Au vakavinavinakataka vakalevu na mekesini totoka oqo kei na kena ivakadinadina, itukutuku vou, ivakamacala ni ivolanikalou, kei na ivakavuvuli ni lesoni e tiko kina. E vuqa na gauna niu taroga na veika baleta na Tamada Vakalomalagi, e dau tuberi au na Yalo Tabu ki na Liaona, kau dau kunea kina na isau ni noqu vakatataro oqori. Au dau marautaka na noqu ilavelave yadua.

Au taleitaka na Liaona, ka keirau dau volia vakaveiwatini e lima na ilavelave ena dua ga na gauna. Keirau dau laki solia vakailoloma na mekesini oqo vei ira ena neimami itikotiko. E dua vei ira a kaya ni dau lesu mai nodratou ena wale kei na oca ni cakacaka, e dau marau ni raica na mekesini ni tiko ena nona kato ni meli. Au kila ni veitukutuku kece ena mekesini sa vakalou—mai na nodra itukutuku na Vakaitutu Raraba ki na nodra itukutuku na lewenilotu—ni kena wiliki ena veivakavukui ka veivakalougatataki ka vukei au meu lomana ka kilai ira vakavinaka na wekaqu.