Aoaoga mo o Tatou Taimi

O lesona a le Perisitua Mekisateko ma le Aualofa i Aso Sa lona fa, o le a taulai atu i “Aoaoga mo o Tatou Taimi.” E mafai ona saunia lesona taitasi mai se lauga se tasi pe sili atu foi na tuuina mai i le konafesi aoao aupito lata mai. E mafai e peresitene o siteki ma itu ona filifili pe o a lauga e tatau ona faaaoga, a le o lena, e mafai ona latou atofa atu lenei tiutetauave i epikopo ma peresitene o paranesi. E ao i taitai ona faamamafa atu le taua o le suesue e uso o le Perisitua Mekisateko ma tuafafine o le Aualofa nei lauga e tasi i Aso Sa foi na.

O i latou e auai atu i lesona o le Aso Sa lona fa, ua fautuaina ina ia suesue ma aumai i le vasega le mekasini o le konafesi aoao aupito lata mai.

Fautuaga mo le Sauniaina o se Lesona mai Lauga

Tatalo ina ia faatasi atu le Agaga Paia ma oe a o e suesue ma aoao atu ia lauga. Atonu e i ai taimi e faaosoosoina ai oe e faaaoga nisi mea e sauni ai lau lesona, peitai o lauga o le konafesi o mataupu na ua faamaonia mo le aoaoina. O lou tofiga o le fesoasoani lea i isi e aoao ma ola ai i le talalelei, e pei ona aoao mai i le konafesi aoao aupito lata mai a le Ekalesia.

Toe faamanatu lauga, vaavaai mo mataupu faavae ma aoaoga faavae e fetaui ma manaoga o tagata o le vasega. Ia vaavaai foi mo tala, o mau faasino, ma faamatalaga mai lauga o le a fesoasoani ia te oe e aoao atu ai nei upumoni.

Fai se otootoga o le auala e te manao e aoao atu ai ia mataupu faavae ma aoaoga faavae. E tatau ona aofia i lau otootoga ni fesili e fesoasoani ai i tagata o le vasega e:

Vaavaai mo mataupu faavae ma aoaoga faavae o i lauga.
Mafaufau i o latou uiga.
Fefaasoaai le malamalama, manatu, aafiaga, ma molimau.
Faaaoga nei mataupu faavae ma aoaoga faavae i o latou olaga.

Masina	Anomea o Lesona o le Aso Sa e Fa
Me 2011–Oketopa 2011	O lauga o loo lolomiina i le Liahona Me 2011*
Novema 2011–Aperila 2012	O lauga o loo lolomiina i le Liahona Novema 2011*