E ALOFA IESU IA I TATOU

I se tasi aso sa ou nofonofo i luga o le sofa ma faalogologo i se CD. Ina ua usu mai le viiga “Aoao Mai ia Ou Ui i le Malamalama” (Viiga, nu. 187), sa faasolo lo’u mafaufau i le taulaga a Iesu Keriso mo i tatou taitoatasi. Sa ou manatua Lona alofa, agamalu ma le agalelei, ma sa faatumulia lo’u loto i le faafetai. Sa tautino mai e le Agaga o le Alii ia te au e alofa le Faaola ia i tatou.

Sa nofo i ou i talane la’u tama tama e lua tausaga o loo matamata i ata o Iesu Keriso. Atonu sa ia te ia se lagona pei o au aua na tepa a’e i luga ma fai mai, “Mama, e alofa Iesu ia te oe!”

O Iesu o se vaega o lo’u olaga ma olaga o lo’u aiga. E i ai o Ia i o’u mafaufauga ma lo’u fatu. Ua suia e Lana talalelei lo’u olaga.