IA OU OLA I SE OLAGA E FAAILOA ATU AI NA AOAOGA

Kimba Kabangu, Malo Temokarasi o Congo

Sa ou i le tausaga lima o a’u suesuega o le mataupu o “Faatufugaga Lautele” lea sa ou maua ai se lesona e faatatau i le taua o se faataitaiga. O taimi uma e ulu mai ai le faiaoga i le potu aoga, e na te maua ai sona ata—e tusia e nisi o la’u vasega—i luga o le laupapa. Ma o taimi uma lava e fai mai ai le polofesa ia tape ese le ata. E ui o lea, e na te lei fai mai lava se mea e tasi e faatatau i ai.

Sa matua faagaeetia lava a’u i uiga tauagafau ma le faautauta o le matou polofesa, ma sa ou fia iloa po o le a le Ekalesia e auai. Na ou maua ane o ia o se tasi O Le Ekalesia a Iesu Keriso o le Au Paia o Aso e Gata Ai.

Na tonu ia te au o le a ou talia lesona a faifeautalai, ma sa ou papatiso i le aso 10 o Setema, 2000. O le alii na tuuina mai ia te au se faataitaiga e ala i le auala o loo ola ai, na avea ma peresitene o la’u paranesi.

Ou te tautino atu o Iesu o lo tatou faataitaiga autu. O le faataitai ia te Ia o se taiala mo tatou, o le Au Paia o aso e Gata Ai ia ola i ni olaga lelei. Ona mafai foi lea e tatou ona aoao atu e ala i faataitaiga.