Ua Fanau Mai Le Faaola

I lenei taimi matagofie o le tausaga, tatou te manatua ai le savali faaagelu na tuuina atu i leoleo mamoe lotomaualalalo anamuā:

“Aua tou te matatau: aua faauta, ou te au mai ia te outou le tala lelei e olioli tele i le nuu uma.

“Aua o le aso nei ua fanau ai i le aai a Tavita, lo outou Faaola, o le Alii ia o Keriso.

“O le faailoga lenei ia te outou, e iloa e outou le tama meamea ua aui i le ie, o loo taoto i le fale povi.

“Ona faafuasei lea ona faatasi mai ma le agelu o au mai le lagi e toatele, ua vivii i le Atua, ua faapea ane,

“O le viiga i le Atua i mea aupitoaluga; ma le manuia i le lalolagi; o le finagalo alofa i tagata” (Luka 2:10–14).

O le savali e uiga i le fanau mai o Iesu Keriso ua tatou maua ai le malamalama i mea e tatau ona tatou faia ina ia tatou toe foi atu ai e ola faatasi ma lo tatou Tama Faalelagi. A o tatou tausia poloaiga ma avea atili e pei o lo tatou Faaola, o le a tatou maua le filemu i o tatou loto ma le olioli i o tatou olaga.

Matou te molimau atu o Iesu Keriso o Ia o lo tatou Faaola ma le Togiola. A o tatou mulimuli i Lana faataitaiga o le usiusitai ma le auauna atu i isi, e faamanuiaina ai o tatou lava olaga i le fiafia ma le filemu.