Fakamoʻoni Makehe
Ko e hā ʻa e ului moʻoní?
Mei he “ʻOku ʻOmi ʻe he Ului Kakató ʻa e Fiefiá,” Liahona, Siulai 2002, 27; Ensign, May 2002, 25.
ʻOku vahevahe mai ʻe ʻEletā Lisiate G. Sikoti ʻo e Kōlomu ʻo e Kau ʻAposetolo ʻe Toko Hongofulu Mā Uá ha niʻihi ʻo ʻene ngaahi fakakaukau kau ki he kaveingá ni.
Ko hono fakamatalaʻi mahinongofuá pē, ko e ului moʻoní ko e fua ia ʻo e tuí, fakatomalá, mo e talangofua he taimi kotoa pē.
ʻOku tupu ʻa e tuí mei he fanongo ki he folofola ʻa e ʻOtuá pea tali iá. Te mou maʻu mei he Laumālie Māʻoniʻoní ha fakamoʻoni ʻoku fakapapauʻi atu ai hono moʻoni ʻo e ngaahi meʻa kuo mou tali ʻi he tuí ʻi hoʻomou loto fiemālie ke fai ʻa e ngaahi meʻa ko iá.
ʻE tākiekina ai ʻa kimoutolu ke mou fakatomala mei he ngaahi fehālaaki ko ia ʻoku tupu mei hono fai ʻo e ngaahi meʻa ʻoku halá. ʻE tupu ai hono fakamālohia homou mālohi ke talangofua maʻu peé.
ʻE hanga ʻe he siakale ko ʻeni ʻo e tuí, fakatomalá, mo e talangofua he taimi kotoa peé ʻo tākiekina atu ʻa kimoutolu ki ha ului ʻoku lahi angé, fakataha mo hono ngaahi tāpuakí.
ʻE hanga ʻe he ului moʻoní ʻo fakamālohia homou mālohi ke fai ʻa e meʻa ʻoku mou ʻiloʻi ʻoku totonu ke mou faí, mo e taimi ke mou fai ai iá, neongo pe ko e hā ha meʻa ʻe hokó. ●
Tā fakatātaaʻi ʻe Beth M. Whittaker