Soti nan Sovtaj nan Bondi rive nan Sovtaj nan Baguio

Blake McKeown, ke tout moun konnen kòm nouvo “rekri” nan sovtaj nan pwogram televizyon Ostrali Bondi Rescue a te kite pòs li sou plaj la mwa Me pase a pou l akonpli yon lòt kalite sovtaj. Li te aksepte yon apèl misyon nan Baguio, Filipin. Li te pataje nouvèl sa a ak santiman li avèk kòlèg li yo ak moun ki te konn suiv pwogram nan.

Li te di, “Lè m te reyalize m t ap gen pou ale Filipin, m te eksite anpil.” “Se sètan ke m ta pral sonje plaj la, men ale nan misyon enpòtan pou mwen. Se yon bagay m t ap travay pou li tout lavi mwen.”

Blake di, “Pa gen anyen m te pi plis renmen fè pandan de ane k sot pase yo pase travay sou plaj la—se pi bon travay nan tout mond lan—men pou de ane ki pral vini yo pa gen anyen ki pi bon m vle fè pase sèvi yon misyon. Legliz Jezikri pou Sen Dènye Jou yo se pa yon relijyon ou ka sèlman di ou se manm li; se yon relijyon ou dwe pratike. Sa se lavi mwen. Mwen t ap yon moun trè, trè diferan si m pa t manm legliz la.”