Elder Kazuhiko Yamashita

Talu ona avea ma se epikopo i Fukuoka, Iapani, i le tele o tausaga ua mavae, ua aoao ai e Elder Kazuhiko Yamashita mai faataitaiga ma uiga lelei o ona taitai sinia.

E lei leva ona faaipoipo Elder Yamashita i lona faletua, o Tazuko Tashiro, sa masii mai i la’ua mai Tokyo i Fukuoka, lea na valaauina ai Elder Yamashita e avea ma epikopo i le 20 ma ona tupu o ona tausaga.

“Sa faigata ia a’u ma lo’u aiga,” sa saunoa ai Elder Yamashita. “Sa toatolu le ma fanau laiti i le taimi lea, ma e fou i matou i le eria—ae o se aafiaga lelei tele mo a’u e aoao atu ai ma aoao mai, ma sa oo ina malosi atu ai la’u molimau ma le faatuatua.”

“O le mea moni sa ou feagai ma taimi faigata, aua e laiti lo’u aiga ma ou te lei maua muamua se poto masani o se taitai o le Ekalesia,” na saunoa ai Elder Yamashita. “O o’u taitai i luga atu o a’u, o ni faataitaiga lelei ma sa latou aoaoina a’u i le tele o lesona e ala i o latou uiga faaalia ma amioga.”

Fai mai Sister Yamashita sa ia vaaia lona toalua o taliaina le tele o valaauga, ma avea o se tama lelei tele ma se taitai maoae faaleagaga e ala i luitau na aumaia e na valaauga. Na mavae atu taimi, ma sa ia vaaia lona suiga ma ua avea ma se tama ma se tane ua sili atu ona agalelei, ua sili atu ona agaalofa. E fiafia le aiga e faaalu faatasi o latou taimi, e aofia ai ni a latou malaga uumi i le ala i tausaga taitasi.

Na soifua mai Elder Yamashita ia Setema 1953, o le atalii o Kiyoshi ma Sadae Yamashita. Sa soifua ae o ia i Tokyo, Iapani, lea na ia maua ai le Ekalesia i le 1971 e ala i le Expo 70, le Faaaliga a le Lalolagi.

Na maua le faailoga o le tagata malaga o Elder Yamashita i mea tau a’oa’oga mai le Iunivesite o Saitama ma se faailoga o le matuaofaiva i mea tau taaloga mai le Iunivesite o Tsukuba. Sa a’oga foi o ia i le tofamanino o a’oga faamalositino i le Iunivesite o Polika Iaga. Sa avea Elder Yamashita ma se faiaoga ma polofesa i iunivesite eseese ma sa tautua i le tele o faalapotopotoga faasaienitisi, faalenuu, ma taaloga.

Sa faaipoipo Elder Yamashita ma lona faletua i le aso 29 Mati, 1980, ma sa faamauina ia Tesema, 1980 ina ua maea le Malumalu o Tokyo Iapani. E toaono o la’ua alo.

A o lei valaauina i le Korama Muamua a Fitugafulu, sa avea Elder Yamashita ma epikopo, fautua maualuga, peresitene o le misiona, peresitene o le siteki, ma Fitugafulu Eria.