FESOOTAIGA MA OU MATUA

SAUNIA E LE TAUTUA A LE AAG MO AIGA

E mafai ona fesoasoani nei motugaafa e te maua ai ni fesootaiga lelei ma ou matua ma isi.

Ia nofouta mo avanoa e talanoa ai. O nisi taimi e tulai mai avanoa mo fesootaiga lelei i le taimi e te le o mafaufau ai lava i ai.
Faalogologo ma le loto naunau. Taumafai ia malamalama i le mafuaaga ma le faamoemoega o mea o loo fai atu ai ou matua.
Faaali atu lou naunau. O se tagata faalogo e gauai atu, e fesoasoani lea e lagona ai e isi ua saogalemu lelei e faasoa atu ai o latou lagona.
Ia aotele mai lea taimi i lea taimi mea e te faalogoina. E faaalia ai o loo e faalogologo ma le faamaoni i mea o loo fai atu ai ou matua.
Fai ni fesili. E mafai ona fesoasoani fesili ia te oe ma ou matua e iloa ai o loo outou malamalama lelei i mea o talanoa ai.
Ia manatua o tagata foi ou matua. E i ai o la’ua lagona, ma e mananao foi i la’ua ia latalata atu ia te oe.

A outou faataita’ia ma ou matua ia tomai lelei o fesootaiga, e mafai ona outou maua se sootaga vavalalata e faamanuiaina ai outou uma.