Weteaia taan kairiiri aika boou, tuua a katanoataaki

Te kanakobwana e a tia ni kanakoi rongorongon te maungatabu ni kabuta nakoia kaain te Ekaretia aika moan te mwaiti, Beretitenti Gordon B. Hinckley e katanoatai bitaki n tuua, ao kaain te Ekaretia a kamatoaia kaain te beretitentii ni kabuta ibukiia Kairake n Ataeinnaine, tabeman Mataniwi ni Kabuta aika boou, ao kaain te Beretitentii n te Itingaun aika boou ao te Beretitentii n te Reirei n Tabati.

Te ka-172 ni Maungatabu ni Kabuta n te Nuka n ririki bon te moa ni maungatabu are a tibwa karaoaki iai te kanako bwana nakon aaba tabeua i Aatia, Aotiteria, Eurobe Mainuku, ao te Betebeke Maiaki. E raka nakon 5,000 auti n taromauri ake a karaoaki iai bwaai ake a na kona iai ni rawei ma ni kanakoi iai ana kanakobwa te Ekaretia, n anganiia kaain te Ekaretia aika e nakon 90 te katebubua aia tai n ongora nakon te kanakobwana ibukin te maungatabu ni kabuta n te tiataraite. I rakin aei, a kanakoaki kanoan botaki n te Intanete.

N te maungatabu are e karaoaki n Okitobwa 2002, e kamatoaaki iai kaain te beretitentii aika boou n aia Botaki Kairake n Ataeinnaine. Te Tari te Aine ae Susan W. Tanner e weteaki bwa e na riki bwa te beretitenti ni kabuta ibukin Aia Bootaki Ataeinnaine. Te Tari te Aine ae Julie B. Beck e weteaki bwa te moan kaauntira, ao te Tari te Aine ae Elaine S. Dalton e weteaki bwa te kauoman ni kauntira.

E kamotirawaaki man te beretitentii ni kabuta n Aia Botaki Aine bon te Tari te aine ae Margaret D. Nadauld ao ana kauntira, aika te Tari te Aine ae Carol B. Thomas ao te Tari te Aine ae Sharon G. Larsen.

Niman Mataniwi ni Kabuta aika weteaki nakon te Kauoua ni Kooram n te Itingaun: Unimwaane Craig C. Christensen, Unimwaane James M. Dunn, Unimwaane Daryl H. Garn, Unimwaane D. Rex Gerratt, and Unimwaane Spencer V. Jones.

A kamotirawaaki man kaainakin te Kauoua ni Kooram n te Itingaun te Unimwaane ae Richard D. Allred, te Unimwaane Athos M. Amorim, te Unimwaane ae L. Edward Brown, te Unimwaane ae Earl M. Monson, ao te Unimwaane ae Jerald L. Taylor.

A kamotirawaaki naba 21 Mataniwin te Itingaun n te Aono. Mai buakoia te koraki ake a kamotirawaaki, 11 a mwakuri n te United States ao tabeman a mwakuri i Argentina, Aotiteria, Bolivia, Brazil, Engiran, Tiaman, Tiabaan, Korea, Peru, ao Uruguay.

Te Unimwaane ae Dieter F. Uchtdorf e kamatoaaki n te kateibai bwa kaain te Beretitentii n te Itingaun, ao te Unimwaane ae Val R. Christensen e kamatoaaki bwa te kauoman ni kauntira n te beretitentii ni kabuta n te Reirei n Tabati. Ao te Unimwaane ae Ben B. Banks man te Itingaun e anganaki karineana n Mataniwi ni Kabuta ao e kamotirawaaki man te Beretitentii n te Itingaun, ao te Unimwaane ae Richard J. Maynes e kamotirawaaki man nakoana ae te kauoman ni kauntira n te beretitentii ni kabuta n te Reirei n Tabati ni kakorobukin katabeana ake tabeua.

N tain aia botaki kaain te nakoanibonga, ao Beretitenti Hinckley e katanoatai bitaki tabeua man tuua ma ni katuruturua te tua ae kabonganaaki ngkai. E nooraki rawawatan te uota are a uotia mataniwiin te nakoanibonga, e katanoata naba Beretitenti Hinckley bwa ni moa man 1 Nobembwa 1 Nobembwa 2002, bwa beeba ni kariaia nakon tembora bane taia inanon uoua te ririki ma ai tiaki teuana, ni kakerikaakan mwaitin te ni maroro ma taani kairiiri.

E katanoata bwa bootaki ni karaure ma mitinare e na tianaki mwaitina n tain te taetae ni kawai ni bootakin te toa.mairouia mitinare ake a nang nako ao bwa kaain te utu a na aki iria ke ni bairean te botaki. E kauringia kaain te Ekaretia Beretitenti Hinckley bwa neweabaan auti e na aki kaungaaki.

Beretitenti Hinckley e tuangia naba taan kairiiri n te botanaomata bwa a na karineai bwaai ake a tangiri kaain te Ekaretia ni kan karaoi bootaki n utu n te tairiki ma ni katuka tairikin te Moanibonga n aki katabeaki ni mwakuri ni kakukurei ke mwakuri riki tabeua. E taetae naba n eekanako te tarau, ao karaoan ae buakaka nakoia ataei.