SAGISAGI ATU I LE TOETU

Ina ua toe foi atu si ou toalua pele i lo tatou Tama Faalelagi, sa alagatatau i lo matou aiga ona sailia se nofoaga talafeagai i lona tuugamau mo ia. I le faia ai o lea mea, sa ou fetaiai ma ni luitau ona sa ou manao i le faaupuga nofoaga malolo e tusia i luga o le maafaamanatu. O lena faaupuga e lei faamalieina ai aiaiga o le pulega o le fanuatanu.

Ma sa mulimuli mai ai ni tauiviga faigata. Sa oo ina fesiligia e le faifeau o le ekalesia e ona le fanuatanu le faaupuga. Sa mafai ona tuuina atu lau molimau i lou talitonu i le toetu mai o le tino, ma ou siiina mai ai le fetalaiga a le Faaola: “Aua e oo mai le aso e faalogo ai i lona leo o i latou uma ua i tuugamau, ma latou o mai ai, o e na amio lelei, e toe tutu i le ola” (Ioane 5:28–29). Ou te molimau atu o lenei tuugamau o le malologa paia lea mo i tatou seia oo i le Toetu.

O lea sa faia ai loa e le faifeau se fautuaga musuia: “Ia tusia upu nei i luga o le maafaamanatu: ‘O le aiga o Bohne ma Lehmann o loo malolo iinei e faatalitali ai le Toetu.’” Sa faataunuuina loa. I le ma lena, sa vaneina ai ma lau molimau i luga o le maa.