Biseklita ngadto sa Umaabut

Daghang batan-ong mga lalaki nangandam og kwarta aron pagserbisyo og misyon. Sa Africa kabahin niana nga pagpangandam mao ang pagtigum og kwarta alangsa pasaporte. Si Sedrick Tshiambine nakatigum unsay iyang gikinahanglan pinaagi sa pagnegosyo: Pinaagi sa pagbaligya og saging sakay sa iyang biseklita.

Si Sedrick nagpuyo sa Luputa, Democratic Republic of Congo. Usa siya sa 45 ka batan-ong mga lalaki sa Luputa district nga nagtrabaho aron makatigum alang sa usa ka pasaporte sa pag-adto og misyon. Sa DR Congo ang usa ka pasaporte mokabat og $250, nga mga two-third sa bili sa pagtukod og balay.

Apan si Sedrick wala mahadlok. Nakatigum siya sa kwarta sa misyon pinaagi sa pagbiseklita og 15–30 ka mga kilometro (9–19 ka mga milya) gikan sa Luputa ngadto sa gagmay nga balangay, diiin siya mopalit og mga saging, dayon mobiseklita balik sa mainit nga African savanna, ang iyang biseklita puno sa prutas nga ibaligya sa siyudad. Kada semana mobiyahe siya og mga 180 kilometro (112 ka mga milya) subay sa balason nga mga dala, ug kausa ra siya matumba tungod sa wala mabalanse nga karga.

Tungod sa iyang mga paningkamot si Sedrick nakatigum og mga $1.25 sa usa ka semana, o $65.00 sa usa ka tuig. Miabut og upat ka mga tuig aron siya makatigum og igong ipalit sa iyang pasaporte, apan karon nasayud siya nga ang iyang kaugmaon maglakip og full-time nga misyon tungod kay siya andam na sa pagtubag sa tawag sa pagserbisyo.