Sary

Elaine S. Dalton

“Tonga teto an-tany ny Mpamonjy mba hampiseho antsika ny fomba hiainana ny drafitra izay nampahafantarina tany an-danitra—drafitra izay raha iainana dia hitondra fifaliana ho antsika. Nampiseho antsika ny lalana hiverenana any amin’ilay fonenana any amin’ny Raintsika any an-danitra ny ohatra izay nataony. Tsy misy olona na dia iray aza tahaka Azy izay niaina ka ‘[n]iorina mafy sy tsy ho azo [no]hozongozonina’ (Môsià 5:15). Tsy mba varimbariana Izy. Nifantoka tanteraka tamin’ny fanatanterahana ny sitrapon’ny Ray Izy ary nitoetra ho marina tamin’ny Asa masina nanirahana Azy. …

“Tafiditra ao anatin’izany drafitra mahagaga izany ianao izay nampahafantarina nandritra ny fiainana talohan’ny nahaterahana izany. Ny fahatongavanao eto an-tany ankehitriny dia efa voalamina raha vao nekena ilay drafitra. Tsy kisendrasendra ny fisianao amin’izao fotoana izao sy ny fitoeranao any amin’ny toerana iray. Ny ‘finoan[ao] fatratra sy ny asa soa [nataonao]’ (Almà 13:3) tamin’izany dia nametraka ny fototra iorenan’ny zavatra mety hovitainao ankehitriny raha toa ka mahatoky sy mankatò ianao. … Misy asa lehibe mila ataonao. Mba hahatontosanao ny asa masina nanirahana anao sy hiainanao ny drafitry ny fahasambarana dia tokony ho mafy orina sy tsy ho voahozongozona koa ianao.”