Ko ha Fakaafe ki ha Efiafi Fakafāmili ʻi ʻApi

Talu pē hono papi au he taʻu ʻe 12 kuo hilí mo e liliu lahi ʻi heʻeku moʻuí. Ko hono ʻuhinga ʻeni ne u fakakaukau ai mo hoku husepānití ke ma vahevahe mo ha kakai kehekehe ʻa e maama fakalangi kuó ma maʻú. Ne kamata ke ma fakaafeʻi mai ki homa ʻapí ha kau faifekau mo hama kaungāʻapi ke mau efiafi fakafāmili ʻi ʻapi.

Naʻá ma ngaohi ha fanga kiʻi kaati fakaafe maʻa homa kaungāʻapí. Ne kamata ke haʻu ha kakai tokolahi ne nau fie ʻilo pe ko e hā ʻa e efiafi fakafāmili ʻi ʻapí. Ne ʻi ai e niʻihi naʻa nau saiʻia ange ai ʻi ha niʻihi kehe, kae tokolahi ne nau saiʻia he ngaahi ʻekitivitií mo e kiʻi kai maʻamaʻá. Naʻe aʻu pē ki hano papitaiso ha taha ʻo e ngaahi fāmili ne ma fakaafeʻí!

Ne tupulaki foki mo ʻeku tuí heʻeku vahevahe ʻeku fiefia heʻeku kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.