. Irma non ngom nge fakam ufithik’ e lamen nib sumunguy ni be kathkath, gathi ni nge non ni boed ga’angin ni lingan e dirra’.⁹ Dabke golnag Naaman udakaen e ”pi’nen nib ga’” machane udakaen e pi’nen nib moem, nike maluk bochi yay.¹⁰ Pi gidii’ ku Israel kar thapeged e mur ko quail ulan wuru’ e binaw, machane e pi’nen nike ayuweg rad ir e ma’ang’ang nib moem ko manna—fare flowa ni kar thapeged gubin e rran.¹¹

Pi walageg, flowa nib mangil nira taer madil nge pii’ ulan e na’un. Mich nge michaen’ ma ga’nag udakaen e rogon nib fel’, ta’areb e k’aad ko reb e k’aad, ulan e pi’nen nib achig mab moem, ufithik’ e wo’ ko yafos.¹²

Urnging e ngiyal’ irra rogon ni ngam fil. Gubin e thin nge ngongol romed ma powi’iy e mel’eg.¹³

Sana dabda guyed e angin nifan e ngongol romed. Machane dabmu tal’eg. “Urngin e ban’en thingari buch u ningyal’ roraed,” nike yoeg Somoel. “Ere dabi chalbadad i ngongliy e ngongol ni bfel’, bachane [gamad] ma fal’eged e dayif nifan e muruwel’ nib mangil.”¹⁴ Ba’ reb e muruwel’ nib ga’ napan ni ngam ayuweg e bitir rok’ Got nib fel’ ni ngar fil’ed mini’ rad nge gelnag e mich rorad ulan Yesus Kristus, gospel rok, nge galasia Rok fa danga? Yesus Kristus nira yibily nge ga’ nag med nifan e ngongol romed.

Reb e rogon Domoel nima pii ayuwen fapi galibthir ufithik’ thogthog ni yib rok’ Got. Got ba’adag ni nii’ pii’ Ya’el ni ge powi’iy e pi galibthir.

Napan ni ngam meybil nge thamey fare Ya’el, Ir ra chiylen ngomed e pi’nen nib kireb.¹⁵ Ir ra dag ngomed e ta’awath, gelngin nge magawon rorad e fakam.¹⁶ Got nira ayuwegmed guyed e fakam woed Ir ma guy ngorad—gathi kemus a ya’an nge ulan e gum’ircha’raed.¹⁷

Dakaen e ayuw rok’ Got, rangam fil’ed e rogon ni ngam nanged e fakam ulan e rogon nib machalbog nib thothup. Gube pinningmed ni ngam thapeg e ayuw rok’ Got ni nge powi’iy e tabinaw romed ufithik’ e thogthog ni yib rok’ Got. Pir’eg e wo’en rok’ ulan e meybil romed.¹⁸

Sana bin thabi ga’fan e ayuw rok’ Yesus Kristus nima pii’ e galibthir ir e “thil ko gum’ircha’med.”¹⁹ Ireray e ma’ang’ang gadad gubin ni bat’uf.

Buchuw e ngiyal’, mu lemnag marunga’agen biney: gamaed ra yaen nga miisa, ni ra motoyil e bee’ ma non marunga’agen e tabinaw. Fare tanon nira weliy marunga’agen e na’un nge tabinw nib machalbog. Figirngin nge le’engiy dabi tug thin. Bitir ma taleg ni ngar bi’eg fare pi babyor nib thothup napan thingari rrin’ e sikeng ko skool. Nge rayog ni ngam rungan fare tang ni “Love One Another”²⁰ ulan e na’un. Umon e tanon nira weliy marunga’agen e chongin u tabinw ni yad ba’adag ni ngar be’ech nag e kaloyses, gamed ra lemnag, “Dakiry e athap nifan e tabinaw rok.”

Pi walageg nib t’uf rog, gapas nagmed! Gubin reb e chongin ulan e mo’olung ney nima lemnag ta’abrogon e pi’ney! Tin riyul’ ney, urngin e galibthir nima lemnag ni yad ma dabi rib mangil.

Machane, bay e ayuw nib thothup nifan e galibthir: Ireray Yesus Kristus. Ir e dayif ko thilyeg nib gel u gumircha’en.

Napan ni ngam bing e gumircha’em ngak fare Somoel nge machib rok’, Irra dag nomed e mo’owar romed. Fa’anra ni ngam pagan’ u Yesus Kristus u fithik e gumircha’en nib sobut’aen’, Irra thilyeg e mo’owar romad e ra mang gelingmad.²¹ I’ir fare Got ko ma’ang’ang.

Ba yip’ fan gur nge tabinaw rom ba mang nib machalbog? Danga’. Machane gamad ra fel’ rogon. Udakaen e runguy rok Somoel, buchuw nge buchuw, rangam gelnag e fal’ngin nifan e galibthir: t’ufeg ngak Got nge bitir Rok, gumaen’, ba’adag ni ngam ayuweg, mich ni Kristus, nge athap nga laniyaen’ ni ngam rin’ e tin nib mataw.

Ngongol nira fal’eg e mich ngak Yesus Kristus nira buch ulan e na’un, nifan cha’. Nge fare Galasia nira ayuweg. Yug reb e pi babyor nib thothup nge fapi thin rok e pi profet, fare Galasia rok’ Somoel nima pii’ bo’or e ayuw nifan e galibthir nge bitir ni ra mel’eg e tin mat’aw:

siasing/Llecheklel

Fan ko Gelngin e Pi’in ni Fal’yangren: Babyoren e Powi’iy ko rogon ni ngan Me’eleg

• Fan ko Gelngin e Pi’in ni Fal’yangren: Babyoren e Powi’iy ko rogon ni ngan Me’eleg dabi pii’ ngodad bo’or e pi’nen thingari rrin’ed fa dabda rrin’ed. Irma fil marunga’agen e pi’nen nib riyul’ nira ayuwegdad mel’eged udakaen e yafos nge machib rok’ Yesus Kristus Mu be’ig ngak pi fakam. Mu pii’ e rogon rayog ni gay non ngom marunga’agen. Ayuwegrad ni ngar thapeged e pi’nen nib riyul’ nib thothup nira powi’iy e mel’eg rorad.²²

• Mo’olung ko FSY ir reb e ayuw nib mangil. Gube athap urngin e bee’ nib fel’yangren nira un’ed. Gube pinning e bee’ daworiy mabgol ni ngar un’ed e pi mo’olung ney ni ngar manged e pi sensey nge pi counselor. Gube pinning e galibthir ni ngam toyed u dakaen e tin rok’ e ya’el nib gel nira thapeg u mo’olung ko FSY.

• Bitir nge gidii’ nib fel’yangren ulan Fare Galasia ku Yesus Kristus ni fan ko gidii’en Got rok’ ko Tin Tomur e Rran bay e pi sensey, pi tiyugang’ nge pi tapowi’iy. Bo’or yay gara yib ulan e yafos rok e bee’ nib yangren ulan e ngiyal’ nib ga’fan ni ngam fal’eg nge ga’ nag e mich nge michaen. Bo’or i gimed e dawo’ ni ngam mabgol. Bochi gimed e dawo’ ni ngam fakew e bitir. Pigpig romed ngak e bitir rok’ Got ir thothup ulan e sap rok’ Got.²³

Pi fagar nib t’uf rog, pi walageg nib t’uf rog, ayuweg e bitir nira fal’eg e mich ir woed rogon ni ngam ayuweg e falooraas ni ra tugul. Dabiyog ni ngam teel nga dakaen’ e keenggin ni ngam ilal’ nag. Dabiyog ni ngam teel nib gel e tamael’ugun ni ngam papay nag ni nge bing. Nge dabiyog ni ngam pagtalin e falooraas nge lemnag irra tugul.

Pi’nen rayog nge thingari rin’ed nifan bin migid e pi bitir ir pii’ e buut’ nib fel’, nib chathowliy nibay e raen nib thothup. Bayaag e paan nge reb e pi’nen nira fek e yaal’ ko tharmey. Sunmiy e rogon nib fel’ nifan e tugul. Me tomur mu soen nge pii’ e rogon ngorad ere e bitir rayog ni ngar mel’eg, nge Got rayog ni nge rrin’ e ma’ang’ang. Pi’nen ni ra buch ra mang nib fel’ ya’an nge rib gel’ e falfalaen’ ko demtrug e pi’nen gamed rayog ni ngam fal’eg ni yigo’ gur.

Ulan e wo’en rok’ e Chitimangiy nu Tharmiy, tha’ ko tabinaw thingari mang nib manechubog. Ireray, e galibthir, dabmu tal’eg, dariyfan mang ke buch kafram.

Uned Yesus Kristus, fare Tagol ni Masta nge Tathapeg, rayog ni ngam tabab bayay; ni bay e athap.

Yesus Kristus ir gelingin ko tabinaw.

Yesus Kristus ir gelingin e gidii’ nib fal’yangren.

Yesus Kristus ir e gelingin ko galibthir.

Pin’ney e gube micheg u dakean fithngan Yesus Kristus, amen.