iVakavuvuli ni Noda Gauna

Na lesoni ni Matabete i Melikiseteki kei na iSoqosoqo ni Veivukei ena ikava ni Siga Tabu ena vakatabakiduataki ki na “iVakavuvuli ni Noda Gauna.” Na lesoni yadua me na vakarautaki mai na dua se sivia na vosa ni koniferedi raraba se qai vakayacori oti ga. Sa rawa vei ira na peresitedi ni iteki kei na tikina mera digitaka na vosa me na vakayagataki, se mera lesia na itavi oqo vei ira na bisopi kei na peresitedi ni tabana. Mera vakaraitaka na iliuliu na yaga me tautauvata ga kina na vosa mera vulica o ira na veitacini ena Matabete i Melikiseteki kei ira na marama ni iSoqosoqo ni Veivukei ena Siga Tabu vata ga o ya.

Era sa vakayaloqaqataki o ira era na tiko ena lesoni ni ikava ni Siga Tabu mera vulica ka kauta mai ki na kalasi na ilavelave vou ni mekasini ni koniferedi raraba se qai oti toka ga.

Vakatutu ni Vakarautaki ni Lesoni mai na Vosa

Masuta na Yalo Tabu me na tiko vata kei iko ni ko vulica ka vakavulica na vosa o ya. O na rawa ni temaki mo vakarautaka na lesoni mai na veiivola tale e so, ia na vosa ni koniferedi sai koya ga na lewenivuli e vakadonui. E nomuni ilesilesi mo ni vukei ira na tamata mera vulica ka bulataka na kosipeli me vaka sa vakavulici tiko ena koniferedi raraba vakayabaki ni Lotu se qai vakayacori oti ga.

Raicalesu na vosa oqo, ka vakaraica na ivakavuvuli kei na vunau e ganiti ira vinaka na lewe ni kalasi. Vakaraica talega eso na italanoa, tiki ni ivolanikalou, kei na itukutuku mai na vosa ena vukei kemuni mo ni vakavulica na dina oqo.

Cakava e dua na ituvatuva mo vakavulica rawa kina na ivakavuvuli kei na vunau. Na nomu ituvatuva me na oka kina na taro ena vukei ira na lewe ni kalasi:

Vakasaqara na ivakavuvuli kei na vunau era tiko ena vosa.
Vakasamataka na kedra ibalebale.
Me veiwaseitaki na kila, vakasama, veika e sotavi, kei na ivakadinadina.
Vakayagataka na ivakavuvuli kei na vunau oqo ena nodra dui bula.

Vula	iVola ni Lesoni ni iKava ni Siga Tabu
Me 2010– Okotova 2010	Vosa e tabaki ena Liaona ni Me 2010*
Noveba 2010– Epereli 2011	Vosa e tabaki ena Liaona ni Noveba 2010*