Tafney rog ni tafnaey nag marunga’agen Yesus Kristus
Napan nira yul’yul’ ni yib ko tafney rom ko Yesus Kristus, ma gube micheg nag ngom ni gathi kemus ni powi’ihy nibe yib u tharmiy machane fare gelngin nibe yib u tharmiy.
Ulan e ngiyal’ nib fel’ ya’an ko Easter, gube lemnag marunga’agen meybil ulan e hymn nib gel’, “Guide Us, O Thou Great Jehovah.”1
Bay e ya’at nib mangil ulan fare Babyor ku Mormon marunga’agen e pumo’on nib fel’ yangren ni fithingan Alma ni bay e tabinaw rok’ nib ga’ nge pi chepin nib thothup ma weliy ir e cha’ nib taliyoer ko liyos.2 Mab yo’or e sabaenbaen ni tay ngak’ fapi gidii’ ere bo’or e gidii’ ni wawliyraed ngar fol ngak. Rib balyangaen’, ke yib e angel ngak Alma nge pi fagar rok’. Alma nike aw nga but’ me m’ay gelingin mar feked ya dakiyog ni nge fek ir nga na’un rok’ e chitimangen. Ke fas boed biney nifan dalip e rran.3 Tomuren, nike weliy napan nike balyangan’, e tafney nike muruwel’ nib mangil nge ya’el rok’ e kari kirbaen’, ke lemnag marunga’agen e yafos rok’ ni dar fol ko fapi motochiyel rok’ Got. Nike weliy e tafney ke “magaf an’ug ko pi denen [rok’] nib yo’or ni gube lemnag”4 nge “pir’eg e gafgow ni amith ni gubinfen.”5
Ufithik e gafgow rok’, ke puguran e machib ni marunga’agen “fare wub rok’ Yesus Kristus, ni Fak Got, ni nge bayul nag e gidii’ nu fayleng ko pi denen roraed.”6 Tomur nike yoeg e thin ney ba pii’ e ganop: “Nap’an ni yib ko tafnaey rog e biney e lem, mug yoer nag i yoeg u lan gum’ircha’eg: O Yesus, ni gur Fak Got, murnguyeg.”7 Napan nike wenig nag nifan e gelngin nib thothup rok’ Somoel, e pi’nen nib thabi’ ga’ ke buch: “Nap’an nug lemnag e renn’ey, ma daki yib ngan’ug e pi amith ni bay rog.”8 Rib papay ke thamey e gapas nge tamilang. “Dakuriy ban’en ni arfini fel’ mab athibthib ni woed e falfalaen’ nug tay,”9 ke yoeg.
Alma, ni “tafney nag” marunga’agen Yesus Kristus nib riyul’. Fa’an ni ngad weliy e thin ni “tafney nag” rogon, sana gadad be yoeg, “ke koel e baley i wasey napan ni ke aw,” me ba yip’ fan ni ke yin’ e pa’ nge keol nib gel ngak e ba’nen nib dayif nib miyuluy.
Ulan e Alma, iraray e tafney rok’ ni miyluy nag e biney nib riyul’ ni mornga’agen e maligach ni tay Yesus Kristus Rrin’ ko rogon e biney e mich ko biney nib riyul’, nge dakean fare gelngin nge murnguy rok’ Got, min ayuweg ko fapi gafgow min suguy ko athap.
Sana e pi’nen nima buch nogdad ni dabi mang nib ga’ woed nike buch ngak Alma, yad ma ta’abrogon ba ga’ fan. Tafney rodad ni kar “koel e tafnaey rog e biney e lem” marunga’agen Yesus Kristus nge maligach Rok’ nib wureng, nge ya’el rodad kar thamey e tamilang nge falfalaen’ nima yib.
Thapeged e Tafnaey ko Yesus Kristus.
Meybil rog ko biney e Easter ney ni gadad ra guyed rogon ni ngad fal’eg, gelnag, nge miyluy nag e tafney rodaed ngak Yesus Kristus ulan gum’ircha’endaed,10 ni pii’ matawon nge yib ko tafeny rodaed, ni ma powi’iydad e pi’nen ni ngad lemnag nge rin’ed, nge fekdad e falfalaen’ ko t’ufen fare Somoel.11
Suguy e tafney rodaed ko gelngin Yesus Kristus e dar yifap nikemus ni’ir e ngaed tafney niged. Machane be yipfa ni gubin e tafney rodaed ma nge liyeg fare t’ufeg rok’, yafos rok’ nge fapi machib rok’, nge fare bayul nitay nge fare foskoyam’. Ma arram ni dabi par Yesus ko tobthung ko man’aey rom, ni bachan e gubin ngiyal’ma bay ko tafney rodaed nge “gubin pi’nen rodad [ni ba’adag] En!”12 Ma gadaed meybil ma gadaed be sul u dakean ulan e tafney rodaed e pi n’en nibe buch rodaed nike wawliydaed ngad chuchugurgaed ngak. Ma gadaed pag nge yib e tafney nib fel’ ngalan e man’aey rodaed, fapi chep nib thothup, nge fapi tang ko galasia ni nge munguy nag e tafney rodaed ko ngiyal’ e tin ni gadaed be rrin’. T’ufeg rodaed ngak e darma subthiy fapi kirbaen’ ko biney e yafos, machane be ayuwegdaed nibe pii’ gelngindaed .
Yesus, napan ni gura tafney nigem
Me sug lan gum’ircha’eg ko t’ufeg;
Machane ba t’uf nib palog u powchem
Ma lan gul’il’ungum e rayag ni gura tofan riy.13
Mu pugurangad, gur e pi faak e Chitamangiy nu Tharmiy. Woed nike weliy fare Apostle Paul, gadad e “fapi fak Got.”14 Kam fasgad nibay gur umon ni kam yib nga feylang. Chitamangiy e ke sunmiy wo’en e gonop ni reb fel’ ni ngaed bad nga fayleng, fil, min sul ngak. Ke pii’ Fak nib T’uf rok’ ni dakean fare Bayul rok’ ni dariy bi’id memus nge fare foskoyam’, ma arram ni rayag ni ngad fos gaed ko tomuren nikan yim’; ma fa’anra gadaedra gay rogon e mich ngak min kalngan’ ko pi denen rodaed,15 ma arram nira n’agfan e denen rodaed ma gadaed thapeg e yafos ni manechubog.16
Pii’ Bo’or e Ayuw ko Tafnaey nge Ya’el Rodad
Napan e biney e yafos, tafney rodaed nge ya’al rodaed e rib tu’uf ni nge motoyil nirib fal’ rogon.17 Ya’el rodad me pii’ e rogon rodad ni ngad fasgad, mel’eged, nge nanged e pi’nen nib mangil nge kireb.18 Ya’el rodad ma thapeg e m’ag ni Got ir e Chitimandad, ni Yesus Kristus ir fare Fak Got, nge pi machib Rorow nima powi’iy nagdad ko falfalaen’ ura’ nge yafos ni manechubog tomuren e kahol ko yam’.
Tafney rok’ Alma ni ke koel e tafnaey ney marunga’agen Yesus Kristus. Ke thilyeg e yafos rok’. Ngiyal’ ko general conference ma pii’ ngodad e rogon ni ngad nang fan tin Somoel e ra adag ni ngad rrin’ed nge manged. Ir e ngiyal’ ni ngad lemnag marunga’agen e mon’og rodad. Pigpig rog nike fek nigeg ulangab e feylang, kugu’ e gelnag e gelngin ko ya’el ngak e pi’in nib mat’aw, pi chongin nib mangil rok’ e Galasia.
Lal’ e duw faram, kad thapeged e fonow ni ngad tayed e Somoel ulan e gubin e pi’nen ni ngad rin’ed napan ni ngad yoeged e fithingan nib riyul’ ko fare Galasia ku Yesus Kristus ni fan ko gidii’en Got rok’ ko Tin Tomur e Rran.19 Gadad ma yoeg e Fithingan ni bo’or.
Aningeg e duw faram, napan kad bachigchig nag e ngiyal’ u mo’olung ko sakrament, kad ga’nag e lemnag nifan a thapeg ko sakramentrok’ Somoel. Gadad ma lemnag nib bo’or marunga’agen Yesus Kristus nge be ga’nag e micheg rodad ni ngadgubin e ngiyal’ me yib uran ngodaed.20
Napan kad chuwdad ngodad bachane e m’ar ko feylang nge bay e ayuw ko Moy, Mu Lakeg, e machib rok’ Yesus nike mang nib ga’ ulan e na’un rodad, niba ayuweg e liyor rodad ngak e Tathapegdad ufithik’ e wiik.
Napan gadad be fol e machib rok’ President Russell M. Nelson ni ngad “motoyil Ngak,”21 gadad be ga’nag e rogon rodad ni ngad nanged e kathkath rok fare Kan ni Thothup nge sapgad e ayuw rok’ Somoel ulan e yafos rodad.
Bachane e weliy nge mu’ i dumow temple ni bo’or, gadad ma dared nga pi na’un rok’ Somoel bo’or e yay nge thapeged e pi’ tawa’ath Rok’ ni ke michmicheg. Gadad ba thameyed nib gel e fel’ ya’an rok’ Tathapeg nge Tabiyul rodaed.
President Nelson ke yoeg: “Dariy’ e pi’nen nib moem napan ni ngam mang nib gel [e] [gachalpen]. Thingar ningad sapgaed ni gubin yal’ nga Tathapeg nge gospel Rok. Nib moem’aw ningad sapgaed Ngak nap’an urngin e laem.”22
Napan ni ngad gelnag e lem rodad ngak Yesus Kristus, gubin pi’nen ulangab dad—ni bay ngodad—gadad ma sap ngak’ ufithik’ e t’ufdad ni fan Ngak’. Pi’nen ni dabi t’uf nib gel ra thaang, nge gadad ra paag e pi’nen de fekdad e tamilang nge papngin Rok’. Napan gamed ma koel e tafnaey romed e biney e lem ku Yesus Kristus, pagaen’ romaed ngak’, nge fol e pi’ motochiyl Rok’, gathi kemus ni yira powi’iyem riy u tharmiy nge gelngin ku tharmiy—gelngin ney nima gelnag e pi micheg romed, gapas nifan e magawon romed, nge falfalaen’ ko pi tawa’ath romed.
Puguran ni Yesus Kristus
Bochi wi’ik kafram, Kathy nge gag kug warow nga na’un rorow Matt nge Sarah Johnson. Ulan e na’un rorow bay e sasing ko e tabinaw rorow, e sasing ni rib fel’ ko fare Tathapeg, nge sasing ko fare temple.
Aningeg e pi fak nib ppin rorow, Maddy, Ruby, Clair, nge June, kar weliy ufithik’ e falfalaen’ marunga’agen e t’uf rodad ngak e chitiningin rorad.
Ufithik e duw kafram Sarah nike fal’eg e mo’olung urngin e Sabado ere e tabinaw rayog ni ngar ranow nga temple uta’abong nge fapi ppin rok’ rayog ni nge rrin’ e tawfe nifan e chongin rorad ni kar fasgad kafram.
Fa binem e November kafram, Sarah nike fal’eg e mo’olung ko bin tomur e wi’ik u December u Thrusday nge gathi Sabado. “Gube athap binem ir mangil,” nike yog ngak Matt.
Sarah nike fek e m’ar ko cancer, machane pi toogtaa ke lemnag ir ra fas ko l’agruw fa dalip e duw. Napan e mo’olung ko Sakrament, Sarah nike pii’ e mich nib gel rok’, nike yog dariy’ fan mang ra buch ngak, bay e t’uf ngak’ fare Somoel ko gubin e gum’ircha’en nge “nike gelnag”. Napan ke chuw December, e m’ar rok’ Sarah nike ga’ nag, nge thingari yaen nga ‘aspiitaal. U kaadabul u Thrusday, December 29, nike yim’. Matt nike paer ngak Sarah ufithik’ e neap.
Bay e kirbaen’ ko gum’ircha’en, nge ke magof ko dowen nge tafney, nike sul nga tabinaw, me yoer uta’abong ko pi kak nib ppin. Matt nike sap e phone rok’, nge nike guy e mo’olung u Thursday u temple Sarah nike fal’eg nifan e rran nem. Matt keyog, “Napan ni kuguy biney, kug lemnag, Binem e dabi muruwel’.”
Machane e tafney rok’ Matt nike thapeg e biney: “Ma fas fare Somoel. Dariy’ reb e tafen gadad ba’adag ni ngad pared ko tabinaw machane ulan e na’un Rok’ nib thothup.”
Matt, Maddy, Ruby, Claire, and June kar yib nga temple nifan e mo’olung Sarah ni ke fal’eg nifan ngorad. Bay e map’ e lu’ u oewchraed nib yo’or, Matt ni ke rrin’ e pi tawfe ma yow e fak nib ppin. Kar thameyed nib ga’ e t’uf nge m’ag rorad ngak Sarah, nge kar thameyed nib ga’ e t’uf nge gapas ku fare Tathapeg. Matt nike weliy, “Gube thamey e kirbaen’ nib gel nge gafgow, gube tolul ko falfalaen’, bachane guma nang e wo’en e thap nib mangil rok’ e Chitimag.”
Ulan e ngiyal’ ko Easter ney, gube pii’ e m’ag rog marunga’agen e pi’nen nib riyul’ ko e bayul ni maligach rok’ Somoel nge Foskoyam’ nib machalbog Rok’. Napan e tafnaey romed ma koel nib gel nga dakaen e tafnaey ko Yesus Kristus, nge napan ni ngam lemnag marunga’agen ni polo’ fare Tathapeg, gube micheg ngomed ni ngam thameyed e athap Rok’, gapas Rok’, nge t’ufeg Rok’. U dakean fithngan Yesus Kristus, amen.